Мамадалиева Гулҳаё Қутбитдин қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Анорзорларни ўғитлашда қўлланиладиган машина эгат очкичларининг тури ва параметрларини асослаш”, 05.07.01-Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш.
Диссертация мавзуси рўйхатга олинган рақам: B2024.2.PhD/Т4722
Илмий раҳбар:  Имомқулов Қутбиддин Боқижонович - техника фанлари доктори, профессор.
Диссертация бажарилган муассаса (муассасалар) номи: Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.08/2025.27.12.Т.03.02
Расмий оппонентлар: техника фанлари доктори, профессор Мансуров Мухторжон Тохиржонович; техника фанлари фалсафа доктори Эргашев Маъруфжон Мухаммаджонович.
Етакчи ташкилот: Фарғона давлат техника университети.
Диссертация йўналиши: назарий ва амалий аҳамиятга лойиқ.
II. Тадқиқотнинг мақсади: Анорзорларни ўғитлашда қўлланиладиган машина эгат очкичларининг параметрларини асослаш орқали ўғит солишда энергия ва меҳнат сарфини  камайтиришдан иборат.
III. Тадқиқотнинг илмий янгилиги:
анорзорларни ўғитлашда қўлланиладиган машинанинг конструксиясини энергия сарфини камайтирган ҳолда органик ўғитларни солиш учун эгатларни очиб, солинган органик ўғитларни кўмиш билан бирга суғориш ариқларини очиб кетиш конструксияси ишлаб чиқилган;
машина эгат очкич иш органларини параметрларининг ўзгариш чегаралари, уларнинг тупроқ билан ўзаро таъсирлашиш жараёнларини ифодаловчи математик моделлар ва аналитик ифодалар асосида аниқланган;
органик ўғитларни соладиган машина таркибий қисмлари ўзаро жойлашиш параметрларининг рационал қийматлари тупроқнинг деформацияланиш ва ўғитнинг жойлашиш ўрнини ҳисобга олган ҳолда кўмилиши аниқланган;
ишчи қисмларнинг иш кўрсаткичлари уларнинг параметрларини агрегат тезлигига боғлиқ равишда ўзгариш қонуниятлари ўрганилиб, уларни ифодаловчи эмперик ва регрессия тенгламаларини олинган.
IV. Тадқиқот натижаларининг жорий қилиниши. Анорзорларни ўғитлашда қўлланиладиган машина эгат очкичларининг тури ва параметрларини асослаш бўйича олинган натижалар асосида:
анорзорларни ўғитлашда қўлланиладиган машина учун дастлабки талаблар ва техник топшириқ ишлаб чиқилган ҳамда Ўзбекистон Республикаси Қишлоқ хўжалиги вазирлиги Қишлоқ хўжалигида билим ва инновациялар миллий марказининг 2025-йил     27-августдаги 05/04-04-472-сон маълумотномаси олинган. Натижада таклиф этилаётган эгат очкичлар билан жиҳозланган ресурстежамкор анорзорларни ўғитлашда қўлланиладиган машинанинг конструксиясини ишлаб чиқиш имкони яратилган; 
ишлаб чиқилган ресурстежамкор эгат очкичлар билан жиҳозланган анорзорларни ўғитлашда қўлланиладиган машина Қишлоқ хўжалигини механизациялаш илмий-тадқиқот институтининг тажриба хўжалиги ва Сирдарё вилояти Боявут туманининг анорчиликка ихтисослашган “Усмонобод анорзор”, “Салмоқли натижалар” фермер хўжаликларида жорий этилган (Ўзбекистон Республикаси Қишлоқ хўжалиги вазирлиги Қишлоқ хўжалигида билим ва инновасиялар миллий марказининг 2025-йил                                  27-августдаги 05/04-04-472-сон маълумотномаси). Натижада анорзорларни ўғитлашда қўлланиладиган машина қўлланилганда меҳнат сарфи 42,70 фоизга ва эксплуатацион харажатлар 24,79 фоизга камаяди;
таклиф этилаётган анорзорларни ўғитлашда қўлланиладиган машина учун лойиҳа-конструкторлик хужжатлари (дастлабки талаблар ва техник топшириқ) “ҚХМИТИ Агромаш” МЧЖ да лойиҳалаш жараёнига жорий этилган (“ҚХМИТИ Агромаш” МЧЖ нинг 2025-йил 2-майдаги маълумотномаси). Натижада асосланган параметрларга эга бўлган эгат очкичлар билан жиҳозланган анорзорларни ўғитлашда қўлланиладиган машинанинг саноат нусхаларини ишлаб чиқариш имконияти яратилган.