Самиев Алишер Аллаёр ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Зирабулоқ-Зиёвуддин ҳудудидаги бўр ва палеоген чегара ётқизиқлари ва иккитавақали моллюскалар бўйича уларнинг чегараларини асослаш”, 04.00.05 – Палеонтология ва стратиграфия (геология-минералогия фанлари).
Диссертация мавзуси рўйхатга олинган рақам: Б2025.1.PhD/GM269.
Илмий раҳбар: Хусанов Султонбой Тўхтаевич, геология-минералогия фанлари доктори.
Диссертация бажарилган муассаса номи:  Ўзбекистон Миллий университети. 
ИК фаолият кўрсатаётган муассаса номи, ИК рақами: Нефт ва газ конлари геологияси ҳамда қидируви институти, DSc.31/2025.27.12.GM.03.01. 
Расмий оппонентлар: Евсеева Галина Борисовна, геология-минералогия фанлари доктори; Шарафутдинова Лейла Полатовна, геология-минералогия фанлари бўйича фалсафа доктори (PhD), доцент.
Етакчи ташкилот номи: “Минерал ресурслар институти” ДМ.
Диссертация йўналиши: илмий ва амалий аҳамиятга молик.
II. Тадқиқотнинг мақсади: иккитавақали моллюска ва бошқа фауналарни аниқлаш асосида геологик-тасвирлаш ва башоратлаш-қидириш ишларида илмий асос бўлиб хизмат қилувчи Зирабулоқ-Зиёвиддин ҳудуди бўр ва палеоген ётқизиқларининг янгиланган минтақавий стратиграфик схемасини тузишдан иборат.
III. Тадқиқотнинг илмий янгилиги:
илк бор Зирабулоқ-Зиёвуддин ҳудудида, сайёра миқёсидаги катастрофик ҳодисалар туфайли юзага келган, чўкинди тўпланишида қисқа муддатли танаффусга мос келувчи бўр ва палеоген ётқизиқларининг чегараси биостратиграфик аниқланган;
ўрганилаётган ҳудуднинг бўр ва палеоген чегарасидаги биотик ҳодисалар, сайёрада 66-65 миллион йил аввал юз берган глобал абиотик ҳодисалар билан алоқадорлиги аниқланган;  
илк бор бўр ва палеоген чегарасидаги чўкинди қатламларда радиоактив ва бошқа кимёвий элементларнинг миқдори юқори бўлган, органик моддалар билан бойиган сатҳлар аниқланган;
янги авлод геологик хариталари учун легенда яратиш мақсадида Зирабулоқ-Зиёвуддин ҳудудининг юқори бўр (santon-maastrixt) ва палеоцен ётқизиқларининг янгиланган стратиграфик схемаси ишлаб чиқилган;
Зирабулоқ-Зиёвуддин кесмаларининг бўр ва палеоген ётқизиқларини чегарасида топилган ва  бу чегара оралиғидаги биоценозларнинг таксономик таркибини батафсил ўрганиш имконини берувчи 12 та авлодга тегишли 14 та турга мансуб иккитавақали моллюскалар монографик таърифланган ва аниқланган. 
IV. Тадқиқот натижаларининг жорий қилинганлиги. Зирабулоқ-Зиёвуддин ҳудудидаги бўр ва палеоген даврларига оид чегара ётқизиқларининг биостратигра-фик ва фациал хусусиятларини аниқлаш бўйича эришилган илмий натижалар асосида: 
бўр ва палеоген чегарадош ётқизиқларининг янгиланган стратиграфик ишлаб чиқилган схемаси “Ўзбек геология қидирув” АЖ да жорий қилинган (Ўзбекистон Республикаси тоғ-кон саноати ва геология вазирлигининг 2025 йил 17 ноябрдаги 08-4332-сон маълумотномаси). Натижада, схемадан йирик миқёсли геологик-тасвирлаш ва қидирув ишларини амалга оширишда, ўрганилаётган ҳудуднинг юқори бўр ва эрта палеоген давридаги геологик ривожланиш тарихини ишончли талқин қилиш имконини берган; 
биоценозларнинг замон ва маконда ўзгариши кўринишидаги экотизим модели, “Ўзбек геология қидирув” АЖ да жорий қилинган (Ўзбекистон Респу-бликаси тоғ-кон саноати ва геология вазирлигининг 2025-йил 17-ноябрдаги 08-4332-сон маълумотномаси). Натижада, чегаравий бўр/палеоген давр оралиғида седиментацион ҳавзанинг геологик ривожланиш ҳолатини тушунтириш учун асос сифатида қўллаш имконини берган; 
аниқланган биостратиграфик ва фациал ўзгаришлар асосида бўр ва палеоген системалари орасидаги чегарани аниқ белгиловчи абиотик ва биотик ҳодисалар аниқланган бўлиб, “Ўзбек геология қидирув” АЖ да жорий қилинган (Ўзбекистон Республикаси тоғ-кон саноати ва геология вазирлигининг 2025 йил 17-ноябрдаги 08-4332-сонли маълумотномаси). Натижада, бўр/палеоген чегара ётқизиқларидаги свиталарни батафсил ажратиш ва уларнинг чегараларини аниқ қиёслаш имконини берган.