Қаландарова Сафия Тоҳировнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):  “Нолисоний мутахассислик талабаларининг лингвомаданиятшунослик компетенциясини ривожлантириш”, 13.00.01–Педагогика назарияси. Педагогик таълимотлар тарихи  (педагогика фанлари).
Диссертация мавзуси рўйхатга олинган рақам: В2018.3.PhD/Ped549.
Илмий раҳбар: Турсунов Собир Турдиевич, педагогика фанлари доктори.
Диссертация бажарилган муассаса номи: Тошкент давлат педагогика университети.  
ИК фаолият кўрсатаётган муассаса номи, ИК рақами: Тошкент давлат педагогика университети, DSc.03/30.01.2019.Ped.26.01.
Расмий оппонентлар: Нурманов Абдуназар Тешабоевич,     педагогика фанлари доктори; Ахмедова Лайло Толибжоновна, педагогика фанлари доктори, профессор.
Етакчи ташкилот: Гулистон давлат университети.
Диссертация йўналиши: амалий аҳамиятга молик.
II. Тадқиқотнинг мақсади: олий таълим муассасаларининг нолисоний таълим йўналишлари талабаларининг лингвомаданиятшуносликка оид компетенциясини ривожлантиришдан иборат.
III. Тадқиқотнинг илмий янгилиги:
олий таълим муассасалари нолисоний таълим йўналишлари талабаларининг лингвомаданиятшунослик компетенциясини ривожлантиришнинг психологик-педагогик имкониятлари тўқимачилик соҳасидаги терминологик воситаларини қўллашга оид инвариант фаолият усулларини ривожлантириш асосида кенгайтирилган;
олий таълим муассасалари нолисоний таълим йўналишлари талабаларининг лингвомаданиятшунослик компетенцияси коммуникатив воситаларни вариантлаш, нутқий хулқ-атворни вазиятга мувофиқ бошқара олиш ҳамда рефлексив малакаларни ўзаро оптималлаштириш асосида такомиллаштирилган;
нолисоний таълим йўналишлари талабаларининг лингвомаданиятшунослик компетенциялари лексик-терминологик бирликлар семантикаси, ўргатилаётган лингвомаданий ахборотни сўзларнинг когнитив образини шакллантириш, маданиятлараро мулоқот кўникмаларини оптималлаштириш асосида такомиллаштирилган;
нолисоний таълим йўналишлари талабаларининг лингвомаданиятшунослик компетенциясини ривожлантиришнинг блок-модулли технологияси немис тилига оид тўқимачилик терминларининг лингвомаданиятшунослик хусусиятларига устуворлик бериш ҳамда  лингвомаданиятшуносликка оид билим, кўникма ва малакаларни ривожлантиришни интеграциялаш, мақсадли, мазмуний ва натижавий блокларга ажратиш асосида такомиллаштирилган.
IV. Тадқиқот натижаларининг жорий қилиниши.
Нолисоний мутахассислик талабаларининг лингвомаданиятшунослик компетенциясини ривожлантириш  бўйича олинган илмий натижалар асосида:
олий таълим муассасалари нолисоний таълим йўналишлари талабаларининг лингвомаданиятшунослик компетенцияси коммуникатив воситаларни вариантлаш, нутқий хулқ-атворни вазиятга мувофиқ бошқара олиш ҳамда рефлексив малакаларни ўзаро оптималлаштириш асосида такомиллаштиришга доир таклифлардан А-1-197 рақамли “Инглиз тили ва немис тилларини ўрганиш бўйича ўқув-услубий модуллардан фойдаланиш ва уларни такомиллаштиришнинг назарий ва амалий асослари” мавзусидаги амалий лойиҳасида фойдаланилган (Олий ва ўрта махсус таълим вазирлигининг 2018 йил 15 январдаги 89-03-151-сон  маълумотномаси).  Натижада бўлажак мутахассисларнинг коммуникатив ва рефлексив малакалари такомиллаштирилган;
нолисоний таълим йўналишлари талабаларининг лингвомаданиятшунослик компетенциялари лексик-терминологик бирликлар семантикаси, ўргатилаётган лингвомаданий ахборотдан сўзларнинг когнитив образини шакллантириш, маданиятлараро мулоқот кўникмаларини оптималлаштириш асосида ривожлантириш бўйича тавсиялардан чет тили бўйича ўқув-методик таъминотни яратишда фойдаланилган (Олий ва ўрта махсус таълим вазирлигининг 2018 йил 15 январдаги 89-03-151-сон  маълумотномаси).  Натижада ушбу таклифлар таълим модели  илмий-методик таъминотининг сифат ва самарадорлигини оширишга хизмат қилган;
нолисоний таълим йўналишлари талабаларининг лингвомаданиятшунослик компетенциясини ривожлантиришнинг блок-модулли технологияси немис тилига оид тўқимачилик терминларининг лингвомаданиятшунослик хусусиятларига устуворлик бериш ҳамда  лингвомаданиятшуносликка оид билим, кўникма ва малакаларни ривожлантиришни интеграциялаш, мақсадли, мазмуний ва натижавий блокларга ажратиш асосида такомиллаштиришга доир таклифлардан 5320900-Енгил саноат буюмлари конструкциясини ишлаш ва технологияси таълим йўналиши Йигириш технологияси бўйича ўқув-методик таъминотни яратишда фойдаланилган  (Олий ва ўрта махсус таълим вазирлигининг 2018 йил 15 январдаги 89-03-151-сон  маълумотномаси). Натижада нолисоний таълим йўналишлари малакавий талабларини ишлаб чиқишга ва такомиллаштирилган ўқув дастурлари, дарсликлар ва ўқув-методик қўлланмаларни яратишга хизмат қилган.