Аққиев Бобомурод Тошпўлатовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Миокард инфарктини ўтказган беморларда омега-3 ТЁК (омакор)нинг юрак ритми вариабеллигига ва қоринчалар аритмиясига таъсири», 14.00.06–Кардиология (тиббиёт фанлари).
Диссертация мавзуси рўйхатга олинган рақам: B2018.1.PhD/Tib450.
Илмий раҳбар: Қурбанов Равшанбек Давлетович, тиббиёт фанлари доктори, академик.
Диссертация бажарилган муассаса номи: Республика ихтисослаштирилган кардиология илмий-амалий тиббиёт маркази.
ИК фаолият кўрсатаётган муассаса номи, ИК рақами: Республика ихтисослаштирилган кардиология илмий-амалий тиббиёт маркази, DSc.04/30.12.2019.Тib.64.01.
Расмий оппонентлар: Нуриллаева Наргиза Мухтархановна, тиббиёт фанлари доктори; Авезов Давлет Қурбанбаевич, тиббиёт фанлари доктори.
Етакчи ташкилот: Республика тез тиббий ёрдам илмий маркази .
Диссертация йўналиши: амалий аҳамиятга молик.
II. Тадқиқотнинг мақсади: миокарднинг Q-тишчали ўткир инфарктини ўтказган беморларда омега-3 ТЁК (омакор)нинг юрак ритми вариабеллигига ва қоринчалар аритмиясига таъсирига баҳо беришдан иборат.
III. Тадқиқотнинг илмий янгилиги:
3 ой давомидаги 1 грамм миқдорда омега-3 ТЁКсининг қабул қилиниши Q-тишли МИни ўтказган беморларнинг стандарт терапиясига самарали антиаритмик таъсир кўрсатиши исботланган;
илк бор Q-тишли МИни ўтказган беморларда QT интервали дисперсияси ва юрак ритми турбулентлигининг ҚАга боғлиқлиги ва уларнинг динамикасига омега-3 ТЁКларининг таъсири аниқланган;
 Q-тишли МИни ўтказган беморларда автоном нерв тизими ҳужайралари мембранасининг ҳолатини бевосита акс эттирувчи липидлар пероксидланиш кўрсаткичларининг паст ЮРВ билан ўзаро тескари корреляцион боғлиқлиги шу билан бирга липидлар пероксидланишига ва липидлар миқдорининг камайишига омега-3 ТЁКларининг ижобий барқарор таъсири аниқланган;
 Q-тишли МИни ўтказган беморларнинг стандарт терапиясига қўшимча кунига 1 грамм миқдор омега-3 ТЁКларининг қабул қилиниши давомида ва қабули тўхтатилгандан сўнг ҳам унинг ЮРВга ижобий таъсири сақланиб қолганлиги исбостланган ва шу билан бирга омега-3 ТЁКсининг пасайган ЮРВга танланган юқори ижобий таъсир кўрсатиши аниқланган.
IV. Тадқиқот натижаларининг жорий қилиниши.
МИ ўтказган беморларда омега-3 ТЁК (омакор)нинг юрак ритми вариабеллигига ва қоринчалар аритмиясига таъсирини ўрганиш бўйича олинган илмий натижалари асосида:
«Q-тишчали миокард инфарктини ўтказган беморларда юрак ритм вариабеллиги ва қоринчалар аритмиясининг динамикаси» мавзусидаги услубий тавсиянома тасдиқланган (Соғлиқни сақлаш вазирлигининг 2019 йил 25 декабрдаги 8н-з/249-сон маълумотномаси). Мазкур услубий тавсияномада ишлаб чиқилган маълумотларнинг жорий этилиши МИдан кейин юқори хавфга эга бўлган беморлар гуруҳида МИ, унинг асоратларининг қайталаниши ва ТКЎ кузатилишининг олдини олиш имконини яратган;
Q-тишчали миокард инфарктини ўтказган беморларда юрак ритм вариабеллиги ва қоринчалар аритмиясининг динамикасига омега-3 ТЁК (омакор)нинг таъсирини ўрганиш орқали олинган тадқиқот натижаларининг тегишли қисмлари соғлиқни сақлаш амалиётига, жумладан Тошкент, Сирдарё вилоятлари кардиология диспансерлари ва 1-сонли шаҳар клиник шифохонасининг амалиётига жорий қилинган (Соғлиқни сақлаш вазирлигининг 2019 йил 25 декабрдаги 8н-з/249-сон маълумотномаси). Илмий натижаларнинг амалиётга татбиқ қилиниши МИни ўтказган беморларда хавф стратификацияларини оптималлаштириш, даволашни такомиллаштиришга, жумладан омакорни суткасига 1 грамм миқдорда тайинлаш, ҳаёт сифат даражасини оширишга, ногиронлик даражасини камайтириш ва мазкур гуруҳ беморларда қайта госпитализациялар сонини қисқартириш имконини берган.