Nazirov Sardor Jamoliddin o‘g‘lining 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Ketma-ket bug‘doy va paxta etishtirishni ta’minlaydigan elektrotexnologiyaning rejim parametrlarini asoslash”, 05.05.07 – “Qishloq xo‘jaligida elektr texnologiyalar va elektr uskunalar” (texnika fanlari).
Dissertatsiya mavzusi ro‘yxatga olingan raqam: B2026.1.PhD/T6531.
Ilmiy rahbar: Muxammadiev Ashiraf, texnika fanlari doktori, professor.
Dissertatsiya bajarilgan muassasa nomi: “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti.
IK faoliyat ko‘rsatayotgan muassasa nomi, IK raqami: Qishloq xo‘jaligini mexanizatsiyalash ilmiy-tadqiqot instituti, DSc.08/2025.27.12.T.13.01 (Bir martalik Ilmiy kengash).
Rasmiy opponentlar: To‘xtamishev Botir Qo‘nishevich, texnika fanlari doktori, professor; Usmonov Inomjon Isroilovich texnika fanlari bo‘yicha falsafa doktori, dotsent.
Yetakchi tashkilot: “BMKB-Agromash” AJ.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi fermer xo‘jaliklari va agroklasterlarning moddiy manfaatdorligini oshirish uchun ketma-ket bug‘doy va paxta etishtirishni ta’minlaydigan elektrotexnologiyani ishlab chiqish hamda uning konstruktiv o‘lchamlarini va ish rejimlarini asoslashdan iborat.
III. Tadqiqotning ilmiy yangiligi:
ketma-ket bug‘doy va paxta etishtirishni ta’minlash uchun urug‘ga ekish oldidan va ekish bilan bir vaqtda, tuproq va o‘simlikga vegetatsiya davrida, qator oralarini yumshatish hamda o‘g‘itlash jarayonida bosqichli elektrotexnologik ishlov berishni amalga oshiradigan agroelektrotexnologiya ishlab chiqilgan;
urug‘lar, ular ekiladigan er maydonilari va o‘simliklarga UBN bilan ishlov berish texnologik jarayonini ifodalaydigan matematik modellar lampalarning quvvati, ishlov berish vaqti hamda ishlov beriladigan yuzasini hisobga olgan holda keltirib chiqarilgan;
bug‘doy urug‘i va chigitga ekish oldidan, o‘simlikka vegetatsiya davrida UBN bilan ishlov beradigan energetik qurilmalarning rejim parametrlari urug‘larning unuvchanlik energiyasi va unuvchanligini maksimumga intilishini ta’minlash shartidan aniqlangan;
ketma-ket bug‘doy va paxta etishtirishni ta’minlaydigan elektrotexnologiyaning rejim parametrlari uning energetik ish ko‘rsatkichlarini baholaydigan regressiya tenglamasini birgalikda echish orqali aniqlangan.
IV. Tadqiqot natijalarining joriy qilinishi. Ketma-ket bug‘doy va paxta etishtirishni ta’minlaydigan elektrotexnologiyaning rejim parametrlarini asoslash bo‘yicha olingan natijalar asosida:
ketma-ket bug‘doy va paxta etishtirishni ta’minlaydigan elektrotexnologiya Toshkent viloyatining Yuqorichirchiq tumanidagi “Umid” va “Dul-dur” fermer xo‘jaliklari dalalarida sinovlardan o‘tgan (Qishloq xo‘jaligida bilim va innovatsiyalar milliy markazining 2026-yil 05/04-04-135-sonli ma’lumotnomasi). Natijada, bug‘doy urug‘i va chigitga UBN hamda EFS bilan ishlov berib ekilganda, urug‘larning unib chiqishi 96-98 foizga teng bo‘lib, to‘liq va sog‘lom nihollar olishga erishilgan;
ketma-ket bug‘doy va paxta etishtirishni ta’minlaydigan agroelektrotexnologiya Toshkent viloyatining Yuqorichirchiq tumanidagi dala maydonlarida amaliyotga joriy etilgan (Qishloq xo‘jaligida bilim va innovatsiyalar milliy markazining 2026-yil 05/04-04-135-sonli ma’lumotnomasi). Natijada, amaldagi agrotexnologiyani qo‘llab etishtirilgan bug‘doy va paxtadan hosil 10-13 kun erta pishib etilgan va nazoratga nisbatan bug‘doy hosili 1,7 marta, paxtada 1,35 marta ko‘paygan.