Usmonova Dilnoza Barotovnaning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan tarmog‘i nomi): «Buxoro viloyati karpsimon baliqlar polikulturasi sharoitida baliq chavoqlarini etishtirishning biologik asoslari», 03.00.15 - Ixtiologiya (biologiya fanlari).
Dissertatsiya mavzusi ro‘yxatga olingan raqam: B2024.4.PhD/B1353.
Ilmiy rahbar: Kamilov Baxtiyor Ganievich, biologiya fanlari doktori, professor.
Dissertatsiya bajarilgan muassasalar nomi: Toshkent davlat agrar universiteti.
IK faoliyat ko‘rsatayotgan muassasa nomi, IK raqami: Toshkent davlat agrar universiteti, PhD.08/2025.27.12.B.02.04.
Rasmiy opponentlar: Kuzmetov Abdulaxmet Raymberdievich, biologiya fanlari doktori, professor; Mullabaev Nodirbek Ravshanbekovich, biologiya fanlari nomzodi, dotsent.
Yetakchi tashkilot: Farg‘ona davlat universiteti.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi: Zarafshon daryosi quyi oqimi sharoitida tuproq hovuzlarda yarim intensiv usulda karpsimon baliqlar chavoqlarini etishtirishning biologik asoslarini ishlab chiqishdan iborat.
III. Tadqiqotning ilmiy yangiligi:
ilk marta kollektor-drenaj sho‘rlangan sizot suvlaridan to‘yinadigan hovuzlar suvining baliqchilik sifat ko‘rsatkichlari aniqlangan; suvlarni o‘gʻitlash orqali tabiiy ozuqa bazasi organizmlari rivojlanishini tezlashtirish va sifatli baliq chavoqlarini etishtirish imkoniyati asoslangan; 
hovuz baliqchiligi obektlari bir yozlik chavoqlari va chavoqlari fenotipik o‘zgaruvchanligi tahlil qilingan unga ko‘ra o‘zgaruvchanlik yosh guruhlariga bogʻliq holda paydo bo‘lishi isbotlangan; 
sho‘rlangan suvli hovuzlarda chuchuk suv baliqlarini sun’iy ko‘paytirish va chavoqlarini etishtirish imkoniyati mavjudligi aniqlangan, oq amur baligʻi urugʻlangan ikralardan lichinkalar chiqishi 88%, karp balig‘ida 84% va oq do‘ngpeshona baliqda 78% tashkil qilishi aniqlangan; qisman sho‘rlangan suvlardan to‘yingan o‘stirish hovuzlari baliq mahsuldorligi aniqlangan unga ko‘ra tegishli mneliorativ chora-tadbirlarni o‘tkazish orqali baliq mahsuldorligini gekrariga 2-4 mln dona yoki gektariga 25-30 sentnergacha oshirish imkoniyati asoslangan; 
sho‘rlangan suvlardan to‘yinadigan hovuzlarda chuchuk suv baliqlari chavoqlarini etishtirish bo‘yicha tavsiyanoma ishlab chiqilgan va unda olib boriladigan kompleks chora-tadbirlar majmuasi ko‘rsatib berilgan.
IV. Tadqiqot natijalarining joriy qilinishi. Buxoro viloyati karpsimon baliqlar polikulturasi sharoitida baliq chavoqlarini etishtirishning biologik asoslari bo‘yicha olib borilgan ilmiy-tadqiqot natijalari asosida:
baliq lichinkalarini o‘stirish tig‘izligini texnologiyasini optimallashtirish bo‘yicha tavsiyalar ishlab chiqilgan va 2022-yilda Buxoro viloyatidagi “Nodir-Nozim ko‘li” MChJda amaliyotga joriy qilingan (O‘zbekiston respublikasi qishloq xo‘jaligi vazirligining qishloq xo‘jaligida bilim va innovatsiyalar markazining 2025 yil 2 iyundagi 05/06-04-303–son ma’lumotnomasi). Natijada, tavsiya etilgan meliorativ chora-tadbirlar natijasida karp balig‘i lichinkalaridan chavoq chiqishi me’yoriy yashovchanlik ko‘rsatkichi 90%, oq do‘ngpeshona baliqda esa 72% tashkil qilib, ushbu ko‘rsatkichnining me’yoriy ko‘rsatkichdan karp balig‘i chavoqlarida 40%, oq do‘ngpeshona baliq chavoqlarida 22% ga oshirishga imkon bergan;
karpsimon baliqlar polikulturasi sharoitida baliq chavoqlarini etishtirishning biologik asoslari ishlab chiqilgan va 2023-yilda Buxoro viloyatidagi “Nodir-Nozim ko‘li” MChJda amaliyotga joriy qilingan (O‘zbekiston respublikasi qishloq xo‘jaligi vazirligining qishloq xo‘jaligida bilim va innovatsiyalar markazining 2025 yil 2 iyundagi 05/06-04-303–son ma’lumotnomasi). Natijada, 25 kun davomida tajriba hovuzlarida etishtirilgan karp balig‘i lichinkalarining o‘rtacha og‘irligi 0,60 g, yashovchanligi 70% ni, etishtirilgan baliq mahsuldorligi gektariga 1336 kg ni, oq amur balig‘i lichinklalari 0,80 g, yashovchanligi 90,6% ni, etishtirilgan baliq mahsuldorligi esa gektariga 1216 kg ga yetkazish imkonini bergan;
chuchuk suv baliqlari chavoqlarini o‘rtacha minerallashgan suvlarda etishtirish texnologiyasi takomillashtirilgan va 2024-yilda Buxoro viloyati Buxoro tumanidagi “Baxtiyor Amin baliqchi” MChJda amaliyotga joriy qilingan (O‘zbekiston respublikasi qishloq xo‘jaligi vazirligining qishloq xo‘jaligida bilim va innovatsiyalar markazining 2025 yil 2 iyundagi 05/06-04-303–son ma’lumotnomasi). Natijada, takomillashtirilgan meliorativ chora-tadbirlar natijasida karp balig‘i lichinkalaridan chavoq chiqishi 87%, oq do‘ngpeshona baliqda 90% va oq amur baliqda 81% ni tashkil qilib, baliqlar yashovchanlik ko‘rsatkichi oshirishning iqtisodiy samaradorligi me’yoriy ko‘rsatkichdan karp balig‘ida 37%, oq do‘ngpeshonada 40% va oq amurda 31% ga oshirish imkonini bergan.