Турабоев Шухрат Махмадалиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий ўсимлик хомашёлари асосида капсула шаклидаги оригинал тайёр дори воситалар олиш технологиясини яратиш», 02.00.10–Биоорганик кимё (техника фанлари).
Диссертация мавзуси рўйхатга олинган рақам: B2017.3.PhD/K73.
Илмий раҳбар: Сагдуллаев Баходир Тахирович, техника фанлари доктори, катта илмий ходим.
Диссертация бажарилган муассасалар номи: Биоорганик кимё институти.
ИК фаолият кўрсатаётган муассаса (муассасалар) номи, ИК рақами: Биоорганик кимё институти, Ўзбекистон Миллий университети, Ўсимлик моддалари кимёси институти, DSc.27.06.2017.К/В/Т.37.01.
Расмий оппонентлар: Маматханов Ахматхон Умархонович, техника фанлари доктори, профессор; Ҳайдаров Восилжон Расулович, фармацевтика фанлари номзоди, профессор.
Етакчи ташкилот: Ўзбекистон кимё-фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий ўсимлик хомашёлари асосида сурги хусусиятига эга равонол ва хламидияларга қарши гозалидон воситаларининг капсула шакли таркибини танлаш, технологиясини ишлаб чиқиш ва стандартлашдан иборат.
III. Тадқиқотнинг илмий янгилиги:
равонол ва гозалидон субстанцияларининг физик-кимёвий хусусиятлари баҳоланган ва технологик хоссалари аниқланган;
илк бор оригинал воситалар равонол ва гозалидоннинг капсула шакллари яратилган ва технологияси ишлаб чиқилган;
хламидияларга қарши гозалидон препаратининг янги дори шаклини яратиш орқали унинг органолептик ва организмга таъсир этиш хусусиятлари ошганлиги аниқланган;
яратилган капсула шаклларининг физик-кимёвий ва биологик хусусиятлари аниқланган ва биосамарадорлиги исботланган.
IV. Тадқиқот натижаларининг жорий қилиниши.
Тадқиқот объектларидан капсула олиш технологияларини ишлаб чиқиш бўйича олинган илмий натижалар асосида:    
хламидияларга қарши фаолликка эга бўлган гозалидон дори воситаси учун Ўзбекистон Республикаси Интеллектуал мулк агентлигининг ихтиро патенти олинган (№IAP05681, 2018 й.). Натижада хламидия инфекцияси билан касалланган беморларни даволаш учун капсула шаклидаги дори воситасини яратиш имконини берган;
маҳаллий ўсимлик хомашёси асосида сурги хусусиятига эга равонол биологик фаол қўшимчаси учун Ўзбекистон Республикаси Интеллектуал мулк агентлигининг ихтиро патенти олинган (№IAP05804, 2019 й.). Натижада қабзиятнинг олдини олиш ва самарали даволаш учун капсула шаклидаги биологик фаол қўшимчани яратиш имконини берган;
сурги хусусиятига эга равонол капсула шаклининг меъёрий ҳужжатлари тасдиқланган, ишлаб чиқариш ва амалиётда қўллаш учун Ўзбекистон Республикаси Соғлиқни сақлаш вазирлиги томонидан рухсат этилган (Гувоҳнома №000335). Натижада сурги хусусиятига эга равонол биологик фаол қўшимчанинг капсула шаклини ишлаб чиқариш имконини берган.