Tursoatov Sodiq Xudoyor o‘g‘lining 
falsafa doktori (PhD) dissertatsiyasi himoyasi haqida e’lon

I.    Umumiy ma’lumotlar
Dissertatsiya mavzusi, ixtisoslik shifri (ilmiy daraja beriladigan fan tarmogʼi nomi): “O‘zbekiston respublikasining huquqiy siyosatida rag‘batlantirish tizimini takomillashtirish”, 12.00.01 – Davlat va huquq nazariyasi va tarixi. Huquqiy ta’limotlar tarixi (yuridik fanlar).
Dissertatsiya mavzusi ro‘yxatga olingan raqam: B2023.2.PhD/Yu1017
Ilmiy rahbar: Turgunov Murodjon Tursunbaevich, yuridik fanlar doktori, professor
Dissertatsiya bajarilgan muassasa nomi: O‘zbekiston Respublikasi Fanlar akademiyasi Davlat va huquq institut 
IK faoliyat ko‘rsatayotgan muassasa nomi, IK raqami: Inson huquqlari bo‘yicha O‘zbekiston Respublikasi Milliy markazi, DSc.26/2025.27.12.Yu/S.01.01
Rasmiy opponentlar: yuridik fanlar doktori, professor Xudoyberdiev Axror Qosimalievich, yuridik fanlar nomzodi, professor Utemurodov Maxmud Ajimuratovich. 
Yetakchi tashkilot: O‘zbekiston Respublikasi IIV Malaka oshirish instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi Respublikamiz davlat hokimiyatining rag‘batlantiruvchi huquqiy siyosatining nazariy asoslarini tahlil etish, bu sohadagi amaliyotni, faktik materiallarni, amaldagi qonunchilik tizimini o‘rganish hamda uning natijasida tegishli taklif hamda tavsiyalarni ishlab chiqishdan iborat.
III. Tadqiqotning ilmiy yangiligi:
davlatning huquqiy rag‘batlantirish siyosati jamiyat hayotining barcha jabhasini qamrab olishi, davlat fuqarolarning kasbiy tayyorgarligini va qayta tayyorlanishini tashkil etishi hamda rag‘batlantirishi asoslantirilgan;
O‘zbekistonning kelajagi yoshlar ekanligini nazarda tutib, davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishini ta’minlashi, ularning jamiyat va davlat hayotida faol ishtirok etishini rag‘batlantirishi asoslab berilgan.
O‘zbekiston jamiyati va davlatining taraqqiyotini, insonning iqtisodiy mustaqilligini ta’minlashda tadbirkorlik faoliyatining ahamiyati yuksakligi, tadbirkorlik faoliyatini har tomonlama rag‘batlantirish lozimligi asoslab berilgan;
Insonning toza atrof-muhitda yashash huquqini har tomonlama qo‘llab-quvvatlash, atrof-muhitni muhofaza qilish tadbirlarining samaradorligini oshirish maqsadida ekologik faoliyatni rag‘batlantirish lozimligi asoslangan.
IV. Tadqiqot natijalarining joriy qilinishi. “O‘zbekiston Respublikasining huquqiy siyosatida rag‘batlantirish tizimini takomillashtirish” mavzusidagi tadqiqot bo‘yicha olingan ilmiy natijalardan quyidagilarda foydalanilgan:
davlat fuqarolarning kasbiy tayyorgarligini va qayta tayyorlanishini tashkil etishi hamda rag‘batlantirishi to‘g‘risidagi taklifdan O‘zbekiston Respublikasining 2023 yil 1 maydagi O‘RQ-837-sonli “O‘zbekiston Respublikasi Konstitutsiyasi to‘g‘risida”gi Konstitutsiyaviy Qonunining 1-moddasiga asosan, yangi tahrirdagi O‘zbekiston Respublikasi Konstitutsiyasi 43-moddasining ikkinchi qismini ishlab chiqishda foydalanilgan (O‘zbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasining 2024 yil 5 martdagi 04/10-10-26-son dalolatnomasi);
davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishini ta’minlashi, ularning jamiyat va davlat hayotida faol ishtirok etishini rag‘batlantirishi to‘g‘risidagi taklifdan O‘zbekiston Respublikasining 2023 yil 1 maydagi O‘RQ-837-sonli “O‘zbekiston Respublikasi Konstitutsiyasi to‘g‘risida”gi Konstitutsiyaviy Qonunining 1-moddasiga asosan, yangi tahrirdagi O‘zbekiston Respublikasi Konstitutsiyasi 79-moddasining birinchi qismini ishlab chiqishda foydalanilgan (O‘zbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasining 2024 yil5 martdagi 04/10-10-26-son dalolatnomasi);
O‘zbekiston jamiyati va davlatining taraqqiyoti, inson iqtisodiy mustaqilligini ta’minlashda tadbirkorlik faoliyatining ahamiyati yuksakligi, tadbirkorlik faoliyatini har tomonlama rag‘batlantirish lozimligi to‘g‘risidagi taklifdan O‘zbekiston Respublikasining 2018 yil 11 apreldagi “Davlat mukofotlari to‘g‘risida”gi qonunning 7-moddasini “O‘zbekiston Respublikasida xizmat ko‘rsatgan tadbirkor” faxriy unvoni ta’sis etish to‘g‘risidagi 29-bandni kiritishda foydalanilgan (O‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari institutining 2025 yil 4 avgustdagi №3/08-113-sonli dalolatnomasi).
O‘zbekiston xalqi kelajagi, uning turmush sharoitlarini yaxshilash, insonning toza atrof-muhitda yashash huquqini har tomonlama qo‘llab-quvvatlash maqsadida ekologik faoliyatni rag‘batlantirish lozimligi to‘g‘risidagi taklifdan O‘zbekiston Respublikasining 2018 yil 11 apreldagi “Davlat mukofotlari to‘g‘risida”gi qonunning 7-moddasini  “O‘zbekiston Respublikasida xizmat ko‘rsatgan ekolog” faxriy unvoni ta’sis etish to‘g‘risidagi 34-bandni kiritishda foydalanilgan. (O‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari institutining 2025 yil 4 avgustdagi №3/08-113-sonli dalolatnomasi).