Нигматжонов Сардор Абдуманнобовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Полиз экинлари учун плёнка тўшагичнинг пушта шакллантирадиган ишчи органлари параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари). 
Диссертация мавзуси рўйхатга олинган рақам: B2023.1.PhD/Т3503.
Илмий раҳбар: Норчаев Даврон Рустамович, техника фанлари доктори, профессор.
Диссертация бажарилган муассаса (муассасалар) номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.08/2025.27.12.Т.13.01.
Расмий оппонентлар: Имомқулов Қутбиддин Боқижонович – техника фанлари доктори, профессор; Худояров Анваржон Назиржонович – техника фанлари доктори, профессор.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади полиз экинларини плёнка остида етиштириш учун плёнка тўшагичнинг пушта шакллантирадиган ишчи органларини ишлаб чиқиш ҳамда параметрларини асослаш орқали иш сифати ва унумини ошириш ҳамда бошқа ҳаражатлар сарфини камайтиришдан иборат.
III. Тадқиқотнинг илмий янгилиги:
плёнка тўшагичнинг тупроқ сургичи ва тупроқ кесакларини майдалайдиган ҳамда зичлайдиган ғалтаги билан жиҳозланган агрегатнинг конструктив схемаси ишлаб чиқилиб, технологик иш жараёни асосланган;
сургичнинг тупроқ билан ўзаро таъсирлашиш жараёнларини ифодалайдиган аналитик боғланишлар олинган ва у билан ғалтак орасидаги бўйлама масофа ҳамда уларнинг мақбул параметрлари асосланган;
плёнка тўшагич таркибидаги иш органларининг ўрнатиш схемаси ишлаб чиқилган ва уларнинг технологик иш жараёнлари асосланган;
плёнка тўшагичнинг агротехник ва энергетик иш кўрсаткичларини тупроқ сургичининг параметрлари ва агрегатни ҳаракат тезлигига боғлиқ равишда ўзгаришини ифодалайдиган боғланишлар асосида, уларнинг мақбул қийматлари аниқланган.
IV. Тадқиқот натижаларининг жорий қилиниши. Полиз экинлари учун плёнка тўшагичнинг пушта шакллантирадиган ишчи органлари параметрларини асослаш бўйича олинган натижалар асосида:
полиз экинларини экиш учун бир йўла пушта шакллантириб унинг юза тупроғини майдалаб плёнка тўшайдиган машинанинг сифат кўрсаткичларини баҳолашга дастлабки талаблар ва машина конструксиясини лойиҳалашга техник топшириқ ишлаб чиқилган ҳамда “ЭНТЕР СТЕЛЛ” ЧЕИИК МЧЖ да лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2025-йил 9-июлдаги 05/04-04-367-сон маълумотномаси). Натижада машина ишчи қисмларининг турлари ва уларни рамада жойлаштириш схемаси асосланиб, унинг конструксиясини ишлаб чиқиш имкони яратилган; 
полиз экинларини экиш учун бир йўла пушта шакллантириб унинг юза тупроғини майдалаб плёнка тўшайдиган агрегат Тошкент вилояти Янгийўл тумани фермер хўжаликларида жорий этилган (Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2025-йил 9-июлдаги 05/04-04-367-сон маълумотномаси). Таклиф этилаётган такомиллаштирилган плёнка тўшагич, мавжуд техникаларга нисбатан ёнилғи-мойлаш материаллари сарфи 25 фоизгача ва умумий харажатлар 
1,5 мартагача камайиши ҳамда иш унуми 1,4 мартагача ошишига эришилган.