Худойқулов Шоҳруҳ Ўктам ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Алюминий қотишмаларининг механик хоссаларини оширишда тантал оксидларини қўллаш технологиясини ишлаб чиқиш”, 05.02.01 – “Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси” ихтисослиги.
Диссертация мавзуси рўйхатга олинган рақам: Б2025.4.PhD/Т3107.
Диссертация бажарилган муассаса номи: Тошкент давлат техника университети
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/2025.27.12.Т.02.04 рақамли Илмий Кенгаш.
Илмий раҳбар: Ташбулатов Шерзод Бахтиярович, техника фанлари доктори (DSc), доцент.
Расмий оппонентлар: Зиямухамедова Умида Алижоновна, техника фанлари доктори, профессор; Эрматов Зиядулла Досматович, техника фанлари доктори, профессор;
Етакчи ташкилот: Фарғона давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Алюминий ва тантал оксидлари устида тадқиқотлар ўтқазиб олинган натижалар асосида қотишмаларининг механик хоссаларини оширишда тантал оксидларини қўллаш технологиясини ишлаб чиқишдан иборат.
 III. Тадқиқотнинг илмий янгилиги: Алюминий қотишмасининг ейилишга бардошлилиги ошириш технологияси  юза қатламида тантал оксидининг юзага нисбатан перпендикуляр ўсишини таъминлаш асосида ишлаб чиқилган;
алюминий қотишмаларини олинадиган қуйма маҳсулотларнинг қаттиқлиги ошириш технологияси тантал оксидининг алюминий билан таъсирлашиши асосида ишлаб чиқилган;
алюминий қотишмасини зарбий қовушқоқлигини таъминлайдиган технологияси қуйма маҳсулотлар олишда қолип ичига тантал оксидини киритиш асосида ишлаб чиқилган;
алюминий қотишмасини суюқлантириш технологияси танталнинг кислород билан таъсирланиши оқибатида тантал оксидининг алюминийга қўшиш  миқдорига боғлиқлик графиги асосида ишлаб чиқилган;
алюминий юзасида тантал оксиди қопламасини ҳосил қилиш технологияси алюминий ва танталнинг физик-кимёвий мувофиқлигига асосланиб ишлаб чиқилган.
IV.Тадқиқот натижаларининг жорий қилиниши.
алюминий қотишмаларининг механик хоссаларини оширишда тантал оксидларини қўллаш технологиясини ишлаб чиқиш бўйича олинган илмий натижалар асосида:
алюминий қотишмасининг юза қатламида тантал оксидининг юзага нисбатан перпендикуляр ўсишини таъминлайдиган технологияси “Қуюв механика заводи” АЖ га жорий қилинган (“Ўзбекистон темир йўллари” АЖнинг 2025 йил 14 ноябрдаги 01/4529-25-сон маълумотномаси). Жорий қилиш натижасида алюминий қотишмасининг ейилишга бардошлилиги 16–18% га ошган;
алюминий  қотишмаларини  ковшга  қуйиш  жараёнида  тантал  оксиди  билан  ишлов бериш технологияси “Қуюв механика заводи” АЖ га жорий қилинган (“Ўзбекистон темир йўллари” АЖнинг 2025 йил 14 ноябрдаги 01/4529-25-сон маълумотномаси). Жорий қилиш натижасида  алюминий қотишмасидан олинадиган қуйма маҳсулотларнинг қаттиқлиги 10–12% га ошган;
алюминий қотишмасидан қуйма маҳсулотлар олишда қолип ичига тантал оксидини киритиш  технологияси “Қуюв механика заводи” АЖ га жорий қилинган (“Ўзбекистон темир йўллари” АЖнинг 2025 йил 14 ноябрдаги 01/4529-25-сон маълумотномаси). Жорий қилиш натижасида  олинаётган  қуйма  маҳсулотнинг  зарбий қовушқоқлиги 6–8% га ошган.