Аҳмедов Ислом Бахтиёр ўғлининг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармогʼи номи): “Ички ишлар органлари ходимлари малакасини оширишнинг ташкилий-ҳуқуқий асосларини такомиллаштириш”, 12.00.02 – “Конституциявий ҳуқуқ. Маъмурий ҳуқуқ. Молия ва божхона ҳуқуқи” ихтисослиги бўйича (юридик фанлар).
Илмий раҳбар: Алламбергенов Сапарбай Даулетбаевич, юридик фанлар бўйича фалсафа доктори (PhD), доцент;
Диссертация бажарилган муассаса номи: Бердақ номидаги Қорақалпоқ давлат университети
ИК фаолият кўрсатаётган муассаса номи, ИК рақами: Бердақ номидаги Қорақалпоқ Давлат университети PhD.03/2025.27.12.Yu.04.05.
Расмий оппонентлар: юридик фанлар бўйича фалсафа доктори (PhD), доцент А.М.Иматов; юридик фанлар доктори (DSc), профессор М.З.Зиёдуллаев.
Етакчи ташкилот: Ўзбекистон Республикаси Ички ишлар вазирлиги Академияси.
II. Тадқиқотнинг мақсади: Ички ишлар органлари ходимлари малакасини ошириш механизмини тизимли ва комплекс тадқиқ этиш орқали унинг ташкилий-ҳуқуқий асосларини такомиллаштириш бўйича асослантирилган илмий хулоса, таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ИИВ Малака ошириш институти ва Махсус тайёргарлик ўқув марказида сафдор ва офицерлик лавозимларига илк бор хизматга қабул қилинган ходимларнинг бошланғич касбий тайёргарлигини тизимли ташкил этиш мақсадида, ИИВ Малака ошириш институти ва Махсус тайёргарлик ўқув маркази томонидан муддати уч ойгача бўлган кундузги ҳамда сайёр курсларни ўтказиш механизмини жорий этиш зарурати асослантирилган;
узрли сабаблар, жумладан, оилада ёлғиз боқувчи эканлиги, қарамоғида ногирон фарзанди борлиги ёки оғир жарроҳлик амалиётидан кейинги тикланиш даври туфайли кундузги малака ошириш ўқувларида қатнаша олмайдиган ходимлар учун ИИВ Малака ошириш институти филиалларида якка тартибдаги ўқитиш тизимини жорий этиш зарурати илмий жиҳатдан асослаб берилган;
ходимларнинг ички ишлар органлари соҳавий хизматларида ишлаш лаёқати ҳамда касбий компетенсиясини холис баҳолаш механизмини яратиш мақсадида, уларни ҳар уч йилда бир маротаба махсус модуллар бўйича ўқитиб, муваффақиятли синовдан ўтганларга келгуси уч йилда фаолият юритиш ҳуқуқини берувчи сертификатлаш тизимини жорий этиш зарурати илмий асослантирилган;
малака оширишга келиб, ўқув дастурларини ўзлаштира олмаган ёки якуний аттестациядан ўта олмаган ходимларга ўз хизмат жойида дастурни қайта мустақил ўзлаштириб, синовларни уч ой муддатда қайта топшириш ҳуқуқини берувчи тартибни белгилаш зарурати исботланган.
IV. Тадқиқот натижаларининг жорий қилиниши: Тадқиқот натижаларига кўра қуйидаги таклифлар ишлаб чиқилди ва жорий қилинди: 
Ички ишлар органлари ходимлари малакасини оширишнинг ташкилий-ҳуқуқий асосларини такомиллаштириш бўйича олинган илмий натижалар асосида:
ИИВ Малака ошириш институти ва Махсус тайёргарлик ўқув марказида сафдор ва офицерлик лавозимларига илк бор хизматга қабул қилинган ходимларнинг бошланғич касбий тайёргарлигини тизимли ташкил этиш мақсадида, уч ойгача бўлган кундузги ҳамда сайёр курсларни ташкил этишга доир таклифдан Ўзбекистон Республикаси Ички ишлар вазирининг 2023-йил 29-сентябрдаги 533-сон буйруғи билан тасдиқланган “Ички ишлар органларида узлюксиз ўқув-карера жараёни тизимини ташкил этиш тўғрисида”ги Низомнинг 9-бандини ишлаб чиқишда фойдаланилган (Ўзбекистон Республикаси Ички ишлар вазирлиги Ташкилий департаментининг 2025-йил 19-июлдаги 33/2692-сон далолатномаси). Ушбу таклифнинг инобатга олиниши ходимларнинг бошланғич касбий тайёргарлик жараёнини узлюксиз ва тизимли ташкил этишга хизмат қилган; 
узрли сабаблар, жумладан, оилада ёлғиз боқувчи эканлиги, қарамоғида ногирон фарзанди борлиги ёки оғир жарроҳлик амалиётидан кейинги тикланиш даври туфайли кундузги малака ошириш ўқувларида қатнаша олмайдиган ходимлар учун ИИВ Малака ошириш институти филиалларида якка тартибдаги ўқитиш тизимини жорий этишга доир таклифдан Ўзбекистон Республикаси Ички ишлар вазирининг 2023-йил 29-сентябрдаги 533-сон буйруғи билан тасдиқланган “Ички ишлар органларида узлюксиз ўқув-карера жараёни тизимини ташкил этиш тўғрисида”ги Низомнинг 44-банди “в” кичик бандини ишлаб чиқишда фойдаланилган (Ўзбекистон Республикаси Ички ишлар вазирлиги Ташкилий департаментининг 2025-йил 19-июлдаги 33/2692-сон далолатномаси). Ушбу таклифнинг инобатга олиниши ўқув жараёнида ходимларнинг ижтимоий-ҳуқуқий ҳимоясини таъминлаш ва таълимни мослашувчан тарзда ташкил этишга хизмат қилган; 
хизматда ходимларнинг касбий компетенсиясини холис баҳолаш мақсадида уларни ҳар уч йилда бир маротаба махсус модуллар бўйича ўқитиб, муваффақиятли синовдан ўтганларга келгуси уч йилда фаолият юритиш ҳуқуқини берувчи сертификатлаш тизимини жорий этишга доир таклифдан Ўзбекистон Республикаси Ички ишлар вазирининг 2023-йил 28-февралдаги 98-сон буйруғи билан тасдиқланган “Ички ишлар органларининг ҳуқуқбузарликлар профилактикаси, йўл-патрул ва патрул-пост хизмати бўлинмалари ходимларининг “Фуқаролар билан ишлаш модули” бўйича узлюксиз ўқитиш жараёнини ташкил этиш тартиби тўғрисида”ги Низомнинг 50–53-бандларини ишлаб чиқишда фойдаланилган (Ўзбекистон Республикаси Ички ишлар вазирлигининг 2026-йил 22-январдаги 2/366-сон далолатномаси). Ушбу таклифнинг инобатга олиниши ходимларнинг соҳавий хизматларда ишлаш лаёқатини холис баҳолаш механизмини яратишга хизмат қилган;
малака оширишга келиб, ўқув дастурларини ўзлаштира олмаган ёки якуний аттестациядан ўта олмаган ходимларга ўз хизмат жойида дастурни қайта мустақил ўзлаштириб, синовларни уч ой муддатда қайта топшириш ҳуқуқини берувчи тартибни белгилашга доир таклифдан Ўзбекистон Республикаси Ички ишлар вазирининг 2023-йил 29-сентябрдаги 533-сон буйруғи билан тасдиқланган “Ички ишлар органларида узлюксиз ўқув-карера жараёни тизимини ташкил этиш тўғрисида”ги Низомнинг 35-бандини ишлаб чиқишда фойдаланилган (Ўзбекистон Республикаси Ички ишлар вазирлиги Ташкилий департаментининг 2025-йил 19-июлдаги 33/2692-сон далолатномаси). Ушбу таклифнинг инобатга олиниши тингловчиларнинг мустақил таълим олиш масъулиятини ҳамда кадрлар тайёрлаш тизимининг сифат назоратини оширишга хизмат қилган. 
Мазкур диссертация хулосалари асосида ишлаб чиқилган таклиф ва тавсиялар Ички ишлар органлари ходимлари малакасини оширишнинг ташкилий-ҳуқуқий асосларини такомиллаштиришга қаратилган бўлиб, тегишли тартибда қабул қилинган.