Ro‘zimov Izzatullo Ikromjon o‘g‘lining 
falsafa doktori (PhD) dissertatsiyasi himoyasi haqida e’lon 

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “O‘sh-Aravon er osti suv konining hozirgi holatini baholash va ulardan istiqbolda oqilona foydalanish asoslari”, 04.00.04 – Gidrogeologiya va muhandislik geologiyasi (geologiya-mineralogiya fanlari).
Dissertatsiya mavzusi ro‘yxatga olingan raqam: B2025.1.PhD/GM266.
Ilmiy rahbar: Mavlonov Aslon Akramovich, geologiya-mineralogiya fanlari doktori, katta ilmiy xodim.
Dissertatsiya bajarilgan muassasa nomi: “Gidrogeologiya va injenerlik geologiyasi instituti” Davlat muassasasi.
Ilmiy kengash (IK) faoliyat ko‘rsatayotgan muassasa nomi, IK raqami: “Gidrogeologiya va injenerlik geologiyasi instituti” Davlat muassasasi, DSc.31/2025.27.12.GM.05.01.
Rasmiy opponentlar: Ibragimov Aziz Sabirovich, geologiya-mineralogiya fanlari doktori, katta ilmiy xodim; Soliev Iqboljon Raxmonberdievich, geologiya-mineralogiya fanlari falsafa doktori (PhD).
Yetakchi tashkilot: Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: O‘sh-Aravon er osti suv konining hozirgi holatini baholash va ulardan istiqbolda oqilona foydalanish asoslarini ishlab chiqishdan iborat.
III. Tadqiqotning ilmiy yangiligi:
O‘sh-Aravon er osti suv konidagi ko‘p yillik ma’lumotlarning tahlili asosida er osti suv resurslarining hosil bo‘lishi va kamayishi holatlarini belgilovchi asosiy tabiiy va texnogen omillar ilmiy asoslangan;
raqamli texnologiyalarni qo‘llash orqali O‘sh-Aravon er osti suv konining gidrogeodinamik va gidrogeokimyoviy sharoitlarini o‘zgarishlari retrospektiv tahlil qilingan holda trend ko‘rsatkichlari aniqlangan;
global iqlim ilishi ta’sirida O‘sh-Aravon er osti suv konining katta qismida er osti suv sathining keskin pasayib borayotganligi statistik usullardan foydalangan holda ilmiy asoslangan;
O‘sh-Aravon er osti suv konining hozirgi holatini baholash imkonini beruvchi asosiy tabiiy va texnogen omillar hamda gidrogeodinamik va gidrogeokimyoviy ko‘rsatkichlar o‘zgarishini aks ettiruvchi raqamli xarita-sxemasi yaratilgan.
IV. Tadqiqot natijalarining joriy qilinishi. O‘sh-Aravon er osti suv konining hozirgi holatini baholash va ulardan istiqbolda oqilona foydalanish asoslari bo‘yicha erishilgan ilmiy natijalar asosida:
O‘sh-Aravon er osti suv koni resurslarining hosil bo‘lish va kamayish holatlarini belgilovchi asosiy tabiiy va texnogen omillar ilmiy asoslari Andijon gidrogeologiya stansiyasini amaliy-tadqiqotlariga joriy qilingan (O‘zbekiston Respublikasi Tog‘-kon sanoati va geologiya vazirligining 2026-yil 6-yanvardagi 08-25-son ma’lumotnomasi). Natijada, O‘sh-Aravon er osti suv konining zamonaviy holatini baholash va er osti suvlarini kamayishi hamda ulardan samarasiz foydalanishni bartaraf etishda tegishli xulosalar chiqarish imkonini bergan;
O‘sh-Aravon er osti suv koni bo‘yicha aniqlangan gidrogeodinamik va gidrogeokimyoviy sharoitlari o‘zgarishining retrospektiv tahlili hamda trend ko‘rsatkichi Andijon gidrogeologiya stansiyasini amaliy-tadqiqotlariga joriy qilingan (O‘zbekiston Respublikasi Tog‘-kon sanoati va geologiya vazirligining 2026-yil 6-yanvardagi 08-25-son ma’lumotnomasi). Natijada, er osti suvlari monitoringini yuritishdagi gidrogeodinamik va gidrogeokimyoviy ko‘rsatkichlar o‘zgarishining asosiy sabablarini aniqlashga imkon yaratgan;
global iqlim ilishi ta’sirida O‘sh-Aravon er osti suv konining katta qismida sathning keskin pasayib borayotganligi bo‘yicha ilmiy asos Andijon gidrogeologiya stansiyasini amaliy-tadqiqotlariga joriy qilingan (O‘zbekiston Respublikasi Tog‘-kon sanoati va geologiya vazirligining 2026-yil 6-yanvardagi 08-25-son ma’lumotnomasi). Natijada, ushbu hududlarda er osti suvlari sathi o‘zgarishining asosiy sabablaridan biri iqlimiy omil sifatida belgilash va oqibatlarini yumshatish bo‘yicha chora-tadbirlar ishlab chiqishga asos bo‘lib xizmat qilgan;
O‘sh-Aravon er osti suv konining hozirgi shart-sharoitlarini tavsiflovchi asosiy omil va ko‘rsatkichlar o‘zgarishini baholash imkonini beradigan raqamli gidrogeologik xarita Andijon gidrogeologiya stansiyasini amaliy-tadqiqotlariga joriy qilingan (O‘zbekiston Respublikasi Tog‘-kon sanoati va geologiya vazirligining 2026-yil 6-yanvardagi 08-25-son ma’lumotnomasi). Natijada, er osti suv resurslarini kamayish, ifloslanish va ularni samarali boshqarish hamda optimal monitoring tizimini yuritish maqsadida amalga oshirish uchun gidrogeologik amaliy-tadqiqotlarni loyihalashga imkon yaratgan.