Kadirov Timur Raxmatilloevichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): Koreys va o‘zbek  adabiy aloqalari va  tarjimashunosligining taraqqiyot prinsiplari, 10.00.06 – Qiyosiy adabiyotshunoslik va tarjimashunoslik (filologiya fanlari).
Dissertatsiya mavzusi ro‘yxatga olingan raqam: B2021.4.PhD/Fil2107.
Ilmiy rahbar: Tuxtasinov Ilhomjon Madaminovich, pedagogika fanlari doktori, professor.
Dissertatsiya bajarilgan muassasa nomi: Samarqand davlat chet tillar instituti.
IK faoliyat ko‘rsatayotgan muassasa nomi, IK raqami: Samarqand davlat chet tillar instituti, PhD.03/2025.27.12.Fil.37.02.
Rasmiy opponentlar: Musurmanov Erkin Rabbimovich, filologiya fanlari doktori (DSc), professor; Abbasova Dilfuza Karimbek qizi, filologiya fanlari bo‘yicha falsafa doktori (PhD), dotsent.
Yetakchi tashkilot: Is’hoqxon Ibrat nomidagi Namangan davlat chet tillari instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi o‘zbek-koreys adabiy aloqalarining shakllanishi va rivojlanish omillarini aniqlash, Shin Kyung Suk va O‘tkir Hoshimov asarlari tarjimalarining lingvopoetik xususiyatlarini ochib berish hamda tarjima jarayonida leksik-stilistik bo‘yoqdorlikni saqlash usullarini ilmiy asoslashdan iborat.
III. Tadqiqotning ilmiy yangiligi:
Turfan vohasi qo‘lyozmalari, Afrosiyob devoriy suratlari hamda Geongju shahridagi so‘g‘diy savdogarlar haykali asosida koreys–o‘zbek adabiy aloqalarining tarixiy genezisi adabiy-madaniy munosabatlarning rivojlanish xususiyatiga ko‘ra ilk madaniy aloqalar, vositachilik davri va bevosita adabiy hamkorlik bosqichlariga ajratilib, mazkur bosqichlarning o‘ziga xos xususiyatlari hamda shakllanish va rivojlanish omillari asoslangan;
Shin Kyung Sukning 엄마를 부탁해 (“Onamni o‘z panohingda asra”) hamda O‘tkir Hoshimovning “Dunyoning ishlari” asarlarida ona obrazi, oilaviy qadriyatlar va milliy-ma’naviy tushunchalar ifodasidagi tipologik mushtarakliklar hamda milliy-madaniy mentalitetning badiiy idrok etish, badiiy anglash va tasvirlash kabi badiiy ifodalanish xususiyatlari aniqlangan;
taglama (interlinear) tarjima asosida yaratilgan badiiy matnlarning koreys–o‘zbek adabiy aloqalaridagi vositachilik mexanizmlari qiyosiy-tipologik tahlil asosida aniqlanib, ularning zamonaviy badiiy tarjima amaliyotida milliy-madaniy mazmunni yetkazish va adabiy muloqotni ta’minlashdagi nazariy-metodologik hamda amaliy imkoniyatlari dalillangan;
Koreyada turkologiyaning rivojlanish modeli koreys-o‘zbek adabiy aloqalari kontekstida aniqlashtirilib, uning institutsional rivojlanishi hamda tarjima faoliyati va madaniy hamkorlikning o‘zaro uyg‘unlashuv mexanizmlari ochib berilgan.
IV. Tadqiqot natijalarining joriy qilinishi. Koreys va o‘zbek adabiy aloqalari, badiiy tarjima jarayonlari hamda tarjimashunoslik taraqqiyot tamoyillarini o‘rganishdan olingan ilmiy natijalar va amaliy takliflar asosida:
Turfan vohasi qo‘lyozmalari, Afrosiyob devoriy suratlari hamda Geongju shahridagi so‘g‘diy savdogarlar haykali asosida koreys–o‘zbek adabiy aloqalarining tarixiy genezisi adabiy-madaniy munosabatlarning rivojlanish xususiyatiga ko‘ra ilk madaniy aloqalar, vositachilik davri va bevosita adabiy hamkorlik bosqichlariga ajratilib, mazkur bosqichlarning o‘ziga xos xususiyatlari hamda shakllanish va rivojlanish omillari asoslanganligi haqidagi ilmiy xulosalardan Oliy va o‘rta maxsus ta’lim vazirligining 2022-yil 12-dekabrdagi 2/24-4/7-690-son xatiga muvofiq 2022–2024-yillarda amalga oshirilgan, Toshkent shahridagi AQSh elchixonasi hamda AQSh Davlat departamenti tomonidan moliyalashtirilgan SUZ80020GR0039-raqamli “English Access Microscholarship Program” loyihasi doirasida foydalanilgan (Samarqand davlat chet tillar institutining 2026-yil 5-yanvardagi 5/02-son ma’lumotnomasi). Natijada, loyiha doirasida adabiy aloqalar va tarjimashunoslik taraqqiyot bosqichlarida tarjima, adabiy ta’sir, tipologik mushtaraklik hamda moddiy-madaniy muloqot omillarining o‘rni yoritilib, ushbu yo‘nalishga oid o‘quv-uslubiy materiallar mazmunini takomillashtirishga erishilgan.
Koreyada turkologiyaning rivojlanish modeli koreys-o‘zbek adabiy aloqalari kontekstida aniqlashtirilib, uning institutsional rivojlanishi hamda tarjima faoliyati va madaniy hamkorlikning o‘zaro uyg‘unlashuv mexanizmlari ochib berilganiga oid ilmiy xulosalardan Oliy va o‘rta maxsus ta’lim vazirligi tizimida bajarilgan I-204-4-5 raqamli “Ingliz tili mutaxassislik predmetlaridan axborot-kommunikatsion texnologiyalar asosida virtual resurslar yaratish va ularni o‘quv jarayoniga joriy etish” nomli innovatsion tadqiqot loyihasi doirasida foydalanilgan (Oliy va o‘rta maxsus ta’lim vazirligining 2023-yil 18-sentyabrdagi 524/02-sonli ma’lumotnomasi). Natijada, koreys–o‘zbek adabiy aloqalari va tarjimashunosligiga oid o‘quv resurslarini yaratishda Koreyada turkologiyaning institutsional rivojlanish tajribasi hamda metodologik yondashuvlaridan foydalanish orqali darsliklar, o‘quv qo‘llanmalari va ilmiy-uslubiy materiallarning ilmiy-metodik saviyasi oshirilgan;
Shin Kyung Sukning 엄마를 부탁해 (“Onamni o‘z panohingda asra”) hamda O‘tkir Hoshimovning “Dunyoning ishlari” asarlarida ona obrazi, oilaviy qadriyatlar va milliy-ma’naviy tushunchalar ifodasidagi tipologik mushtarakliklar hamda milliy-madaniy mentalitetning badiiy idrok etish, badiiy anglash va tasvirlash kabi badiiy ifodalanish xususiyatlarini aniqlash natijasida olingan ilmiy xulosa va tavsiyalardan Samarqand viloyati teleradiokompaniyasining 2023-yil 11-noyabr kuni efirga uzatilgan “Ziyokor” hamda “Tillar – millat ko‘zgusi” nomli radio eshittirishlarini tayyorlashda foydalanilgan (Samarqand viloyati radiosining 2023-yil 11-noyabrdagi 01-07/370-sonli ma’lumotnomasi). Natijada, tinglovchilarda koreys va o‘zbek adabiyotlarida ona obrazi, oilaviy qadriyatlar hamda milliy mentalitetning badiiy ifodasi yuzasidan qiyosiy tasavvurlar shakllantirilib, radio eshittirishlarning ilmiy-ma’rifiy mazmuni va konseptual samaradorligi oshirilgan;
taglama (interlinear) tarjima asosida yaratilgan badiiy matnlarning koreys–o‘zbek adabiy aloqalaridagi vositachilik mexanizmlari qiyosiy-tipologik tahlil asosida aniqlanib, ularning zamonaviy badiiy tarjima amaliyotida milliy-madaniy mazmunni yetkazish va adabiy muloqotni ta’minlashdagi nazariy-metodologik hamda amaliy imkoniyatlari dalillanganligiga oid ilmiy xulosalardan Ipak yo‘li turizm va madaniy meros xalqaro universitetida 2024-yil 1-may sanasida imzolangan ALM-2020403110246-son shartnomaga muvofiq “O‘zbekiston Respublikasi turizm obektlarining katalogini raqamlashtirishning turizm rivojlanishiga ta’sirini tadqiq etish” nomli amaliy tadqiqot loyihasi doirasida foydalanilgan (Ipak yo‘li turizm va madaniy meros xalqaro universitetining 2026-yil 6-yanvardagi 02-02/19-son ma’lumotnomasi). Natijada, turizm obektlariga oid axborot materiallarini xorijiy auditoriyaga yetkazishda tarjima jarayonida milliy-madaniy mazmunni adekvat ifodalash, madaniy realiyalarni saqlash hamda turli madaniy kontekstlarga moslashtirishning tarjimashunoslikka oid metodik yondashuvlari takomillashtirilgan.