Убайдуллаев Шерозбек Фарходовичнинг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тирсак бўғимини жароҳатдан кейинги вальгусли деформацияларини жарроҳлик йўли билан даволашни такомиллаштириш», 14.00.22 – Травматология ва ортопедия (тиббиёт фанлари).
Диссертация мавзуси рўйхатга олинган рақам: В2025.2.PhD/Tib6077.
Илмий раҳбар: Хаджанов Искандар Юнусович, тиббиёт фанлари доктори, профессор.
Диссертация бажарилган мужассаса номи: Республика ихтисослаштирилган травматология ва ортопедия илмий-амалий тиббиёт маркази.
ИК фаолият кўрсатган муассаса номи, ИК рақами: Республика ихтисослаштирилган травматология ва ортопедия илмий-амалий тиббиёт маркази, DSc.06.2025.27.12.Tib.19.01.
Расмий оппонентлар: Уринбаев Пайзилла Урунбаевич, тиббиёт фанлари доктори, ррофессор; Хожаназаров Илхом Эшқулович, тиббиёт фанлари доктори (DSc).
Етакчи ташкилот: Андижон давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: тирсак бўғими вальгусли деформациялари бўлган беморларни ташхислаш ва даволаш усулларини такомиллаштириш орқали даволаш натижаларини яхшилашдан иборат.
III. Тадқиқотнинг илмий янгилиги 
елка суяги бўғим юзи бошчасининг сохта бўғими асосида юзага келган  “патологик ўчоқ дефекти” ҳажмини аниқлашнинг такомиллаштирилган  тактикаси орқали бўғим юзи бошчасининг (гипертрофияланган ёки атрофияланган) ҳолати, дистал метафизнинг ўлчами, блок сохасидаги асептик некрози даражаси тирсак бўғимининг вальгус деформациясининг даражасига  тўғри пропорционал эканлиги исботланган; 
елка суяги бўғим юзи бошчаси сохта бўғими асосида юзага келган тирсак бўғимининг вальгусли деформациясини хирургик даволашда елка суягини дўнглар усти коррекцияловчи остеотомияси хамда қисман  резекцияси бажарилиб, сохта бўғим сохасида гибрид технология: суяк фрагментларини учтагача спонгиоз винтларини диагонал ва горизонтал  кесимларда ўрнатган холда бир вақтнинг ўзида Илизаров аппарати билан фиксация қилиш усули  ишлаб чиқилган; 
елка суяги дистал қисми “патологик ўчоқ дефекти”нинг ҳажми, тирсак бўғими вальгусли деформацияси даражаси ва сохта бўғим муддати кўрсаткичларини инобатга олиш тирсак бўғими вальгусли деформациясини даволаш тактикасини белгилашда елка суяги дистал қисми дефектини бартараф этиш ва қўл ўқини нормаллаштириш учун оптимал эканлиги исботланган;
тирсак бўғими вальгусли деформацияларини бир босқичли ва гибрид технологияни қўллаган холда жарроҳлик амалиёти бажарилган беморларнинг қўл иш фаолиятини баҳолаш учун соддалаштирилган ва амалий тиббиётга мослаштирилган баҳолаш мезонлари беморларнинг функционал имкониятларини адекват баҳолашга имкон бериши исботланган, бунда 77,8% қиёсий гуруҳ беморларидан фарқли равишда 94% асосий гуруҳ беморларида яхши натижалар улушининг ошганлиги аниқланган.
IV. Тадқиқот натижаларининг жорий этилиши. 
Республика ихтисослаштирилган травматология ва ортопедия илмий-амалий маркази Эксперт кенгашининг 2023 йил 23 мартидаги 03/5-сон хулосасига кўра (илмий янгиликларни бошқа соғлиқни сақлаш муассасаларига жорий этиш бўйича Соғликни сақлаш вазирлигига Республика ихтисослаштирилган травматология ва ортопедия илмий-амалий марказининг 2023 йил 20 январдаги 03/80а-сон хати юборилган):
биринчи илмий янгилик: елка бош суяги псевдоартрози фонида юзага келган тирсак бугимининг валгус деформациясини жаррохлик йули билан даволаш жараёнида супракондилар корректив остеотомия ва йелка суягининг кисман резекцияси амалга оширилди ва псевдоартроз сохасида гибрид технология ишлаб чикилди - бу суяк булакларини Илизаров аппарати билан бир вактнинг узида диагонал ва горизонтал уналишларда учтагача канселусли винтларни урнатиш билан фиксация килиш усули булиб, бу суяк кини текислаш ва баркарор фиксацияга эришиш имконини берди. Тадкикот натижалари Республика ихтисослаштирилган травматология ва ортопедия илий-амалий тиббиёт маркази Навоий филиалининг Травматология ва ортопедия булими (25.08.2025, Nº 7/1) ва Хоразм вилоят болалар куп тармокли тиббиёт маркази (11.08.2025, Nº 221/1) клиник амалиётига жорий этилди. Ушбу илий инновациянинг ижтимоий тасири куйидагиларда: тирсак бугимининг валгус деформациясини даволаш учун янги гибрид жаррохлик усули ишлаб чикилди, бу тирсак капитатининг юкори кисмининг псевдоартрози туфайли ривожланади. Бу усул супракондитар корректив остеотомия ва ва тирсак суягининг кисман резекциясини, шунингдек, суяк булакларини бир вактнинг узида канселус винтлар ва Илизаров аппарати билан фиксация килишни уз ичига олади. Натижада анатомик яхшиланишга эришилди. Суяк кини тиклаш ва унинг баркарор фиксацияси. Ушбу инновациянинг ижтимоий самарадорлиги беморларда кул функциясини тиклаш ва уларнинг хаёт сифатини яхшилаш билан изохланади. Харажатлар самарадорлиги коникарли натижалар курсаткичининг 20,5% га ошиши, коникарсиз холатлар курсаткичининг 5,8% га камайиши ва хар бир бемор учун уртача 1000000 сум тежаш билан окланади.
иккинчи илмий янгилик: елка суяги бошчасининг сохта бўғимида «патологик ўчоқ нуқсони» ҳажмини аниқлашнинг такомиллаштирилган тактикаси орқали тирсак бўғимининг вальгус деформацияси даражаси билан бошчанинг ҳолати (гипертрофияланган ёки атрофияланган), дистал метафиз ўлчами ва елка суяги ғалтаги соҳасидаги асептик некроз даражаси ўртасида тўғри пропорционал боғлиқлик борлиги исботланди. Тадқиқот натижалари Республика ихтисослаштирилган травматология ва ортопедия илмий-амалий тиббиёт маркази Навоий филиалининг травматология ва ортопедия бўлими (25.08.2025 й., № 7/1) ҳамда Хоразм вилояти болалар кўп тармоқли тиббиёт маркази (11.08.2025 й., № 221/1) клиник амалиётига жорий этилди. Ижтимоий самарадорлиги: елка суяги бошчасининг сохта бўғимида «патологик ўчоқ нуқсони» ҳажмини аниқлашнинг такомиллаштирилган тактикаси ишлаб чиқилди. Бунда бўғим юзасининг ҳолати, дистал метафиз ўлчамлари, асептик некроз даражаси ва тирсак бўғимининг вальгус деформацияси даражаси ўртасида тўғри боғлиқлик мавжудлиги исботланди. Ижтимоий самарадорлиги: ташхислаш ва даволаш тактикасини оптималлаштириш, реабилитацияни эрта бошлаш имконияти ҳамда қониқарсиз натижалар сонини 4,6 фоизгача камайтиришда ифодаланади. Иқтисодий самарадорлиги: даволаш жараёнларини оптималлаштириш ҳисобига бир бемор учун ўртача 725000 сўм маблағ тежалиши билан изоҳланади.
учинчи илмий янгилик: тирсак бўғимининг жароҳатдан кейинги вальгус деформацияларини даволаш учун инновацион хирургик гибрид технология ишлаб чиқилди. Ушбу усул қўл оёқ ўқини нормаллаштириш, ташқи фиксация аппаратларини эрта ечиш ва суяк бўлаклари барқарорлигини сақлаш имконини берди. Тадқиқот натижалари Республика ихтисослаштирилган травматология ва ортопедия илмий-амалий тиббиёт маркази Навоий филиалининг травматология ва ортопедия бўлими (25.08.2025 й., № 7/1) ҳамда Хоразм вилояти болалар кўп тармоқли тиббиёт маркази (11.08.2025 й., № 221/1) клиник амалиётига жорий этилди. Ижтимоий самарадорлиги: Тирсак бўғими функциясининг яхшиланиши, беморларнинг ҳаёт сифати ва меҳнат қобилиятининг ошиши билан белгиланади. Иқтисодий самарадорлиги: Асоратлар ва ногиронлик даражасини камайтириш ҳисобига бир бемор учун ўртача 5325000 сўм маблағ тежалиши билан исботланди..
тўртинчи илмий янгилик: Тирсак бўғими вальгус деформацияларини хирургик даволаш учун Илизаров аппарати ва спонгиоз винтларни қўллашга асосланган янги гибрид технология ишлаб чиқилди. Ушбу ёндашув суяк бўлакларининг барқарор фиксациясини таъминлади ва бу тирсак бўғимида эрта реабилитацияни бошлаш имконини берди. Тадқиқот натижалари Республика ихтисослаштирилган травматология ва ортопедия илмий-амалий тиббиёт маркази Навоий филиалининг травматология ва ортопедия бўлими (25.08.2025 й., № 7/1) ҳамда Хоразм вилояти болалар кўп тармоқли тиббиёт маркази (11.08.2025 й., № 221/1) клиник амалиётига жорий этилди. Ижтимоий самарадорлиги: беморларнинг ҳаёт сифатини яхшилаш ва эрта ногиронлик хавфини камайтиришдан иборат. Иқтисодий самарадорлиги: операциядан кейинги асоратларни камайтириш ва реабилитация муддатларини қисқартириш ҳисобига эришилади. Бу ҳар бир бемор учун ўртача 5325000 сўм маблағни тежаш имконини беради.