25.06.2026 йил соат 10:00 да Олий аттестация комиссияси томонидан Самарқанд давлат университетида очиқ мулоқот ва сайёр қабул ўтказилади. 

Мазкур тадбир Ўзбекистон Республикаси Президентининг 2026 йил 1 апрелдаги ПФ–51-сонли “Аҳоли билан мулоқот тизимини самарали ташкил қилиш бўйича қўшимча чора-тадбирлар тўғрисида”ги Фармони ижросини таъминлаш ҳамда “Ёшлар куни” муносабати билан ташкил этилмоқда.
Тадбирда вилоятдаги олий таълим ва илмий ташкилотлар ҳузуридаги илмий даражалар берувчи илмий кенгашлар раҳбарияти, профессор-ўқитувчилар, мустақил изланувчилар, таянч докторантлар, докторантлар ҳамда илмий тадқиқотчилар иштирок этиши мумкин.
Очиқ мулоқот давомида олий малакали илмий ва илмий-педагог кадрлар тайёрлаш ва аттестация қилиш тизими, диссертация ҳимояси жараёнлари, илмий нашрлар, норматив-ҳуқуқий ҳужжатларни қўллаш амалиёти ҳамда тадқиқотчиларни қизиқтирган бошқа масалалар юзасидан мурожаатлар қабул қилиниб, тегишли тушунтиришлар берилади.

Барча хоҳловчиларни мазкур учрашувда фаол иштирок этишга таклиф этамиз.

ОАК Ахборот хизмати