Жураев Фарход Ниёзовичнинг фалсафа доктори (PhD) диссертацияси ҳимояси ҳақида эълон

I. Умумий маълумотлар. “Термодинамика ва иссиқлик техникаси фанини ўқитиш методикасини  ностандарт топшириқлар асосида такомиллаштириш (Техника олий таълим муассасалари мисолида)”, 13.00.02 – Таълим ва тарбия назарияси ва методикаси (техника фанлари).  
Диссертация мавзуси рўйхатга олинган рақам: № В2026.1.PhD/Ped7041.
Илмий раҳбарнинг Ф.И.Ш., илмий даражаси ва унвони: Рустамов Ҳаким Шарипович педагогика фанлари фалсафа доктори (PhD), доцент
Диссертация бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса (муассасалар) номи, ИК рақами: Навоий давлат кончилик ва технологиялар университети, DSc.31/2025.27.12.Т.01.03
Расмий оппонентларнинг Ф.И.Ш., илмий даражаси ва унвони: Навоий давлат университети профессори, педагогика фанлари доктори, профессор Ахмедов Ахат Ахрорович ва Ўзбекистон Республикаси ИИВ Навоий академик лицейи директори, педагогика фанлари фалсафа доктори (PhD), доцент  Ахмедов Ёдгорбек Олимжонович.
Етакчи ташкилот номи: Қарши давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Техника олий ўқув юртларида “Термодинамика ва иссиқлик техникаси” фанини ўқитиш методикасини ностандарт топшириқлар асосида такомиллаштиришдан иборат. 
III. Тадқиқотнинг илмий янгилиги:
техника олий таълим муассасаларида бўлажак муҳандисларни тайёрлашда ностандарт ёндашувнинг ўрни ва аҳамияти маҳаллий ҳамда хорижий тажрибалар таҳлили асосида талабаларнинг креативлик имкониятларини ҳисобга олиш орқали аниқлаштирилган;
бўлажак муҳандисларни тайёрлашда “Термодинамика ва иссиқлик техникаси” фанини ўқитиш модели умумкасбий ва ихтисослик фанлари орасида уйғунликни таъминлаш орқали назарий, амалий ва лаборатория машғулотларида ностандарт ёндашувлар асосида такомиллаштирилган;
бўлажак муҳандисларни тайёрлашда “Термодинамика ва иссиқлик техникаси” фанидан назарий, амалий ва лаборатория машғулотларида ностандарт масалалар ва топшириқлар тизимидан иборат методик таъминот дидактик талаблар асосида ишлаб чиқилган;
бўлажак муҳандисларни тайёрлашда ностандарт ёндашувга асосланган педагогик моделнинг самарадорлиги тажриба-синов натижалари асосида креатив, қисман изланишли, продуктив ва репродуктив  баҳолаш мезонлари орқали асосланган. 
IV. Тадқиқот натижаларининг жорий қилиниши. Техника олий таълим муассасаси талабаларини касбий фаолиятга тайёрлаш ва “Термодинамика ва иссиқлик техникаси” фанини ўқитиш методикасини ностандарт топшириқлар ва масалалар орқали такомиллаштириш бўйича олиб борилган тадқиқот доирасида ишлаб чиқилган методик ва амалий таклифлар ҳамда илмий натижалар асосида: 
техника олий таълим муассасаларида бўлажак муҳандисларни тайёрлашда ностандарт ёндашувнинг ўрни ва аҳамияти маҳаллий ҳамда хорижий тажрибалар таҳлили асосида талабаларнинг креативлик имкониятларини ҳисобга олиш орқали аниқлаштириш бўйича хулосалар “Термодинамика ва иссиқлик техникаси фанидан масалалар тўплами” номли ўқув қўлланма мазмунига сингдирилди (Ўзбекистон Республикаси Олий таълим, фан ва инновациялар вазирлигининг 2023-йил 25-августдаги №162098, 391-сонли буйруғи). Қўлланма ўқув жараёнига тадбиқ этилган, бунинг натижасида талабаларни касбий фаолиятга тайёрлашда умумкасбий фанларни ўқитиш самарадорлигини оширишга хизмат қилган; 
бўлажак муҳандисларни тайёрлашда “Термодинамика ва иссиқлик техникаси” фанини ўқитишда умумкасбий ва ихтисослик фанлари орасида уйғунликни таъминлаш орқали назарий, амалий ва лаборатория машғулотларида ностандарт ёндашувлар асосида такомиллаштирилган модели асосидаги таклифлар “Термодинамика ва иссиқлик техникаси” номли дарслик мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2024-йил 4-мартдаги № 536209, 55-сонли буйруғи). Натижада олий таълим муассасаларида “Термодинамика ва иссиқлик техникаси” фанини ўқитиш жараёнининг ўқув-услубий таъминотини такомиллаштириш орқали талабаларни самарали касбий фаолиятга тайёрлашга эришилган; 
бўлажак муҳандисларни тайёрлашда “Термодинамика ва иссиқлик техникаси” фанидан дидактик талаблар асосида ишлаб чиқилган назарий, амалий ва лаборатория машғулотларида ностандарт масалалар ва топшириқлар тизимини ўз ичига олувчи методик таъминот “Иссиқлик техникаси фанидан тажриба ишлар тўплами” номли ўқув қўлланма мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2025-йил 21-августдаги № 468413, 316-сонли буйруғи). Натижада кон-металлургия саноати ва ишлаб чиқаришда иссиқлик куч қурилмалари ва техник тизимлар, бошқарув  тизими мутахассислари когнитив-компетентлигини касбий йўналтирилган ностандарт топшириқлар орқали ривожлантириш имкониятлари кенгайтирилган.
 Тадқиқот натижаларининг жорий этилиши бўйича кўрсатилган дарслик ва ўқув қўлланмалар Ўзбекистон республикаси Олий таълим, фан ва инновациялар вазирлигининг 2025-йил 27-февралдаги 02/01-01-80- сон маълумотномаси билан тасдиқланган.