Баратов Рашид Ўсаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистонда етук кадрлар тайёрлашнинг этномаданий хусусиятлари ва тамойиллари”, 09.00.02–Онг, маданият ва амалиёт шакллари фалсафаси (маданият фалсафаси).
Диссертация мавзуси рўйхатга олинган рақам: B2018.2.PhD/Fal188.
Илмий раҳбар: Раматов Жуманиёз Султонович, фалсафа фанлари доктори, профессор.
Диссертация бажарилган муассасаноми: Тошкент темир йўл муҳандислари институти.
ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.03/30.12.2019.F.01.05.
Расмий оппонентлар: Қорабоев Усмон Ҳосилович, фалсафа фанлари доктори, профессор; Абдуллаева Насиба Бўроновна, фалсафа фанлари доктори.
Етакчи ташкилот: Тошкент давлат педагогика университети.
Диссертация йўналиши: назарий аҳамиятга молик.
II. Тадқиқотнинг мақсади Ўзбекистоннинг янги тараққиёт босқичида етук кадрлар тайёрлашда этномаданий хусусиятларнинг аҳамиятига инновацион ёндашувнинг моҳиятини илмий асослашдан иборат.
III. Тадқиқотнинг илмий янгилиги:
миллий, этномаданий ва умуминсоний қадриятлар миллий таълим стратегиясининг зарурий компонентлари эканлиги илмий асосланган;
замонавий мутахассис кадрлар тайёрлаш ва қайта тайёрлашнинг тизимли ҳамда мақсадли тамойиллари ишлаб чиқилган;
кадрларда ижтимоий дахлдорлик ҳамда интеллектуал компетентликни шакллантиришда этномаданиятнинг прагматик ва рационал хусусиятларига эътибор бериш муҳимлиги асосланган;
ижтимоий тараққиётда этномаданий тамойиллар (жамоавийлик, ташаббускорлик, ижтимоий адолат) кадрлар салоҳиятини янада юксалтириш омили эканлиги исботланган.
IV. Тадқиқот натижаларининг жорий қилиниши.
Кадрлар тайёрлаш жараёнида этномаданий хусусиятлар ва тамойиллар билан боғлиқ муаммоларни тадқиқ этиш асосида:
миллий, этномаданий ва умуминсоний қадриятлар миллий таълим стратегиясининг зарурий компоненти эканлигига оид илмий хулосалардан 2018–2020 йилларга мўлжалланган ПЗ-20170930369 рақамли “Глобаллашув шароитида тинчлик ва барқарорликка таҳдид солувчи ғоявий, мафкуравий ва ахборот хуружларига қарши курашишнинг замонавий механизм ва технологияларни яратиш” мавзусидаги амалий лойиҳа доирасида  фойдаланилган. (Республика Маънавият ва маърифат марказининг 2019 йил 26 июндаги 08/09-840-сон маълумотномаси). Натижада мутахассис кадрларда глобаллашув жараёнида инсон онгига салбий таъсир этувчи турли маънавий таҳдидларга қарши  ғоявий иммунитет шаклланишига хизмат қилган.
замонавий мутахассис кадрлар тайёрлаш ва қайта тайёрлашнинг тизимли ҳамда мақсадли тамойилларига оид таклиф ва тавсиялардан “Ўзбекистон темир йўллари” акциядорлик жамиятининг “Ўзбекистон Республикаси темир йўл транспортини 2030 йилгача ривожлантириш концепцияси” нинг “Темир йўл транспортини янада ривожлантиришнинг концептуал йўналишлари” деб номланган III бўлимни “Кадрлар сиёсатини фаоллаштириш” бандини ишлаб чиқишда фойдаланилган. (“Ўзбекистон темир йўллари” АЖ нинг НОК-2893/19-сон маълумотномаси). Натижада “Ўзбекистон темир йўллари” акциядорлик жамияти тасарруфидаги таълим муассасаларида етишиб чиқаётган мутахассисларда касбий компетентлик, интеллектуал дунёқараш ва миллий туйғуни шаклланишига хизмат қилган.
кадрларда ижтимоий дахлдорлик ҳамда интеллектуал компетентликни шакллантиришда этномаданиятнинг прагматик ва рационал хусусиятларига эътибор бериш муҳимлиги ҳақидаги хулосалардан “Фан тўғрисида” ги қонун лойиҳасини Ўзбекистон “Адолат” социал-демократик партияси ташаббуси билан ишлаб чиқилишида фойдаланилган. (Ўзбекистон “Адолат” социал-демократик партияси Марказий Кенгашининг 2019 йил 25 октябрдаги 01-1/1/394-сон маълумотномаси). Натижада жамиятни модернизация қилишда фан, таълим ва ишлаб чиқариш интеграцияси замон талаблари даражасига кўтарилишига хизмат қилган.
ижтимоий тараққиётда  этномаданий тамойиллар (жамоавийлик, ташаббускорлик, ижтимоий адолат) кадрлар салоҳиятини янада юксалтириш омили эканлигига оид тавсиялардан Ўзбекистон ёшлар иттифоқининг 2019 йил учун белгиланган устувор вазифаларни амалга ошириш юзасидан тасдиқланган йўл харитасининг 3, 5-бандларини амалга ошириш механизмларини ишлаб чиқишда фойдаланилган. (Ўзбекистон Ёшлар Иттифоқининг 2019 йил 11 июндаги 04-13/2707-сон маълумотномаси). Натижада иқтидорли ёшларда ташаббускорлик, дахлдорлик, илмий тадқиқотлар қилишга интилишни янада юксалтиришга хизмат қилган.