Усмонов Саидикромхўжа Саидалиевичнинг
фанлари доктори (DSc) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Киберзўравонликка қарши киберхавфсизликни таъминлашнинг мафкуравий аҳамияти” 09.00.06 – Ғоялар тарихи ва методологияси (фалсафа фанлари).
Диссертация мавзуси рўйхатга олинган рақам: B2026.1.DSc/Fal362.
Илмий раҳбар: Шермухамедова Нигина Арслановна, фалсафа фанлари доктори, профессор.
Диссертация бажарилган муассаса номи: Мирзо Улуғбек номидаги Ўзбекистон Миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.03/2025.27.12.F.01.08.
    Расмий оппонентлар: Раматов Жуманиёз Султонович – фалсафа фанлари доктори, профессор; Мавлонов Жўрабек Ёрқул ўғли – сиёсий фанлари доктори; Мусаев Одил Рахматович – фалсафа фанлари доктори. Етакчи ташкилот: Ўзбекистон Республикаси жамоат хавфсизлик университети.
Диссертация йўналиши: назарий-амалий аҳамиятга молик.
II. Тадқиқотнинг мақсади. Киберзўравонлик ва киберхавфсизлик ғояларининг шаклланиши, ривожланиш қонуниятлари, уларнинг жамият маънавий ҳаёти ва мафкуравий жараёнларига таъсирини, кибер маконда шахс ва жамият хавфсизлигини таъминлашнинг мафкуравий асосларини очиб бериш ва самарали профилактика механизмларини ишлаб чиқишдан иборат. 
III. Тадқиқотнинг илмий янгилиги: 
рақамли жамиятда киберзўравонликга қарши киберхавфсизликни таъминлаш  ижтимоий муносабатлар ва мафкуравий жараёнлар билан ўзаро боғлиқ ҳолда трансформацияланиши фалсафий-онтологик воқелик сифатида намоён бўлиши ва бу инсон онгига турли даражада таъсир қилиб, унинг йўл танлаш ва тўғри қарор қабул қилиш имкониятида ўз ифодасини топиши асосланган; 
киберзўравонликнинг ижтимоий воқелик сифатидаги моҳияти шахс психологияси, жамоавий тафаккур ва ахборот муҳитидаги мафкуравий таъсир механизмлари орқали намоён бўлиши, бу жараён давр руҳига,  жамиятнинг маънавий барқарорлигига, шахслар, давлатлараро муносабатларига салбий таъсири қилиши ва унга қарши  киберхавфсизлик механизмларини такомиллаштиришнинг мафкуравий барақарорлик омили вазифасини бажариши исботланган; 
киберхавфсизликни таъминлаш жараёни фақат техник ҳимоя эмас, балки маънавий-мафкуравий иммунитетни шакллантиришнинг муҳим омили сифатида  ахборот жамиятида инсон эркинлиги, қадр-қиммати ва интеллектуал хавфсизлигини таъминловчи фалсафий тизим эканлиги, бу индивидуал ва жамоа онги билан боғлиқ ҳолда  дунёнинг мафкуравий манзарасида барқарор тараққиёт омили сифатида намоён бўлиши очиб берилган; 
ҳозирги кибермаконда инсон ҳуқуқ ва эркинликларини ҳимоя қилишнинг анъанавий ҳуқуқий ва ижтимоий механизмлари билан бир қаторда киберзўравонликнинг янги шаклларини олдини олиш ва уларга қарши курашда замонавий инновацион механизмлар, рақамли автоматизация ва сунъий интеллект асосидаги мониторинг,  киберпсихологик интервенсия ва онлайн қўллаб-қувватлаш платформалари,  интерактив таълим ва профилактика чораларини такомиллаштиришнинг халқаро андозаларидан  фойдаланишнинг мафкуравий профилактика воситаси сифатида намоён бўлиши асосланган;
киберзўравонликка қарши кураш ва киберхавфсизликни таъминлашнинг самарали профилактик механизмлари сифатида сунъий интеллект ва машинани ўрганиш алгоритмларидан  таълим ва тарбия жараёнида фойдаланишнинг мафкуравий таъсир ва психологик таҳдидларни прогноз қилиш имкониятини бериши, бу киберхавфсизлик стандартлари, рақамли реестрлар орқали маълумотларнинг ўзгартириб бўлмаслигини таъминлаши асосланган.
IV. Тадқиқот натижаларининг жорий қилиниши. Киберзўравонликка қарши киберхавфсизликни таъминлашнинг мафкуравий аҳамияти мавзусидаги олиб борилган илмий тадқиқот натижалари, хусусан: киберзўравонликга қарши киберхавфсизликни таъминлаш  замонавий ахборот жамиятида ижтимоий муносабатлар ва мафкуравий жараёнлар билан ўзаро боғлиқ ҳолда трансформацияланиши фалсафий-онтологик воқелик сифатида намоён бўлиши ва  бу рақамли маконда инсон онгига турли даражада таъсир қилиб, унинг йўл танлаш имкониятида ўз ифодасини топишига оид хулосалардан Ўзбекистон шароитида киберзўравонликка қарши курашиш ва киберхавфсизликни таъминлашнинг давлат, жамоатчилик ҳамда таълим муассасалари даражасидаги механизмлари, хусусан, давлат сиёсати даражасида норматив-ҳуқуқий база ва институционал тизимнинг роли, жамоатчилик даражасида ижтимоий назорат ва фуқаролик фаоллиги, таълим тизимида эса ахборот маданияти ва маънавий тарбия орқали уч даражали тизим ўзаро интеграциялашган ҳолда киберхавфсизликни таъминлашнинг миллий моделидан фойдаланилган (Олий таълимни ривожлантириш тадқиқотлари марказининг 2026 йил 27 апрелдаги 02/01-01-315-сон маълумотномаси). Натижалар  фуқароларнинг мафкуравий иммунитетини шаклалнтириш, ижтимоий тамоқлардаги ахборотларни  саралаш, танлаш ва улардан фойдаланишга оқилона ёндашувнинг шаклланишига хизмат қилган;
киберзўравонликнинг ижтимоий воқелик сифатидаги моҳияти унинг шахс психологияси, жамоавий тафаккур ва ахборот муҳитидаги мафкуравий таъсир механизмлари орқали намоён бўлиб, бу жараён давр руҳига,  жамият маънавий барқарорлигига, шахслар ва давлатлараро муносабатларига салбий таъсири илмий-назарий таҳлиллар асосидаги хулосалардан Ўзбекистон Республикаси Мудофаа вазирлиги қўшинларида профлактик ёндашувлар ва ҳарбий таълим, тарғибот ва маънавий-маърифий фаолият жараёнларида фойдаланилган (Ўзбекистон Республикаси Мудофаа вазирлиги. 2026 йил 27 апрелдаги 10/919 сонли  маълумотномаси). Натижалар  жамоа тафаккури ва индивидуал онгнинг мутаносиблиги таъминланиши, давлат сиёсатининг моҳиятини тушунишга хизмат қилган;
киберхавфсизликни таъминлаш жараёни фақат техник ҳимоя эмас, балки маънавий-мафкуравий иммунитетни шакллантиришнинг муҳим омили сифатида  ахборот жамиятида инсон эркинлиги, қадр-қиммати ва интеллектуал хавфсизлигини таъминловчи фалсафий тизим эканлиги, бу индивидуал ва жамоа онги билан боғлиқлигига оид  хулосалардан..Ўзбекистон Республикаси Фавқулодда вазиятлар вазирлиги шахсий таркиби билан “Маънавият соати” машғулотларида кенг фойдаланиланиб келинмоқда (Ўзбекистон Республикаси Фавқулодда вазиятлар вазирлигининг 2025 йил 25 мартдаги 4/26-1354 сонли маълумотномаси). Натижалар  киберхавфсизликга қарши методологик ёндашувларни такомиллаштириш, уларни оммалаштиришга хизмат қилган;
кибер маконда инсон ҳуқуқ ва эркинликларининг фалсафий таҳлили уларнинг рақамли муҳитда янги мазмун касб этиб, ахборот уруши ва дезинформация шароитида мафкуравий таъсир остида қайта шаклланишига доир консептуал қарашлар халқаро илмий тадқиқотлар асосидаги хулосалардан Ўзбекистон Республикаси Миллий гвардияси қўшинларида киберхавфсизликни таъминлашнинг мафкуравий аҳамиятига доир ишлаб чиқилган назарий хулосалар ҳамда амалий тавсиялар маънавий тадбирларда кенг. фойдаланилган (Ўзбекистон Республикаси Миллий гвардиясининг 2025 йил 12 декабрдаги 10/930-14 сонли маълумотномаси). Натижалар  фуқароларнинг ҳуқуқ эркинликларини тушуниш ва улардан фойдаланиш билан бир қаторда бурч ва масъулиятни хис қилишга хизмат қилган;
киберзўравонликка қарши кураш ва киберхавфсизликни таъминлашнинг мафкуравий асослари бўйича таълим, тарбия, давлат сиёсати ва рақамли технологиялар интеграциясига таянган комплекс ёндашув асосида самарали профилактик механизмларини ишлаб чиқилганлигига оид хулосалардан Ўзбекистон ёшлар иттифоқининг  2025 йилнинг ярим йиллик иш режасида белгиланган ишларни ташкил этиш ва диссертация материалларидан фойдаланилган (Ўзбекистон ёшлар иттифоқининг 2026 йил 24 апрелдаги 04-13/331 сонли маълумотномаси). Натижалар  таълим тизимида кибер хавфсизликни таъминлаш механимзларини такомиллаштиришга иод комплекс чора тадбирларни ишлаб чиқлшга хизмат қилган.