Kudiyarova Ganipa Jumabaevnaning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan tarmog‘i nomi): «Qoraqalpog‘iston aholisi sog‘lig‘iga ekologik omillarning differensialangan ta’sirini baholash», 03.00.10 – Ekologiya (biologiya fanlari).
Dissertatsiya mavzusi ro‘yxatga olingan raqam: B2024.4.PhD/V1339.
Ilmiy rahbar: Jumamuratov Mirzamurat Ajimuratovich, biologiya fanlari doktori, professor.
Dissertatsiya bajarilgan muassasalar nomi: Qoraqalpoq tabiiy fanlar ilmiy-tadqiqot instituti.
IK faoliyat ko‘rsatayotgan muassasa nomi, IK raqami: Qoraqalpoq tabiiy fahlar ilmiy tadqiqot instituti,  DSc.05/2025.27.12.V.14.02.
Rasmiy opponentlar: Aimbetov Nagmet Kallievich, iqtisodiyot fanlari doktori, akademik; Otenova Farida Tolegenovna, biologiya fanlari nomzodi, dotsent;
Yetakchi tashkilot: Xorazm Ma’mun akademiyasi.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi: Qoraqalpog‘iston Respublikasi aholisining sog‘lig‘’iga ekologik omillarning differensiyalangan ta’sirini baholashdan iborat.
III. Tadqiqotning ilmiy yangiligi:
Qoraqalpog‘iston Respublikasi tumanlarining ekologik farovonlik va ijtimoiy qulaylik darajasini aks ettiruvchi muhim mezonlar va ko‘rsatkichlarni tanlash hamda ularni ekspert baholashdan iborat ekologik farovonlik darajasi baholangan;
Qoraqalpog‘iston Respublikasi aholisining nafas olish a’zolari, ovqat hazm qilish a’zolari, siydik-tanosil tizimi, endokrin tizimi, qon va xavfli o‘smalar bilan kasallanishining ifloslantiruvchi moddalar va atrof-muhit sifatining kritik darajasi bilan kuchli bog‘liqligi aniqlangan; 
mezonlar va ko‘rsatkichlar tizimi ishlab chiqilgan, shuningdek, o‘rganilayotgan hududlar aholisining funksional ko‘rsatkichlarini shakllantirishda ekologik va ijtimoiy omillarning miqdoriy hissasi aniqlangan.
ekologik omillarning aholi salomatligi ko‘rsatkichlariga ta’siri qonuniyatlari aniqlangan, axborot-tahliliy tizim ma’lumotlarini ishlab chiqish uchun aholi yashash sharoitlarining qulayligini baholash algoritmi ishlab chiqilgan.
IV. Tadqiqot natijalarining joriy qilinishi. Qoraqalpog‘iston aholisining sog‘lig‘iga ekologik omillarning differensialangan  ta’sirini baholash bo‘yicha olingan natijalar asosida:
aholi sog‘lig‘iga atrof-muhit omillarining differensialangan ta’sirini tahlil qilishning taklif etilgan usullari aholi kasallanishining oldini olish chora-tadbirlarini samarali rejalashtirishning ilmiy asoslarini tavsiyalar ishlab chiqish maqsadida Qoraqalpog‘iston Respublikasi Sog‘liqni saqlash vazirligi amaliy faoliyatiga joriy etilgan (Qoraqalpog‘iston Respublikasi Sog‘liqni saqlash vazirligining 2025 yil 25-noyabrdagi 01/9113-son ma’lumotnomasi).  Natijada, Qoraqalpog‘iston aholisi sog‘lig‘iga ekologik inqirozning salbiy ta’sirini kamaytirish strategiyasini tanlash va ekotizimlar ekomonitoringi kompleks dasturini ishlab chiqish imkonini bergan;
ekologik omillarning aholi sog‘lig‘i ko‘rsatkichlariga ta’siri qonuniyatlarini aniqlash bo‘yicha ishlab chiqilgan chora-tadbirlar Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vazirligi amaliyotiga joriy etilgan (Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vazirligining 2025 yil 09-iyuldagi 01/18-2-2256-son ma’lumotnomasi). Natijada, Qoraqalpog‘iston Respublikasining ekologik xavfsizligi va atrof-muhitni muhofaza qilish sohasidagi dasturlarni ishlab chiqish va chora-tadbirlarni amalga oshirish imkoniyati yaratilgan.