Сарсенбаев Дауитбай Жолдасбаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): Замонавий технологияни қўллаш асосида ҳаво кемаларига парвоздан кейин техник хизмат кўрсатиш жараёнини такомиллаштириш, 05.02.08 – Учиш аппаратларини лойиҳалаш, уларнинг конструксияси, ишлаб чиқариш, улардан фойдаланиш ва ер усти мажмуалари (техника фанлари).
Диссертация мавзуси рўйхатга олинган рақам: B2025.2.PhD/Т5676
Илмий раҳбар: Матуразов Иззат Солиевич, PhD., доцент.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги PhD.10/2025.27.12.Т.01.07 рақамли Илмий кенгаш.
Расмий оппонентлар: Давронбеков Дилмурод Абдужалилович, техника фанлари доктори, профессор; Закиров Руслан Гилмуллаевич, техника фанлари бўйича фалсафа доктори (PhD).
Етакчи ташкилот: Ислом Каримов номидаги Тошкент давлат техника университети.
II. Тадқиқотнинг мақсади: Ҳаво кемаларига техник хизмат кўрсатиш жараёнида замонавий технологияни қўллаш асосида парвоздан кейин техник хизмат кўрсатиш жараёнини такомиллаштиришдан иборат.
III. Тадқиқотнинг илмий янгилиги:
ҳаво кемаларига парвоздан кейинги техник хизмат кўрсатиш жараёнининг самарадорлигини ошириш усули замонавий рақамли технология асосида техник хизмат кўрсатиш жараёни босқичларининг ўзаро боғлиқлигини ҳисобга олган ҳолда такомиллаштирилган;
ҳаво кемасига парвоздан кейин техник хизмат кўрсатишда унинг насозлигини аниқлаш усули носозликни олдиндан аниқлашга қаратилган замонавий рақамли технологияни қўллаш орқали такомиллаштирилган;
парвоздан кейинги техник хизмат кўрсатиш жараёнининг асосий кўрсаткичлари ўртасидаги боғлиқликни ифодаловчи ва жараённи оптималлаштиришга хизмат қилувчи математик модел ва алгоритм ишлаб чиқилган;
замонавий технологиялар асосида ҳаво кемаларига парвоздан кейин техник хизмат кўрсатиш жараёнини такомиллаштиришнинг илмий асосланган модели ишлаб чиқилган.
IV. Тадқиқот натижаларининг жорий қилиниши. Ҳаво кемаларига парвоздан кейин техник хизмат кўрсатиш жараёнини алгоритмик бошқариладиган рақамли иш жараёни сифатида қўллаш орқали олинган натижалар асосида:
Ҳаво кемаларига парвоздан кейин техник хизмат кўрсатиш АирТХК тизими “Узбекистан Аирwайс Течниcс” МЧЖ да жорий этилган (Ўзбекистон Республикаси Транспорт вазирлигининг 2026-йил 14-майдаги 4/Э632-сонли маълумотномаси). Натижада ҳаво кемаларига парвоздан кейин техник хизмат кўрсатиш вақтини қисқартириш, бажарилиш жараёнларини белгиланган алгоритм асосида амалга ошириш ва жараён давомидаги кутилмаган носозликларнинг олдини олиш таъминланилди, рақамли техник хизмат кўрсатиш тизими билан иш жараёнининг бажарилиши тезлашганлиги асосида бир кунлик тежамкорлик ойлик ўртача 30,7 млн. сўм ҳамда йиллик ўртача 368 млн сўм иқтисодий самарадорликка эришилган;
Ҳаво кемаларига парвоздан кейин техник хизмат кўрсатиш АирТХК тизими “Узбекистан ҳелиcоптерс” МЧЖ да  жорий этилган (Ўзбекистон Республикаси Транспорт вазирлигининг 2026-йил 14-майдаги 4/Э632-сонли маълумотномаси). ҳаво кемасига парвоздан кейин техник хизмат кўрсатиш таклиф этилган технологияни қўллаш орқали амалдаги тизимга нисбатан инсон омилининг камайишига, кутилмаган носозликларни олди олинишига ва парвоздан кейин техник хизмат кўрсатиш самарадорлиги 64 % га ошишига эришилган.