Turg‘unova Nilufar Muxiddin qizining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Ona tili ta’limida loyiha texnologiyasidan foydalanishning ilmiy-metodik asoslari”, 13.00.02 – Ta’lim va tarbiya nazariyasi va metodikasi (O‘zbek tili) (pedagogika fanlari).
Dissertatsiya mavzusi ro‘yxatga olingan raqam: B2023.2.PhD/Ped5184.
Ilmiy rahbar: Mavlonova Klaraxon Maxmutovna, pedagogika fanlari doktori, professor.
Dissertatsiya bajarilgan muassasa nomi: Alisher Navoiy nomidagi Toshkent davlat o‘zbek tili va adabiyoti universiteti.
IK faoliyat ko‘rsatayotgan muassasa nomi, IK raqami: Alisher Navoiy nomidagi Toshkent davlat o‘zbek tili va adabiyoti universiteti, DSc.03/2025.27.12.Fi1.41.01 (bir martalik kengash).
Rasmiy opponentlar: pedagogika fanlari doktori, professor Safarova Roxatoy Gaybillaevna; pedagogika fanlari doktori, professor Sobirova Mahbuba Yusupdjanovna.
Yetakchi tashkilot: Nizomiy nomidagi O‘zbekiston milliy pedagogika universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi: ona tili ta’limida loyiha texnologiyasidan foydalanishga oid ilmiy-metodik asoslarni tizimlashtirish, taklif va tavsiyalar ishlab chiqishdan iborat.
III. Tadqiqotning ilmiy yangiligi:
ona tili ta’limida loyiha ta’lim texnologiyasidan foydalanishning pedagogik imkoniyatlari nutqiy, lingvistik, kognitiv, tadqiqotchilik hamda kolloborativ ko‘nikmalar ustuvorligi, ijodiy-amaliy, amaliy-tadqiqotchilik loyihalari mazmunida o‘quvchidagi yashirin qobiliyatlarni yuzaga chiqarish, ijod qilish va kreativ g‘oyalarini amaliyotga tatbiq qilishi orqali aniqlashtirilgan;
ona tili ta’limida qo‘llanuvchi loyiha ishlari faoliyat turi, mavzusi, fan va sohalararo integratsiyasi, ishtirokchilar soni, natija shakli (produktivlik) hamda davomiyligi aspektlari bo‘yicha tasniflangan hamda ularni kolloborativ tashkil etish mazmuni takomillashtirilgan;
o‘quvchilarda loyiha texnologiyasi asosida shakllanadigan tadqiqotchilik, izlanuvchanlik, tanqidiy fikrlash, axborot savodxonligini rivojlantirish ko‘nikmalari aniqlanib, ona tili ta’limida qo‘llanuvchi o‘quv loyihalari hamda ularni formativ va summativ baholash mezonlari mazmun, til va uslub, ijodiylik, tadqiqotchilik, dizayn, taqdimot va jamoada ishlay olish parametrlari asosida ishlab chiqilgan;
8–9-sinf ona tili darslari uchun o‘quv loyihalari bilan ishlash metodikasi “Maktabimiz gazetasi”, “Ustozim bilan intervyu”, “Ibora – til boyligi”, “Tabiat eko-jurnali”, “Men tanlagan kasb”, “Kino va kitob”, “Biz befarq emasmiz!”, “Sheva va adabiy til”, “Mahallamga marhamat!” kabi loyiha texnologiyalari vositasida individual hamda kolloborativ yondashuvlar asosida takomillashtirilgan.
IV. Tadqiqot natijalarining joriy qilinishi.  Ona tili ta’limida loyiha texnologiyasidan foydalanishning ilmiy-metodik asoslarini ishlab chiqish bo‘yicha olingan ilmiy natijalar asosida: 
ona tili ta’limida loyiha ta’lim texnologiyasidan foydalanishning pedagogik imkoniyatlari nutqiy, lingvistik, kognitiv, tadqiqotchilik hamda kolloborativ ko‘nikmalar ustuvorligi, ijodiy-amaliy, amaliy-tadqiqotchilik loyihalari mazmunida o‘quvchidagi yashirin qobiliyatlarni yuzaga chiqarish, ijod qilish, kreativ g‘oyalarini amaliyotga tatbiq qilishga oid ilmiy xulosa va takliflardan Alisher Navoiy nomidagi Toshkent davlat o‘zbek tili va adabiyoti universitetida 2020–2023-yillarda amalga oshirilgan AM-FZ-201908172 “O‘zbek tilining ta’limiy korpusini yaratish” loyihasida foydalanilgan (Alisher Navoiy nomidagi Toshkent davlat o‘zbek tili va adabiyoti universitetining 2025-yil 27-iyundagi 01/4-2799-sonli ma’lumotnomasi). Natijada o‘zbek tilining ta’limiy korpusi loyihalar asosida ta’lim oluvchilarda tadqiqotchilik hamda kognitiv ko‘nikmalarni rivojlantirishga oid kontent bilan boyitilgan;
ona tili ta’limida qo‘llanuvchi loyihaviy faoliyat turlari mavzusiga ko‘ra, faoliyat turi, hayotiy ko‘nikmalarni rivojlantirishi, fan va sohalararo bog‘liqligi, ishtirokchilar soni, natija shakli hamda davomiyligiga ko‘ra tasniflangan hamda ularni tashkil etish mazmunini takomillashtirishga oid tavsiyalardan Alisher Navoiy nomidagi Toshkent davlat o‘zbek tili va adabiyoti universitetida 2020–2023-yillarda amalga oshirilgan AM-AZ-202004165 “Umumiy o‘rta ta’limning boshlang‘ich sinf o‘quvchilarida og‘zaki va yozma nutqiy kompetensiyalarni rivojlantiruvchi elektron platforma yaratish” loyihasida foydalanilgan (Alisher Navoiy nomidagi Toshkent davlat o‘zbek tili va adabiyoti universitetining 2025-yil 27-iyundagi 01/4-2798-sonli ma’lumotnomasi). Natijada turli o‘quv loyihalari amaliyotda qo‘llanib, o‘quvchilarida og‘zaki va yozma nutqiy kompetensiyalarni rivojlantiruvchi elektron platformaning boyishiga erishilgan;
o‘quvchilarda loyiha texnologiyasi asosida shakllanadigan tadqiqotchilik, izlanuvchanlik, tanqidiy fikrlash, axborot savodxonligini rivojlantirish kabi kognitiv ko‘nikmalar aniqlanib, ona tili ta’limida qo‘llanuvchi o‘quv loyihalari hamda ularni mazmun, til va uslub, ijodiylik, tadqiqotchilik, dizayn, taqdimot va jamoada ishlay olish parametrlari asosida ishlab chiqilgan formativ va summativ baholash mezonlari ona tili darsliklar mazmuniga singdirilgan (O‘zbekiston Respublikasi Maktabgacha va maktab ta’limi vazirligi huzuridagi Respublika ta’lim markazining 2025-yil 9-sentyabrdagi 01/11-6-621-sonli ma’lumotnomasi). Natijada ona tili ta’limida loyiha texnologiyasidan foydalanishga oid metodik ta’minot takomillashgan;
8–9-sinf ona tili darslari uchun o‘quv loyihalari bilan ishlash metodikasi “Maktabimiz gazetasi”, “Ustozim bilan intervyu”, “Ibora – til boyligi”, “Tabiat eko-jurnali”, “Men tanlagan kasb”, “Kino va kitob”, “Biz befarq emasmiz!”, “Sheva va adabiy til”, “Mahallamga marhamat!” kabi  loyiha texnologiyalari mazmunida individual hamda kolloborativ yondashuvlar asosida ishlab chiqilgan loyihaviy topshiriqlardan 5-8-sinf “Ona tili” darsliklari hamda o‘qituvchi kitoblarida foydalanilgan (O‘zbekiston Respublikasi Maktabgacha va maktab ta’limi vazirligi huzuridagi Respublika ta’lim markazining 2025-yil 9-sentyabrdagi 01/11-6-621-sonli ma’lumotnomasi). Natijada ona tili darsliklari loyihaga asoslangan topshiriqlar bilan boyitilgan.