Эргашев Шариббой Тулановичнинг
фан доктори (DSc) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: “Уруғлик пахта навлари учун аррали тола ажратиш ускунасининг ресурстежамкор конструксиясини ишлаб чиқиш ва параметрларини асослаш”, 05.06.02–Тўқимачилик материаллари технологияси ва хомашёга дастлабки ишлов бериш.
Диссертация мавзуси рўйхатга олинган рақам: В2026.1.DSc/Т638
Илмий раҳбар: Саримсаков Олимжон Шарипжанович, техника фанлари доктори, профессор.
Диссертация бажарилган муассаса номи: Наманган давлат техника университети
ИК фаолият кўрсатаётган муассаса номи, ИК рақами: Наманган давлат техника университети, DSc.03/2025.27.12.Т.15.03
Расмий оппонентлар: техника фанлари доктори, профессор Эргашев Жамолдин Саматович, техника фанлари доктори, профессор Жуманиязов Қадам Жуманиязович, техника фанлари доктори(DSc), профессор Матисмаилов Сайфулло Лолашбоевич.
Етакчи ташкилот: Жиззах Политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Уруғлик пахта навлари учун ишчи камера элементларини такомиллаштириш орқали аррали тола ажратиш ускунасининг ресурстежамкор конструксиясини ишлаб чиқиш ва параметрларини асослашдан иборат.
III.Тадқиқотнинг илмий янгилиги қуйидагилардан иборат:
чигитнинг ишчи камерадаги ҳаракати динамикасини таҳлил қилиш орқали колосник ва чигит ўртасидаги турли ишқаланиш коеффициентларида хомашё валигини айлантириш учун зарур бўлган қувватнинг пахта хомашёси эластик хусусиятларига, хомашё валигининг массаси ва арра айланиш тезлигига боғлиқлик қонунияти аниқланган; 
турли конструксион материаллар билан чигит сиртлари ўртасидаги ишқаланиш коеффициентларини қиёсий таҳлил қилиш натижасида ишчи камера ва колосник панжараларининг ишчи юзалари учун ишқаланиш коеффициенти минимал бўлган мақбул конструксион материал танлаб олинган;
колосник ҳамда ишчи камера материалларининг хизмат қилиш муддати уларнинг толали материал босим кучи таъсирида ейилиш даражасига боғлиқлигини ҳисобга олиб, конструксион материаллар ейилишга чидамлилиги ва унинг тушаётган босим кучига боғлиқлик қонуниятлари аниқланган ҳамда колосник ва ишчи камера  тайёрлаш учун ейилишга чидамлилиги энг юқори бўлган конструксион материал танланган;
тола ажратиш машинаси арра тишларининг толани илиб олиш қобилияти уларнинг толали муҳит билан таъсирлашув майдонига боғлиқ эканлигидан келиб чиқиб, тишларини арра диски қалинлигида кетма-кет чап ҳамда ўнг томонга оғдириб ўткирлаш орқали толали муҳит билан таъсирлашув майдони ва толаларни илиб олиш қобилияти оширилган арра тишлари конструксияси ишлаб чиқилган; 
 хомашё валигининг айланиш ҳаракатига ишчи камеранинг олди ва орқа фартуклари ҳамда ён деворларидаги ишқаланиш кучларининг салбий таъсирини инобатга олган ҳолда ишчи юзаларни ишқаланиш коеффициенти паст бўлган материалдан тайёрлаш йўли билан ишчи камера конструксияси такомиллаштирилган.
IV. Тадқиқот натижаларининг жорий қилиниши. Аррали тола ажратгич учун ишчи камера, таркибли колосник ва янги профилдаги тишларга эга бўлган арра конструксияларини ишлаб чиқиш бўйича олинган натижалари асосида:
ишқаланиш коеффициенти паст бўлган материалдан тайёрланган ишчи камера, таркибли колосник ва янги профилдаги тишларга эга бўлган аррали цилиндр ўрнатилган аррали тола ажратиш машинаси Ўзбекистон Республикаси «Ўзтўқимачиликсаноат» уюшмасига қарашли «НТ ЧУСТ ҒАЛЛА CЛУСТЕР» МЧЖ Мингбулоқ пахта тозалаш корхонасига жорий этилган («Ўзтўқимачиликсаноат» уюшмасининг 2026 йил 6 мартдаги 01/06-385-сон маълумотномаси). Натижада, жин машинаси иш унуми 1.9 кг/арра·соат гача ортган, пахта чигитининг механик шикастланганлиги 2.3% (абс.), толадаги нуқсонлар ва ифлос аралашмалар массавий улушини 0,8 % (абс.), қолдиқ тукдорлигини 1,1% (абс.) га камайтиришга эришилган.