Искандарова Шоҳиста Фехрузовнанинг

докторлик диссертация ҳимояси ҳақида эълон

    I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи). “Ўсимликлар хом ашёлари асосида биологик фаол қўшимчаларнинг таркиби,  технологияси ва сифат меъёрларини ишлаб чиқиш”, 15.00.01 – дори технологияси ва фармацевтика ишларини ташкил этиш (фармацевтика фанлари).

Талабгорнинг илмий ва илмий-педагогик фаолият олиб боришига лаёқати бўйича тест синовлардан ўтгани ҳақида маълумот: /фармацевтика фанлари номзоди/.

Диссертация мавзуси рўйҳатга олинган рақам. 30.06.2015/В2015.2.Far29Илмий маслаҳатчининг Ф.И.Ш., илмий даражаси ва унвони. А.Н.Юнусходжаев, фармацевтика фанлари доктори, профессор.

Диссертация бажарилган муассаса номи. Тошкент фармацевтика институти.

ИК фаолият кўрсатаётган муассаса (муассасалар) номи, ИК рақами. Тошкент фармацевтика институти, 16.07.2013.Far.21.01 .

Расмий оппонентларнинг Ф.И.Ш., илмий даражаси ва унвони. Х.К.Джалилов, фармацевтика фанлари доктори, профессор; Ф.Ф.Урманова, фармацевтика фанлари доктори, профессор;  Т.Содиқов техника фанлари доктори.

Етакчи ташкилот номи. Тошкент кимё технология институти.

Диссертация йўналиши: назарий ва амалий аҳамиятга молик.

    II.Тадқиқотнинг мақсади.

Топинамбур туганаги, кўк чой барглари экстракти, ламинария талломи, қовоқ эти, кунжараси маҳсулотлари, уруғининг мойи ва ҳар хил тишли родиола ўсимлиги илдизининг экстракти асосида капсулаларга солинган озуқага биофаол қўшимчалар технологиясини ишлаб чиқишдан иборат.

    III. Тадқиқотининг илмий янгилиги қуйидагилардан иборат:

биринчи марта маҳаллий ўсимлик хомашёлари асосида озуқага биологик фаол қўшимчаларнинг оптимал технологияси ишлаб чиқилган, илмий асосланган таркиби танланган;

озуқага биологик фаол қўшимчалар учун стандартлаш ва сифат меъёрлари ишлаб чиқилган;

олинган биологик фаол қўшимчаларнинг фармакологик (углеводлар алмашинувини меъёрлаштирувчи, антидиабетик, адаптоген) хусусиятлари аниқланган;

қовоқ маҳсулотларидан биологик фаол қўшимчалар, жумладан илк бор қовоқ мойини рух микроэлементи билан бойитилган қўшимчаси олинган;

ҳар хил тишли родиола илдизидан оригинал “Биородоз” биологик фаол қўшимча яратилган;

топинамбур туганаклари кукуни ва ламинария талломи асосида “Бионамбур” ва “Биоламинар” биологик фаол қўшимчалари олинган;

кўк чой барглари экстракти асосида биологик фаол қўшимча технологияси ишлаб чиқилган.

    IV.Тадқиқот натижаларининг жорий қилиниши.«Нео-Сед»–тинчлантирувчи хусусиятли ва «Бионамбур» - углеводлар алмашинувини меъёрловчи озуқага биологик фаол қўшимчалар «Ўзстандарт» агентлиги томонидан Давлат рўйҳатига олинган (Тs 23937838-02:2013; Тs 23937838-08:2015) ҳамда “BIOMIR” корхонасида ўзлаштирилган;

тадқиқотлар натижасида ишлаб чиқилган “Бионамбур” капсуласини ишлаб чиқариш бўйича тегишли меъёрий ҳужжат қабул қилинган (Вазирлар Маҳкамасининг 2015 йил 21 апрелдаги 32-сон баёни);

Соғлиқни сақлаш вазирлигининг 2014 йил 14 июндаги  885-сон фармойишига асосан маҳаллий шифобахш ўсимликларнинг ўзаро мутаносиб таҳлили асосида «Фитоичимликлар рецептураси» қўлланмаси ишлаб чиқилиб, амалиётга жорий этилган.