Hamdamov Marufjon Sayfulla o‘g‘lining
falsafa doktori (PhD) dissertatsiyasi himoyasi haqidagi e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Muhandislik inshootlarining fazoviy ma’lumotlar milliy infratuzilmasini yaratish ishlarini takomillashtirish (Samarqand shahridagi muhandislik inshootlari misolida)”, 06.01.10 – “Er tuzish, kadastr va er monitoringi” ixtisosligi bo‘yicha (texnika fanlari).
Dissertatsiya mavzusi ro‘yxatga olingan raqam: B2025.3.PhD/T6061.
Ilmiy rahbar: Juraqulov Doniyor Ochilovich, texnika fanlari nomzodi, professor.
Dissertatsiya bajarilgan muassasa nomi: Mirzo Ulug‘bek nomidagi Samarqand davlat arxitektura – qurilish universiteti.
IK faoliyat ko‘rsatayotgan muassasa nomi, IK nomi: Mirzo Ulug‘bek nomidagi Samarqand davlat arxitektura-qurilish universiteti huzuridagi PhD.26/26.01.2023.T.109.04 raqamli ilmiy kengash asosidagi bir martalik ilmiy kengash.
Rasmiy opponentlar: Abduraxmonov Sarvar Narzullaevich, texnika fanlari doktori (DSc), dotsent. Xo‘jakeldiev Komil Nosirovich, texnika fanlari falsafa doktori, (PhD), dotsent
Yetakchi tashkilot: Buxoro davlat texnika universiteti.
Dissertatsiya yo‘nalishi nazariy va amaliy ahamiyatga molik.
II. Tadqiqotning maqsadi. Samarqand shahrida ko‘chmas mulk kadastrining 3D modelini yaratish, ko‘chmas mulk obektlarini real vaqt rejimida o‘lchash uchun 3D kadastr texnologiyasini joriy etish va kadastr ma’lumotlarni kadastr geoportaliga integratsiya qilish metodikasini ishlab chiqishdan iborat.
III. Tadqiqotning ilmiy yangiligi:
-ilmiy adabiyotlar, GAT va CAD dasturlari hamda ilg‘or xorijiy manbalar asosida, Samarqand shahrida ko‘chmas mulk kadastrining 3D modelini yaratish metodikasi takomillashtirilgan;
-Samarqand shahrida ko‘chmas mulk kadastrining uch o‘lchamli modelini yaratish metodikasi, metama’lumotlar, atributiv va geoma’lumotlar bilan ta’minlashga bog‘liq, normativ texnik qoidalarni 3D modellashtirish jarayoniga integratsiya qilish asosida, fazoviy kadastr ma’lumotlar bazasini yaratish tizimi takomillashtirilgan;
-geodezik o‘lchash natijalari, monografik tadqiqotlar, topografik ma’lumotlar, GAT va CAD dasturlari asosida, Samarqand shahrida ko‘chmas mulk kadastri obekti er osti kommunikatsiyalarining 3D modeli ishlab chiqilgan;
-GAT va CAD dasturlari asosida yaratilgan, er osti kommunikatsiyalarining 3D modelini, kadastr geoportaliga integratsiya qilish algoritmi ishlab chiqilgan.
IV. Tadqiqot natijalarining joriy qilinishi. Muhandislik inshootlarining fazoviy ma’lumotlar milliy infratuzilmasini yaratish ishlarini takomillashtirish bo‘yicha olingan natijalar asosida:
- ilmiy adabiyotlar, GAT va CAD dasturlari hamda ilg‘or xorijiy manbalar asosida Samarqand shahridagi ko‘chmas mulk kadastri obektlarining 3D modelini yaratish metodikasi takomillashtirishga qaratilgan ilmiy ish O‘zbekiston Respublikasi Iqtisodiyot va moliya vazirligi huzuridagi Kadastr agentligining “Davlat kadastrlari palatasi” Samarqand viloyat boshqarmasi ammaliyotida joriy etilgan (O‘zbekiston Respublikasi Iqtisodiyot va moliya Vazirligi huzuridagi Kadastr agentligining 2025 yil 13-maydagi 05/5033-sonli ma’lumotnomasi). Natijada, Samarqand shahri hududida muhandislik kommunikatsiyalari (yo‘llar, elektr tarmoqlari, suv quvurlari, gaz tarmoqlari)ning to‘liq modelini yaratish va ularni samarali boshqarish, kadastr ma’lumotlarini avtomatlashtirish hamda Geoportal orqali, 3D modellar asosida, kadastr ma’lumotlarini ommabop shaklda taqdim etish imkoniyati yaratilgan;
-Samarqand shahridagi ko‘chmas mulk kadastri obektlarining uch o‘lchamli modelini yaratish metodikasi, metama’lumotlar, atributiv va geoma’lumotlar bilan ta’minlashga bog‘liq, normativ texnik qoidalarni 3D modellashtirish jarayoniga integratsiya qilish asosida, fazoviy kadastr ma’lumotlar bazasini yaratish tizimini takomillashtirish borasidagi takliflari, O‘zbekiston Respublikasi Iqtisodiyot va moliya vazirligi huzuridagi Kadastr agentligining “Davlat kadastrlari palatasi” Samarqand viloyat boshqarmasi ammaliyotida joriy etilgan (O‘zbekiston Respublikasi Iqtisodiyot va moliya Vazirligi huzuridagi Kadastr agentligining 2025 yil 13-maydagi 05/5033-sonli ma’lumotnomasi). Natijada, Samarqand hududiy shaharsozlik kadastri obektlarining uch o‘lchamli modelini yaratish imkoniyati yaratilgan;
-geodezik o‘lchash natijalari, eksperimental tadqiqotlar, topografik ma’lumotlar, GAT va CAD dasturlari asosida, Samarqand shahri ko‘chmas mulk kadastri obekti er osti kommunikatsiyalarining 3D modeli ishlab chiqish borasidagi takliflari O‘zbekiston Respublikasi Iqtisodiyot va moliya vazirligi huzuridagi Kadastr agentligining “Davlat kadastrlari palatasi” Samarqand viloyat boshqarmasi amaliyotida joriy etilgan (O‘zbekiston Respublikasi Iqtisodiyot va moliya Vazirligi huzuridagi Kadastr agentligining 2025 yil 13-maydagi 05/5033-sonli ma’lumotnomasi). Natijada, chiziqli muhandislik komunikatsiyalarini qazish ishlari yoki qurilish paytida kommunikatsiya tarmoqlari joylashuvini aniqlash imkoniyatini beradi;
-GAT va CAD dasturlari asosida yaratilgan, er osti kommunikatsiyalarining 3D modelini kadastr geoportaliga integratsiya qilish algoritmini ishlab chiqish borasidagi takliflari, O‘zbekiston Respublikasi Iqtisodiyot va moliya vazirligi huzuridagi Kadastr agentligining “Davlat kadastrlari palatasi” Samarqand viloyat boshqarmasi ammaliyotida joriy etilgan (O‘zbekiston Respublikasi Iqtisodiyot va moliya Vazirligi huzuridagi Kadastr agentligining 2025 yil 13-maydagi 05/5033-sonli ma’lumotnomasi). Natijada, Shaharsozlik kadastri geoportaliga er osti kommunikatsiyalarining 3D modelini integratsiya qilish shahar infratuzilmasini samarali boshqarish, muhandislik ishlarini aniqlashtirish va foydalanuvchilar uchun qulayliklar yaratish imkonini berdi.
