Murodov Javlonbek Zafar o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan tarmog‘i nomi): «Kationli sirt faol moddalar sintezi va ularni modifikatsiyalash asosida polimer-bitum emulsiyalari olish texnologiyasini ishlab chiqish», 02.00.11 – «Kolloid va membrana kimyosi» (texnika fanlari).
Dissertatsiya mavzusi ro‘yxatga olingan raqam: B2025.4.PhD/T6103.
Ilmiy rahbar: Haydarov Axtam Amonovich, texnika fanlari doktori, professor.
Dissertatsiya bajarilgan muassasa nomi: Buxoro davlat texnika universiteti.
IK faoliyat ko‘rsatayotgan muassasa nomi, IK raqami: Buxoro davlat texnika universiteti, DSc.03/2025.27.12.T.16.05.
Rasmiy opponentlar: Bozorov G‘ayrat Rashidovich, texnika fanlari doktori, professor; Salixanova Dilnoza Saidakbarovna, texnika fanlari doktori, professor.
Yetakchi tashkilot: Farg‘ona  davlat texnika universiteti.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi: kation sirt faol moddalar sintez qilish va ularni modifikatsiyalash asosida polimer-bitum emulsiyalarini olish texnologiyasini ishlab chiqishdan iborat.
III. Tadqiqotning ilmiy yangiligi:
stearin kislotasining murakkab efirlari bilan N,N-dimetiletilendiamin va benzilbromid asosida kation sirt faol moddalar sintez qilingan;
sintez qilingan kationli sirt faol moddalarning gidrofil-lipofil balansi 8,0 ekanligi, moyda-suv emulsiyalar hosil bo‘lishida kritik konsentratsiyasini 0,475 % bo‘lganda dispersiyalanishi ilmiy isbotlangan;
modifikatsiyalangan polimer-bitum emulsiyalarning 40 oC shartli qovushqoqligi 18,5s, adgeziyasi 89%, sita bo‘yicha gomogenligi 0,20 % bo‘lganda tez parchalanadigan xususiyatni namoyon qilganligi  isbotlangan;
ma’qbul rejimlarda stearin kislotaning murakkab efirlari bilan N,N- dimetiletilendiamin va benzil bromid asosida kation sirt faol moddalarning hamda polimer-bitum emulsiyalarni olish texnologiyasi ishlab chiqilgan.
IV. Tadqiqot natijalarining joriy qilinishi. Kation sirt faol moddalar va ularni modifikatsiylash asosida polimer-bitum emulsiyalar olish texnologiyasini ishlab chiqish bo‘yicha ilmiy natijalar asosida:
sintez qilingan kation sirt faol moddalar va ular asosida tayyorlangan polimer-bitum emulsiyalari olish texnologiyasi “Farg‘ona neftni qayta ishlash zavodi” MChJda 2026-2030-yillarda amaliyotga joriy etish bo‘yicha istiqbolli ishlanmalar ro‘yxatiga kiritilgan (“Farg‘ona neftni qayta ishlash zavodi” MChJning 2025-yil 7-fevraldagi 02-03-01/196-son ma’lumotnomasi). Natijada, namuna sifatida tayyorlangan bitum emulsiyalarining ko‘rsatkichlari mos ravishda: 40 °C dagi shartli qovushqoqligi 37,9–41,1 s, mineral materiallarga nisbatan adgeziyasi 100 %,  elakda qoladigan qoldiq miqdori 0,24-0,27 %, 7 kundan keyingi saqlanish barqarorligi 3–4 %, tarqalish indeksi 120-140 ni tashkil etib, amaldagi standart talablariga to‘liq javob berish imkonini beradi;
tarkibida sintez qilingan kation sirt faol moddalar saqlagan polimer-bitum emulsiyalar olish texnologiyasi “Farg‘ona neftni qayta ishlash zavodi” MChJda 2026-2030-yillarda amaliyotga joriy etish bo‘yicha istiqbolli rejalar ro‘yxatiga kiritilgan (“Farg‘ona neftni qayta ishlash zavodi” MChJning 2025-yil 7-fevraldagi 02-03-01/196-son ma’lumotnomasi). Natijada, emulsiyadan suv bug‘langandan keyingi qoldiq bitumning fizik-mexanik ko‘rsatkichlari: 25 °C da penetratsiyasi (0,1 mm) 52-58, “Halqa va shar” usuli bo‘yicha yumshash harorati 53-54 °C, Fraas usuli bo‘yicha mo‘rtlashish harorati -14 dan -11 °C gacha, 25 °C da elastiklik ko‘rsatkichi 63 % ni tashkil etib, GOST R 52128-2003 hamda GOST 55420-2013 standart talablariga muvofiqligini ta’minlash imkonini beradi.