Саидова Сайёра Алишер қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистон ёшлари ижтимоий-маданий ҳаётида диний маърифатнинг аҳамияти”, 07.00.04–Диншунослик (тарих фанлари).
Диссертация мавзуси рўйхатга олинган рақам: B2019.1.PhD/Tar184.
Илмий раҳбар: Агзамходжаев Саидакбар Саидович тарих фанлари доктори, профессор.
Диссертация бажарилган муассаса номи: Ўзбекистон халқаро ислом академияси.
ИК фаолият кўрсатаётган муассаса номи, ИК рақами: Ўзбекистон халқаро ислом академияси, DSc.27.04.2018.Isl/Tar/F.57.01.
Расмий оппонентлар: Баҳодиров Роиқ Мажидович фалсафа фанлари доктори, профессор. Кушаев Умиджон Рахимович фалсафа фанлари доктори, доцент.
Етакчи ташкилот: Тошкент давлат шарқшунослик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ўзбекистон ёшларининг ижтимоий-маданий ҳаётида диний маърифатнинг намоён бўлиш хусусиятлари ҳамда унинг миллий ўзликни англашга таъсирини очиб беришдан иборат.
III. Тадқиқотнинг илмий янгилиги:
«диний маърифат» тушунчасининг таърифи, тарихий ва замонавий хусусиятлари ўрганилган, янги тушунчалар орқали асослаб берилган ҳамда назарий-фалсафий жиҳатдан очиб берилган;
жамият ижтимоий-маданий ҳаётининг тарихий ўзгарувчан хусусияти ва унинг диний маърифий фаолиятидаги инъикоси даражалари аниқланиб, бу воқеликни рационал идрок этиш ва баҳолаш муносабатлари Ўзбекистон ёшлари мисолида амалий сўровномалар Республиканинг барча вилоятлар кесимида илмий таҳлил этилган;
глобаллашув шароитида ёшлар диний маърифатининг ижтимоий-маданий ҳаётидаги ёшлар ва оила муносабати, ўзликни англаш, миллий қадриятлар, маънавий-ахлоқий меъёрлар ва бағрикенлик масалалари назарий жиҳатдан асосланган;
Ўзбекистон ёшларининг диний маърифати ва унинг ижтимоий-маданий ҳаётидаги аҳамияти тизимли ва назарий шаклда ўрганиш имконини берувчи таҳлилий диаграммалар орқали очиб берилган.
IV. Тадқиқот натижаларининг жорий қилиниши:
диний маърифатнинг тарихий ва замонавий хусусиятлари, категориал асосларини аниқлашга қаратилган янги услубий восита борасидаги таклифлар, Ўзбекистон Республикаси Президенти томонидан 2016 йил 14 сентябрда имзоланган «Ёшларга оид давлат сиёсати тўғрисида»ги Ўзбекистон Республикаси Қонунининг мазмун-моҳиятини ёшларга кенг тарғиб қилиш юзасидан Ўзбекистон ёшлар иттифоқининг «Ёшларга оид давлат сиёсати тарғиботи ойлиги» лойиҳасини ўтказиш бўйича комплекс чора-тадбирлар режаси ишлаб чиқишда фойдаланилган (Ўзбекистон ёшлар иттифоқининг 2019 йил октябрдаги 04-13/297-сон далолатномаси). Ушбу илмий натижа диний маърифат ёшларни, барча миллат ва халқларни ҳамиша нурли ҳаётга, эзгулик, ўзаро дўстлик ва инсонийликка даъват этишини, унинг асл, гуманистик мазмунини теран таҳлил этиш – жаҳолатга қарши маърифат билан курашиш йўлида бирлаштирган;
жамият ижтимоий-маданий ҳаётининг тарихий ўзгарувчан хусусияти ва унинг диний маърифий фаолиятидаги инъикоси даражаларини аниқлаш бўйича илмий-услубий материаллардан Ўзбекистон мусулмонлари идорасининг тарғибот ишлари дастурларини ташкил этишда мунтазам равишда фойдаланиб келинди (Ўзбекиcтон мусулмонлари идорасининг 2019 йил 17 июндаги 1554-сон далолатномаси). Мазкур натижалар ёшлар ижтимоий-маданий ҳаётини чуқур илмий асосда ўрганиш орқали айрим ёшлар ҳаётига таъсир этувчи салбий мафкуравий ва информацион хуружларга қарши иммунитетини шакллантиришга хизмат қилган;
Ўзбекистон ёшларининг диний маърифат туйғуси ва унинг ижтимоий-маданий ҳаётни юксалтиришдаги аҳамиятига доир таклифлардан Ўзбекистон Хотин-қизлар қўмитасининг тарғибот ишларини, йўл хариталарини ишлаб чиқишда фойдаланилган (Ўзбекистон Хотин-қизлар қўмитасининг 2019 йил 7 ноябрдаги 13/2274-19-сон далолатномаси). Бу мамлакатимиз хотин-қизларининг диний маърифатини ўрганиш, жамиятга асосий таҳдид бўлиб келаётган диний низоларни олдини олиш йўллари, ватанпарварлик, бағрикенглик каби умумбашарий қадриятлар бугунги кун ёшларининг дунёқарашини шакллантиришга ёрдам берган.