Jonuzoqov Sardor Yusupovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Yuqori muhitlarda ishlaydigan yuqori entropiyali qotishmalarning mexanik xususiyatlarini takomillashtirish”, 05.02.01–“Mashinasozlikda materialshunoslik. Quymachilik. Metallarga termik va bosim ostida ishlov berish. Qora, rangli va noyob metallar metallurgiyasi” ixtisosligi.
Dissertatsiya mavzusi ro‘yxatga olingan raqam: B2023.3PhD/T3902
Dissertatsiya bajarilgan muassasa nomi: Toshkent davlat texnika universiteti.
IK faoliyat ko‘rsatayotgan muassasa nomi, IK raqami: Toshkent davlat texnika universiteti huzuridagi DSc.03/2025.27.12.T.02.04. raqamli Ilmiy Kengash.
Ilmiy rahbar: Jumaev Elyorjon Erkin o‘g‘li, texnika fanlari doktori, professor.
Rasmiy opponentlar: Norxudjaev Fayzulla Ramazonovich, texnika fanlari doktori, professor; Tursunov Nodirjon Qayumovich, texnika fanlari doktori, professor.
Yetakchi tashkilot: Namangan davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi yuqori muhitlarda ishlaydigan yuqori entropiyali qotishmalarning mexanik xususiyatlarini takomillashtirishdan iborat.
III. Tadqiqotning ilmiy yangiligi:
O‘zbekiston sanoati uchun birinchi marta AlCoCrFeNi yuqori entropiyali qotishma tarkibidan Fe elementini chiqarib tashlash orqali yuqori haroratlarda ishlashga mo‘ljallangan AlCoCrNi yuqori entropiyali qotishmaning optimal tarkibi ilmiy asoslangan.
kimyoviy tarkibdagi elementlar nisbatini optimallashtirish natijasida hajmi markazlashgan (BCC) va yoqlari markazlashgan (FCC) fazalardan iborat ikki fazali tuzilmaning barqarorligini oshirish qonuniyatlari eksperimental ravishda aniqlangan.
AlCoCrNi yuqori entropiyali qotishmasining mikrostrukturasi va mexanik xossalarini yaxshilovchi optimal termik ishlov berish rejimlari ilmiy jihatdan asoslangan.
kimyoviy tarkib va termik ishlov berish parametrlarini optimallashtirish asosida VK8 qattiq qotishmali burg‘i tishlari o‘rnini bosuvchi yangi AlCoCrNi yuqori entropiyali qotishma tarkibi ishlab chiqilgan va uning samaradorligi ilmiy jihatdan asoslangan.
O‘zbekiston sharoitida VK8 qattiq qotishmali burg‘ilar hamda AlCoCrNi yuqori entropiyali qotishmadan tayyorlangan burg‘ilarning ekspluatatsion ko‘rsatkichlari qiyosiy tahlil qilinib, yangi qotishmaning eyilishga chidamliligi va xizmat muddatining ustunligi eksperimental ravishda isbotlangan. 
 IV.Tadqiqot natijalarining joriy qilinishi. Yuqori muhitda ishlaydigan yuqori entropiyali qotishmalarning mexanik xususiyatlarini takomillashtirish bo‘yicha olingan ilmiy natijalar asosida:
AlCrCoNi asosidagi yuqori haroratga chidamli qotishma namunasi «O‘zbekiston texnologik metallar kombinatii» AJ issiq muhitda ishlaydigan metall detallarida joriy qilingan (TMKning 2026-yil5-fevraldagi № 03/03-143 raqamli ma’lumotnomasi asosida). ). Natijada detallar ishlash muddati an’anaviy qotishmaga nisbatan 12–15% oshgan.
Qotishmani tayyorlash uchun vakumli induksion eritish texnologiyasi «O‘zbekiston texnologik metallar kombinatii» AJ issiq muhitda ishlaydigan metall detallarida joriy qilingan (TMKning 2026-yil5-fevraldagi № 03/03-143 raqamli ma’lumotnomasi asosida). ). Natijada ishlab chiqarish jarayonida metall yo‘qotishlari 8–10% ga kamaygan.
AlCrCoNi qotishmasining issiqlik bilan ishlov berishning optimal rejimlari «O‘zbekiston texnologik metallar kombinatii» AJ issiq muhitda ishlaydigan metall detallari uchun ishlab chiqilgan (TMKning 2026-yil5-fevraldagi № 03/03-143 raqamli ma’lumotnomasi asosida). Natijada BCC/B2 fazalar shakllanib, detallar mustahkamligi 15–18% ga oshgan.