Эсаналиева Нилуфархон Рахмонжон қизининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Мавсумий кесик конус сиртга эга қуёш сув иситгичларини ишлаб чиқиш”, 05.05.06 – “Қайта тикланадиган энергия турлари асосидаги энергия қурилмалари” ихтисослиги бўйича. 
Диссертация мавзуси рўйхатга олинган рақам: B2022.1.PhD/Т603
Илмий раҳбар: Эргашев Сирожиддин Фаязович, техника фанлари доктори, профессор.
Диссертация бажарилган муассасалар номи: Фарғона давлат техника университети.
ИК фаолият кўрсатаётган муассаса номи, ИК рақами: Фарғона давлат техника университети, PhD.03/2025.27.12.Т.19.01
Расмий оппонентлар: Мамадалиева Лола Камилджановна, техника фанлари доктори, профессор.Қосимов Фахриддин Шодмонқулович, техника фанлари  бўйича фалсафа доктори (PhD), катта илмий ҳодим.
Етакчи ташкилот: Андижон давлат университети. 
Диссертация йўналиши: назарий ва амалий аҳамиятга молик.
II. Тадқиқот мақсади кесик конуссимон сиртга эга сиғимли ва спирал қувурли қуёш сув иситгичларини ишлаб чиқиш ва асосий энергетик кўрсатгичларни тадқиқ этиш.
III. Тадқиқотнинг илмий янгилиги:
юзаси 1 м² бўлган ва суткасига 110 литргача иссиқ сув олиш имконини берувчи, сиғимли кесик конуссимон сиртга эга мавсумий фойдаланишга мўлжалланган қуёш сув иситиш коллекторининг конструксияси ишлаб чиқилган;
кесик конуссимон абсорбернинг радиуслари ва баландлиги нисбатлари ҳамда коллекторнинг ўрнатиш бурчагини ёритилган сирт майдони, сув сиғими ва иссиқлик самарадорлиги мезонлари бўйича биргаликда баҳолашга асосланган кўп мезонли геометрик мақбуллаштириш усули ишлаб чиқилган;
сиғимли кесик конуссимон қуёш сув иситгичида ички ясси ва ташқи спиралсимон қувурли дефлекторлар ҳосил қиладиган йўналтирилган табиий циркуляциянинг конвектив иссиқлик алмашинуви кўрсаткичларига таъсирининг миқдорий боғлиқлиги аниқланган;
кесик конуссимон сиғимли қуёш сув иситгичида ўтказилган сонли ва экспериментал тадқиқотлар асосида сув оқими тезлиги 1–1.5×10−2  м/с бўлган самарали ишлаш режими аниқланиб, кун давомида 37 ∘C да 270 литр, 42∘C да 150 литр ва 55 ∘C да 110 литргача иссиқ сув олиш имконияти асосланган.
IV. Тадқиқот натижаларининг жорий қилиниши. Мавсумий кесик конус сиртга эга қуёш сув иситгичларини ишлаб чиқиш бўйича олинган натижалар асосида:
ишлаб чиқилган “Қуёш сув иситгич коллектори” (ФАП 10207) Тошкент давлат техника университети Қўқон филиалига жамоат биносининг иссиқлик таъминоти тизимига жорий этилган (Ўзбекистон Республикаси Энергетика вазирлигининг 2025-йил 4- сентябрдаги 04-25-1563-сон маълумотномаси). Натижада, тизимда фойдаланилаётган электр энергия сарфини 25-32 фоизгача тежаш имконини берган; 
конуссимон турдаги сиғимли қуёш сув иситгич Риштон тумани “Рошидон Даврони” фермер хўжалигига жорий этилган (Ўзбекистон Республикаси Энергетика вазирлигининг 2025-йил 4-сентябрдаги  04-25-1563-сон маълумотномаси).  Натижада, анъанавий ҳамда ноанъанавий иссиқлик таъминоти тизимлари биргаликда фойдаланиш орқали углеводород ёқилғи сарфини 55-60 фоизгача камайтириш имконини берган.