Нарзуллоева Наргиза Сайфуллоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бачадон миомаси билан хасталанган аёлларда таққосий иммунокоррекцияни патогенетик асослаш»,14.00.36–Аллергология ва иммунология; 14.00.01–Акушерлик ва гинекология (тиббиёт фанлари).
Диссертация мавзуси рўйхатга олинган рақам: В2019.1.PhD/Tib800.
Илмий раҳбарлар: Абдураҳманов Мамур Мустафаевич, тиббиёт фанлари доктори профессор; Ихтиярова Гульчехра Акмаловна тиббиёт фанлари доктори.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса номи, ИК рақами: Иммунология ва инсон геномикаси институти ҳузуридаги DSc.30.08.2018.Tib.50.01 рақамли илмий кенган асосидаги бир марталик илмий кенгаш.
Расмий оппонентлар: Зиядуллаев Шухрат Худайбердиевич, тиббиёт фанлари доктори;
Аюпова Фарида Мирзаевна, тиббиёт фанлари доктори, профессор.
Етакчи ташкилот: Тошкент врачлар малакасини ошириш институти.
Диссертациянинг йўналиши: амалий аҳамиятга молик.
II. Тадқиқотнинг мақсади: бачадон миомаси билан хасталанган аёлларда таққосий иммунокоррекцияни патогенетик асослашдан иборат.
III. Тадқиқотнинг илмий янгилиги:
илк бор меноррагия ва бепуштлик билан кечган симптомли бачадон миомали аёлларда ўрта фазали фаоллаштирувчи маркерли лимфоцитлар (CD71) сонининг камайишига тескари пропорционал равишда эрта фазали фаоллаштирувчи маркерли лимфоцитлар (CD25) ва лактоферрин миқдорининг кескин ортиши аниқланган;
илк бор симптомсиз кичик хажмли бачадон миомали аёлларда фаоллаштирувчи CD71маркерли лимфоцитлар сонининг ортишига боғлиқ CD95+ маркерли ҳужайралар ва лактоферрин миқдорини кескин камайиши исботланган;
бепуштлик ва катта хажмли ўсма билан кечган симптомсиз бачадон миомали аёлларда прогестерон миқдорининг кескин ортишига пропорционал равишда IL-6 миқдорининг ортиши ҳамда ўсма хажми катталашувига мос равишда TNFα миқдорининг ортиши аниқланган;
меноррагия билан кечган бачадон миомали аёлларда ўзаро пропорционал равишда кортизол хамда яллиғланишга хос IL-18 цитокин миқдорининг ортиши қондаги гемоглобин кўрсаткичининг камайишига боғлиқлиги исботланган;
жуда катта хажмдаги ўсма билан кечган бачадон миомали аёлларда юқори эстрадиол миқдори фонида яллиғланишга хос TNFα ва IL-18 цитокинлар миқдорлари ортиши билан кечувчи фаоллашган иммун яллиғланиш жараёни аниқланган.
IV. Тадқиқот натижаларининг жорий қилиниши.
Бачадон миомаси билан хасталанган аёлларда таққосий иммунокоррекцияни патогенетик асослаш бўйича олинган илмий натижалар асосида:
«Бачадон миомаси ривожланишида иммунологик кўрсаткичларнинг диагностик аҳамияти» услубий тавсияномаси тасдиқланган (Соғлиқни сақлаш вазирлигининг 2019 йил 05 июлдаги 8н-д/169-сон маълумотномаси). Мазкур услубий тавсиянома бачадон миомаси билан хасталанган аёлларда иммунитетнинг цитокинлари бўғинидаги бузилишларни эрта аниқлаш, ўз вақтида даволашнинг оптимал усулларини танлашга ва касалликнинг олдини олишга хизмат қилган;
«Бачадон миомаси билан аёлларда иммунокоррегирловчи даволашнинг самарадорлиги» услубий тавсияномаси тасдиқланган (Соғлиқни сақлаш вазирлигининг 2019 йил 05 июлдаги 8н-д/169-сон маълумотномаси). Мазкур услубий тавсиянома бачадон миомаси билан хасталанган аёлларни даволашда улипристал ацетат, иммуномодулятор Т-лайф ва ликопид репаратларини қўллаш орқали касаллик ривожланиши ва келиб чиқадиган асоратларини олдини олишга хизмат қилган;
бачадон миомаси билан хасталанган аёлларда патогенетик асосланган иммунокоррекцияли комплекс даволашнинг янги услулларини ишлаб чиқиш бўйича олинган илмий натижалари соғлиқни сақлаш тизимига, жумладан, Бухоро шаҳар туғуруқ комплекси, Бухоро вилояти перинатал маркази, Пешку ва Жондор тумани тиббиёт бирлашмалари амалиётларига жорий этилган (Соғлиқни сақлаш вазирлигининг 2019 йил 27 декабрдаги 8н-з/257-сон маълумотномаси). Жорий қилинган натижалар тиббий ёрдам сифатини оширади, ташҳислаш ва даволашнинг янги услубларни қўллаш орқали унинг самарадорлигини ошириш, асоратларини камайтириш, беморлар ҳаёт сифатини яхшилаш, жарроҳлик аралашувлар миқдорини камайтириш ва аёлларда репродуктив функциясини сақлаб қолишга имкон яратган.