Олий аттестация комиссияси томонидан Миллий матбуот марказида  Ўзбекистон Республикаси Вазирлар Маҳкамасининг “Бинар (иккиталик) ҳимоя тизими асосида талабгорларга фан доктори (DSc) ва фалсафа доктори (PhD) илмий даражаларини беришни ташкил қилиш чора-тадбирлари тўғрисида”ги қарорига бағишланган брифинг ташкил қилинди.
Брифингда ОАВ вакилларига мазкур қарорнинг мазмун-моҳияти, бинар ҳимоя тизимини ташкил қилиш, унинг асосий хусусиятлари, фан ва ишлаб чиқариш интеграциясини чуқурлаштириш масалалари, шунингдек, тизимни амалиётга жорий этиш юзасидан олдинда турган муҳим вазифаларга оид маълумотлар етказилди.