Oliy attestatsiya komissiyasi tomonidan Milliy matbuot markazida  O‘zbekiston Respublikasi Vazirlar Mahkamasining “Binar (ikkitalik) himoya tizimi asosida talabgorlarga fan doktori (DSc) va falsafa doktori (PhD) ilmiy darajalarini berishni tashkil qilish chora-tadbirlari to‘g‘risida”gi qaroriga bag‘ishlangan brifing tashkil qilindi.
Brifingda OAV vakillariga mazkur qarorning mazmun-mohiyati, binar himoya tizimini tashkil qilish, uning asosiy xususiyatlari, fan va ishlab chiqarish integratsiyasini chuqurlashtirish masalalari, shuningdek, tizimni amaliyotga joriy etish yuzasidan oldinda turgan muhim vazifalarga oid ma’lumotlar etkazildi.