Рахманова Тожинисо Турсунбой қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Антиоксидантларга бой бўлган озуқа маҳсулотларни хусусиятларини сақлаган ҳолда қуритиш учун комбинацияланган қуритиш қурилмасини такомиллаштириш», 02.00.16 – Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: B2024.2.PhD/Т4601.
Илмий раҳбар: Султанова Шахноза Абдувахитовна, техника фанлари доктори, профессор.
Диссертация бажарилган муассасалар номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент кимё-технология институти ҳузуридаги DSc.03/2025.27.12.Т.42.01 рақамли Илмий кенгаш асосидаги бир марталик илмий кенгаш.
Расмий оппонентлар: Баракаев Нусратилла Ражабович, техника фанлари доктори, профессор; Дадаев Ғани Ташходжаевич, техника фанлари бўйча фалсафа доктори (PhD), доцент. 
Етакчи ташкилот: Фарғона давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: бланширлаш технологиясини қўллаган ҳолда, комбинацияланган вибрация-инфрақизил нур ёрдамида қуритиш қурилмасини такомиллаштиришдан иборат.  
III. Тадқиқотнинг илмий янгилиги:
наъматак мевасини қуритиш режимлари ўрганилиб, мақбул қуритиш параметрлари: қуритиш ҳарорати 60 °C, вибрация таъсирида ҳосил бўлган тебраниш частотаси 9,05 Гс, амплитудаси 0,014 м ҳамда ИҚ нур тўлқин узунлиги 3 мкм эканлиги илмий асосланган;
қизил дўлана мевасини қуритиш режимлари ўрганилиб, мақбул қуритиш параметрлари: қуритиш ҳарорати 60 °C, вибрация таъсирида ҳосил бўлган тебраниш частотаси 8,15 Гс, тебраниш амплитудаси 0,016 м ҳамда ИҚ нур тўлқин узунлиги 2,5 мкм эканлиги илмий асосланган;
қуритиш жараёнига таъсир этувчи омилларни аниқлаш учун тўлиқ омилли тажрибалар режалаштирилиб, Бокс-Уилсон усули орқали мақбул қуритиш режимларининг математик модели ишлаб чиқилган;
дастлабки ишлов бериш жараёнида бланширлаш технологиясини қўллаш орқали наъматак ва қизил дўлана меваси таркибидаги антиоксидантлик фаоллигини 90-95% гача сақланиши исботланган;
антиоксидантларга бой бўлган озуқа маҳсулотларни хусусиятларини сақлаган ҳолда қуритиш учун комбинацияланган қуритиш қурилмаси такомиллаштирилган.
IV. Тадқиқот натижаларининг жорий қилиниши. Антиоксидантларга бой озуқа маҳсулотларни хусусиятларини сақлаган ҳолда қуритишда комбинацияланган қуритиш қурилмасини такомиллаштириш бўйича олинган илмий натижалар асосида: 
антиоксидантларга бой озуқа маҳсулотларини қуритиш учун энергия тежамкор технология ”Суннй Ланд Продуcц” МЧЖда ишлаб чиқаришга жорий этилган (Ўзбекистон озиқ овқат саноати уюшмасининг 2022 йил 21 декабрдаги 21-119/12-22-сон маълумотномаси). Юқори самарали технологиядан фойдаланиш натижасида маҳсулот ишлаб чиқариш 1,22 баробар ошиб, хомашё йўқотилиши 12% га камайтириш имконинни берган;
антиоксидантларга бой озуқа маҳсулотларини қуритиш усули ”Суннй Ланд Продуcц” МЧЖда ишлаб чиқаришга жорий этилган (Ўзбекистон озиқ овқат саноати уюшмасининг 2022 йил 21 декабрдаги 21-119/12-22-сон маълумотномаси). Натижада, наъматак ва қизил дўлана мевасини қуритиш учун юқори самарали технологиядан фойдаланиш ҳамда маҳсулот таркибида антиоксидантлик хусусиятини 90-95% гача сақлаб қолишни таъминлаш имконини берган;
антиоксидантларга бой озуқа маҳсулотларини қуритиш ушун такомиллаштирилган энергия тежамкор қурилма ”Суннй Ланд Продуcц” МЧЖда ишлаб чиқаришга жорий этилган (Ўзбекистон озиқ овқат саноати уюшмасининг 2022 йил 21 декабрдаги 21-119/12-22-сон маълумотномаси). Натижада, вибрация-инфрақизил нурдан фойдаланган ҳолда юқори самарали энергия тежамкор қуритиш қурилмасининг жорий этилиши ва конструксиянинг мақбул танлови туфайли мавжуд технология ва қурилмаларга нисбатан 1,22 баробар кам энергия сарфлаш имконини берган.