Мухиддинов Кобилжон Акмал ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Бринза тайёрлаш жараёнини жадаллаштириш учун вибрацион қурилмани такомиллаштириш”, 02.00.16 – Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: Б2025.3.PhD/Т3839.
Илмий раҳбар: Султанова Шахноза Абдувахитовна, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент кимё-технология институти, DSc.03/2025.27.12.Т.42.01.
Расмий оппонентлар: Баракаев Нусратилла Ражабович, техника фанлари доктори, профессор; Жумаев Ботир Мелибаевич, техника фанлари бўйича фалсафа доктори (PhD), доцент.
Етакчи ташкилот: Фарғона давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: бринза тайёрлаш жараёнини жадаллаштириш учун вибрацион қурилмани такомиллаштиришдан иборат.
III. Тадқиқотнинг илмий янгилиги:
вибрация ёрдамида бринза тайёрлаш жараёнида - намлик, вақт, ҳарорат, зичлик ва частоталарни ҳисобга олган ҳолда интеграллашган кўп физикли модел ишлаб чиқилган ҳамда жараённинг оптимал қийматлари аниқланган;
вибрация ҳосил қилишнинг мақбул параметрлари: эксентрик ўқ жойлашуви - 1,5 мм, электр двигателнинг қуввати - 18 W, айланиш тезлиги - 3000 айл./дақ бўлиши илмий асосланган;
бринзани пресслаш ва сувсизлантириш жараёнини жадаллаштиришда: вибрация частота - 50 Гц, қайта ишлаш ҳарорати - 30 °C, қайта ишлаш вақти - 45 дақиқа бўлганда бринза зичлиги - 0,11-0,13 г/см3га кўп ва намлиги - 5-6 % га кам бўлиши аниқланган;
вибрацион қурилма ёрдамида қайта ишланган бринза таркибидаги оқсил, витамин, ёғлар, ва аминокислоталар 95-98% гача сақланиши исботланган;
бринза тайёрлаш жараёнини жадаллаштириш учун вибрацион қурилма такомиллаштирилган.
IV. Тадқиқот натижаларининг жорий қилиниши. Бринза маҳсулотини учун вибрацион пресслаш қурилмасини такомиллаштириш бўйича олинган илмий-тадқиқот ва амалий натижалар асосида:
бринза вибрацион пресслаш учун энергия тежамкор технология “МИЛКОЛИНО ПРОДУCЦ” МЧЖ корхонасида ишлаб чиқаришга жорий этилган (Ўзбекистон Озиқ Овқат саноати уюшмасининг 2025 йил 4 октябрдаги 04-100/10-25-сон маълумотномаси). Натижада, юқори самарали технологик жараённи қўллаш орқали маҳсулот ишлаб чиқариш 1,35 баробарга ошиши ва йўқотилишлар 8% камайтириш имконини берган;
бринза маҳсулотини вибрацион пресслаш натижасида ишлаб чиқилган техника ва технология “МИЛКОЛИНО ПРОДУCЦ” МЧЖ корхонасида ишлаб чиқаришга тадбиқ этилган (Ўзбекистон Озиқ Овқат саноати уюшмасининг 2025 йил 4 октябрдаги 04-100/10-25-сон маълумотномаси). Натижада, вибрацион пресслаш қурилмасидан тўғри фойдаланиш ҳисобига маҳсулотни пресслаш вақти қисқарган, таркибидаги намлик камайган, зичлик ошган ва пресслашга кетадиган вақтни қисқариши натижасида энергия сарфи сезиларли камайишини илмий асослаш имконини берган.