Yusupov Farxod Maxkamovichning
doktorlik dissertatsiyasi himoyasi haqida e’lon
I. Umumiy ma’lumotlar
Dissertatsiya mavzusi, ixtisoslik shifri: «Yonilg‘ini saqlashda yo‘qotilishini kamaytirish sorbsion-rekuperatsion texnologiyasi va sirt-faol moddalar ishlab chiqish» 02.00.11 – kolloid va membrana kimyosi (texnika fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /texnika fanlari nomzodi/.
Dissertatsiya mavzusi ro‘yxatga olingan raqam: 30.09.2014/B2014.3-4.T220.
Ilmiy maslahatchining F.I.Sh., ilmiy darajasi va unvoni: Guro Vitaliy Pavlovich kimyo fanlari doktori, katta ilmiy xodim.
Dissertatsiya bajarilgan muassasa nomi: umumiy va noorganik kimyo instituti.
Ilmiy kengash faoliyat ko‘rsatayotgan muassasalar nomi, Ilmiy kengash raqami: Umumiy va noorganik kimyo instituti, Polimerlar kimyosi va fizikasi ilmiy-tadqiqot markazi, Toshkent kimyo-texnologiya instituti va Toshkent davlat texnika universiteti huzuridagi 16.07.2013.K/T.14.01 raqamli ilmiy kengash asosidagi bir martalik ilmiy kengash.
Rasmiy opponentlar: Yunusov Miraxmat Pulatovich, texnika fanlari doktori, professor; Aminov Sabir Nigmatovich, kimyo fanlari doktori, professor; Sharipov Xasan Turapovich, kimyo fanlari doktori, professor.
Etakchi tashkilot: Farg‘ona politexnika instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi
Dispers bug‘-gaz-suyuq yoqilg‘i va sul`fid-mineralli tizim tarmoqlaridagi samarador, xususan: neft` va gaz tarmog‘ida qayta ishlash, saqlash, metallurgiyada mis rudalarini flotatsion boyitishga asoslangan resurstejamkor texnologik echimlarni yaratishdan iborat.
III. Tadqiqotning ilmiy yangiligi
rezervuarlarda yoqilg‘i engil fraksiyalarini kondensatsiya va sorbsiya usullari yordamida ushlab qolishning yangi tizimi ishlab chiqilgan;
yangi modifikatsiyalangan KAU-M ko‘miri ishlab chiqilgan;
faollashtirish, sorbsion sig‘imi, mexanik mustahkamligini oshirishning yangi usuli ishlab chiqilgan;
mahalliy sorbentlar qo‘llanilib, uglevodorod bug‘larini rekuperatsiyalashning muqobil rejimi topilgan;
ilk bor ponton orqali uglevodorodlarning sanoat rezervuarlarida saqlash paytidagi bug‘lanish va kamaytirish dinamikasi aniqlangan;
mahalliy xomashyo va materiallar asosida yoqilg‘i tejashning ponton, sorbsion texnologiyalar va sirt faol moddalar ishlab chiqilgan;
ilk bor Mo konsentratini donadorlashda mavjud tarkibga qo‘shiladigan SK bog‘lovchi ishlab chiqilgan va bog‘lovchi kuyundidan Re, Mo larni, kekdan esa Au va Ag larni ajratib olishni osonlashtirishi aniqlangan.
IV. Tadqiqot natijalarining joriy qilinishi
Ilmiy-tadqiqot natijalari “O‘zbekneftegaz” MXK ning “Shurtanneftegaz” MChJda RVS-2000 m3 rezevuarda resurstejamkor ponton texnologiyasi qo‘llanilib, 15 kunda bug‘lanib uchishdan 10 t gazokondensat saqlab qolindi, yillik iqtisodiy samara 48 mln so‘mni tashkil qildi (2013 yil 13 sentyabrdagi Dalolatnoma).
“Muborakneftegaz” MChJda RVS-1000 m3 rezervuarda resurstejamkor ponton texnologiyasi qo‘llanilib, 12 kunda bug‘lanib uchishdan 5,62 t gazokondensat saqlab qolindi, yillik iqtisodiy samara 72 mln so‘mni tashkil qildi (2013 yil 12 oktyabrdagi dalolatnoma).
“Qarshi neftebaza”si UShK RVS-2000 m3 rezevuarda resurstejamkor ponton texnologiyasi qo‘llanilib, bir oyda bug‘lanib uchishdan 1437 kg AI-80 benzini saqlab qolindi, yillik iqtisodiy samara 43,11 mln so‘mni tashkil qildi (2014 yil 26 avgustdagi dalolatnoma).
Qashqadaryo viloyati Shahrisabz tumani “Hakim” firmasi AYoQSh RGS-25 m3 rezervuarda absorbsion-rekuperatsion texnologiya qo‘llanilib, bir oyda bug‘lanib uchishdan 950 kg yonilg‘i saqlab qolindi, yillik iqtisodiy samara 25 mln so‘mni tashkil qildi (2012 yil 14 iyuldagi dalolatnoma).
«Olmaliq TKMK» AJda mahalliy xom ashyolar asosida SK polimer bog‘lovchisi qo‘llanilib, yordamchi materiallarni kamaytirish hisobiga iqtisodiy samara yiliga 67 mln. so‘mni tashkil qildi (Olmaliq TKMK ning 2015 yil 24 martdagi №Vx-1818-A xati).
