Мирсадуллаев Мираваз Мирмуслим ўғлининг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Талабаларга инглиз адабиётини ахлоқий-фалсафий ёндашув асосида ўқитиш технологияси” 13.00.02 – Таълим ва тарбия назарияси ва методикаси (инглиз тили).
Диссертация мавзуси рўйхатга олинган рақам: B2023.3.PhD/Ped5067
Илмий раҳбар: Педагогика фанлари доктори (DSc), профессор Якуббаев Муродилла Маруфовcиҳ 
Диссертация бажарилган муассаса номи: Наманган давлат университети.  
ИК фаолият кўрсатаётган муассаса (муассасалар) номи: Исҳоқхон Ибрат номидаги Наманган давлат чет тиллари институти, PhD.03/2025.27.12.Ped.35.01 рақамли Илмий кенгаш.
Расмий оппонентлар: Яхшибоева Гулбаҳор Ойбек қизи, педагогика фанлари доктори (DSc), доцент; Ботирова Севара Мамуровна, педагогика фанлари доктори (DSc), доцент.
Етакчи ташкилот: Жиззах давлат педагогика университети.            
Диссертация йўналиши: назарий ва амалий аҳамиятга молик.
II. Тадқиқотнинг мақсади талабаларга инглиз адабиётини ахлоқий-фалсафий ёндашув асосида ўқитишнинг назарий-методологик асосларини ишлаб чиқиш ҳамда самарали педагогик технологиясини такомиллаштиришдан иборат.
III. Тадқиқотнинг илмий йангилиги қуйидагилардан иборат: 
инглиз адабиётини ахлоқий-фалсафий ёндашув асосида талабаларга ўқитиш жараёнида илмий-методик манбалар таҳлилига таянган ҳолда инглиз адабиёти асарларини ўрганишга таъсир этувчи обектив (таълим мазмуни, методлар, дидактик шароитлар) ҳамда субектив (талабаларнинг мотивацияси, индивидуал хусусиятлари ва вақт омили) омилларлар аниқлаштирилди;
эпик, лирик ва драматик жанрлар доирасида бадиий матнни босқичли таҳлил қилиш (идрок–таҳлил–талқин–муносабат) ҳамда интерфаол методлар интеграцияси асосида талабаларнинг ахлоқий-фалсафий тафаккурини ривожлантиришга йўналтирилган методик механизм У.Шекспирнинг “Макбет” трагедияси ва М.Твеннинг “Том Соернинг саргузаштлари” асарлари мисолида такомиллаштирилди;
лингвистик ва лингводидактик ёндашувлар интеграцияси асосида талабаларга инглиз адабиётини ахлоқий-фалсафий ёндашувда ўқитишнинг назарий-методологик асослари ишлаб чиқилди ва илмий жиҳатдан асосланди;
    ишлаб чиқилган методиканинг талабаларга инглиз адабиётини ўқитиш жараёнидаги самарадорлиги тажриба-синов ишлари орқали мезонлар, индикаторлар ва дескрипторлар тизими асосида аниқланиб, натижалар қиёсий-статистик таҳлил асосида ишончлилиги билан асосланди ҳамда илмий-методик тавсиялар ишлаб чиқилди.
IV. Тадқиқот натижаларининг жорий қилиниши. 
ахлоқий-фалсафий ёндашув нуқтайи назаридан таҳлил қилинган филология ва тилларни ўқитиш (инглиз тили) йўналиш талабаларига инглиз адабиётини ўқитишдаги мавжуд обектив ва субектив муаммолар, уларни ҳал этишда аниқлаштирилган лингводидактик усуллари “Ан оутлине оф Бритиш-Америcан литературе” номли ўқув қўлланмага сингдирилган ва тақдим этилган ўқув-дидактик материаллар билан инглиз адабиёти дарсларида фойдаланилган (Олий таълим, фан ва инновациялар вазирлигининг 2025-йил 9-июлдаги 258-сонли буйруғи асосида берилган нашр рухсатномаси). Натижада, талабаларда инглиз адабиёти бўйича чуқурроқ билимга эга бўлиш, ўқув жараёнида адабий-бадиий матнларни таҳлил қилиш, муаллиф позициясини англаш, ахлоқий-фалсафий ғояларни таҳлил қилиш каби кўникмаларни такомиллаштриш имконияти кенгайган;
инглиз адабиёти ўқитишда ахлоқий-фалсафий тушунчалар орқали талабаларнинг танқидий тафаккурини, маънавий-ахлоқий онгини ривожлантиришга хизмат қилувчи услубий таъминотдан филология ва тилларни ўқитиш (инглиз тили) бакалавриат йўналиш талабалари учун “Инглиз адабиёти дарсларида ахлоқий ва фалсафий мавзулар тахлили” номли электрон дастурнинг яратилишида фойдаланилган, 60230100 – Филология ва тилларни ўқитиш таълим йўналишининг малака талабиннг мазмуни бойитилган, “Тили ўрганилаётган мамлакатлар адабиёти” фанидан маъруза ва семинар машғулотларига жорий қилинган (Олий таълим, фан ва инновациялар вазирлигининг 2025-йил 25-июндаги 01-01-231-сонли маълумотномаси). Шу билан бирга, мазкур жараёнда инглиз адабиёти асарларини ўқитишда бадиий матн таҳлилининг босқичли технологияси (идрок–таҳлил–талқин–муносабат билдириш) ҳамда интерфаол педагогик методлар (ролли ўйинлар, СWОТ-таҳлил, фикр хариталари, муаммоли саволлар) интеграциясига асосланган дидактик механизм амалиётга жорий этилган. Натижада, ўқув дастурлари ва ўқув-услубий мажмуалар такомиллаштирилиб, талабаларнинг нафақат билим даражаси, балки уларнинг аксиологик тафаккури, мустақил таҳлил қилиш ва муносабат билдириш кўникмаларини ривожлантириш самарадорлиги оширилган; 
    инглиз адабиёти асарларини ахлоқий-фалсафий томондан тадқиқ қилиш орқали олинган хулосалар ва илмий-назарий қарашлардан Ўзбекистон миллий телерадиокомпанияси “Адабий жараён”, “Таълим ва тараққиёт”, “Жаҳон адабиёти” кўрсатувлари сенарийларини тайёрлашда фойдаланилган (Ўзбекистон миллий телерадиокомпанияси 2025-йил 10-апрелдаги 02-06-705-сонли маълумотномаси). Натижада талабаларга инглиз адабиётини ахлоқий-фалсафий ёндашув асосида ўқитиш технологияси оммалаштирилган.