Джумабаева Зулфизархон Зокирхон қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қишлоқ локал сув таъминотида ичимлик сувларни зарарсизлантиришнинг электротехнологияси”, 05.05.07 – “Қишлоқ хўжалигида электр технологиялар ва электр ускуналар” ихтисослиги (техника фанлари бўйича).
Диссертация мавзуси рўйхатга олинган рақам: Б2026.1.PhD/Т5691
Илмий раҳбар: Бердишев Абдурахим Сулейманович, техника фанлари доктори, профессор.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети.
ИК фаолият кўрсатаётган муассаса номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети, DSc.03/30.12.2019.Т.10.01
Расмий оппонентлар: Қодиров Дилшод Ботирович, техника фанлари доктори, профессор; Юсупов Дилмурод, PhD, доцент.
Етакчи ташкилот: Андижон давлат техника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ерости ичимлик сувини зарарсизлантириш самарадорлигини оширишда ултрабинафша ва ултратовушли комбинациялашган электротехнологияни ишлаб чиқиш.
III. Тадқиқотнинг илмий янгилиги:
ерости ичимлик сувига ултрабинафша ва ултратовуш билан ишлов бериб, Э.cоли ва умумий микроблар сонини талаб даражасида камайтириш орқали зарарсизлантириш самарадорлигини оширувчи комбинациялашган электротехнология ишлаб чиқилган; 
ерости ичимлик сувидаги Э.cоли ва умумий микроблар сонини камайтиришда комбинацийлашган электротехнологик жараённинг режимлари аниқланган ва оптимал параметрларни аниқлашнинг кўп омилли усули ва алгоритми ишлаб чиқилган;
комбинациялашган электротехнология асосида ичимлик суви зарарсизлантирилганида сув таркибидаги Э.cоли бактериаси ҳамда умумий микроблар сони ва таъсири даражасини баҳолаш услубияти ишлаб чиқилган;
ичимлик сувини заррасизлантириш жараёнида сувнинг Э.cоли ва умумий микроблар сонини камайтириш учун ултрабинафша ва ултратовуш комбинациялашган ишлов бериш қурилмасининг параметрлари ва сувни зарарсизлантириш вақти орасидаги боғлиқликлар ҳамда ичимлик сувини заррасизлантириш технологик жараёнининг унумдорлиги, энергия ва иқтисодий самарадорлиги аниқланган.
IV.Тадқиқот натижаларининг жорий қилиниши. Ичимлик сувини зарарсизлантиришнинг энергия самарадор электротехнологияси бўйича олинган натижалар асосида: 
ичимлик сувни комбинацияллашган ултрабинафша ва ултратовуш таъсирида ишлов бериб, сувни зарарсизлантириш технологияси “Тошкент сув таъминоти Нурафшон филиали”га қарашли “Қорақўйли 1” локал ичимлик сув таъминоти тизимида жорий этилган (Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг 2025-йил 16-сентябрдаги 03-03/1-03/3-9274-сонли маълумотномаси). Натижада Ичимлик суви сифатига қўйиладиган ЎзМст 133-2024 “Ичимлик сувининг гигиеник талаби ва сифатини назорат қилиш” талаби даражасида сувни самарали зарарсизлантириш имкони яратилган. 
“Тошкент сув таъминоти Нурафшон филиали”га қарашли “Қорақўйли 1” локал ичимлик сув таъминоти тизимида жорий этилган ичимлик сувни комбинацияллашган ултрабинафша ва ултратовуш таъсирида ишлов бериб, сувни зарарсизлантириш технологияси натижасида локал сув таъминоти тизимидан олинаётган 1м3 ичимлик сувини зарарсизлантиришда 3746 сўмгача маблағни тежаш учун шароит яратилган.