Мустапақулов Содиқ Унгибоевичнинг фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи):  Техник механика фанини ўқитишда талабаларнинг технологик компетентлигини ривожлантириш методикасини такомиллаштириш (техника олий таълим муассасалари мисолида). 
Диссертация мавзуси рўйхатга олинган рақам: B2025.4.PhD/Ped11444.
Илмий раҳбарнинг Ф.И.Ш., илмий даражаси ва унвони: Махсудов Пулатжон Махсудович, педагогика фанлари доктори, доцент.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса номи, ИК рақами: Наманган давлат техника университети, PhD.03/2025.27.12.Т.15.06.
Расмий оппонентларнинг Ф.И.Ш., илмий даражаси ва унвони:
Бахритдинов Сайфиддин Шамсиддинович, техника фанлари номзоди, доцент, Бутаев Тухтасин, педагогика фанлари доктори, профессор.
Етакчи ташкилот номи:  Фарғона давлат техника университети.  
Диссертация йўналиши: назарий ва амалий аҳамиятга молик.
II.Тадқиқотнинг мақсади техник механика фанини ўқитишда талабаларнинг технологик компетентлигини ривожлантириш методикасини такомиллаштиришдан иборат.
III.Диссертация тадқиқотининг илмий янгилиги қуйидагилардан иборат:
техника олий таълим муассасаларида бўлажак муҳандисларга техник механика фанини ўқитиш жараёнида технологик комптентлигини ривожлантиришнинг дидактик таъминоти мазмуни тизимли, фаолиятли, компетентли ёндашувлар ҳамда педагогик-психологик, ташкилий-педагогик, предметли-дидактик шарт-шароитларини таъминлаш ҳамда ишлаб чиқариш билан стратегик ҳамкорликка устуворлик бериш асосида ривожлартирилган;
техника олий таълим муассасаларида бўлажак муҳандисларга техник механика фанини ўқитишни такомиллаштириш жараёнида технологик компетентлигини ривожлантиришнинг консептуал методик тизим моделига асосланган методик модели мақсад, мазмун, технологик-жараёнли, баҳоловчи-натижавий компонентлар узвийлигида ақлий фаолият элементларининг ўзаро таъсири, кашфиётчиликни қўллаб-қувватлаш ҳамда дивергент фикрлаш усулларини тизимли-таркибий аспектлари асосида ишлаб чиқилган;
бўлажак муҳандисларга техник механика фанини ўқитиш асосида технологик компетентлигини ривожлантириш методикаси ишлаб чиқариш амалиёти жараёнида талабаларда касбий фаолияти қобилиятини шакллантиришнинг эрудицион омили ва талабалар билан индивидуал ишлашга имкон берадиган мустақил ҳаракатланиш кўникмаларини “инсон-техника”, “инсон-белги”, “инсон-табиат” асосида интеграллашган тизимни таркиблаштиришга ўргатиш асосида такомиллаштирилган;
техника олий таълим муассасаларига техник механика фанини ўқитишда талабаларнинг технологик компетентлигини ривожланганлик даражаларини баҳолашнинг мотивацион, когнитив, фаолиятли, рефлексив мезонлари соҳага доир муаммолар, уларнинг ечимига қаратилган “Лонгитюд” ва инновацион (“Пиктограмма”, “Ассисмент”, “Муаммоли вазият яратиш”) таълим методларидан самарали фойдаланиш асосида умумлаштирилган.
IV.Тадқиқот натижаларининг жорий қилиниши. 
 Техник механика фанини ўқитишда талабаларнинг технологик компетентлигини ривожлантириш методикасини такомиллаштириш бўйича ўтказилган тадқиқот натижалари асосида:
техника олий таълим муассасаларида бўлажак муҳандисларга техник механика фанини ўқитиш жараёнида технологик комптентлигини ривожлантиришнинг дидактик таъминоти мазмуни тизимли, фаолиятли, компетентли ёндашувлар ҳамда педагогик-психологик, ташкилий-педагогик, предметли-дидактик шарт-шароитларини таъминлаш ҳамда ишлаб чиқариш билан стратегик ҳамкорликка устуворлик бериш асосида такомиллаштиришга доир таклифлар “Амалий механика” номли дарслик мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2025 йил 21 августдаги 316-сонли буйруғи). Натижада, мазкур таъминланган педагогик шарт-шароитлар талабаларнинг техологик компетентлигини ривожлантиришга хизмат қилган;
техника олий таълим муассасаларида бўлажак муҳандисларга техник механика фанини ўқитишни такомиллаштириш жараёнида технологик компетентлигини ривожлантиришнинг консептуал методик тизим моделига асосланган методик модели мақсад, мазмун, технологик-жараёнли, баҳоловчи-натижавий компонентлар узвийлигида ақлий фаолият элементларининг ўзаро таъсири, кашфиётчиликни қўллаб-қувватлаш ҳамда дивергент фикрлаш усулларини тизимли-таркибий аспектлари асосида такомиллаштиришга доир таклифлар “Техник механика” номли ўқув қўлланма мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2023 йил 17 июлдаги 314-сонли буйруғи). Натижада, ишлаб чиқилган модел талабаларнинг технологик компетентлигини ривожлантиришга хизмат қилган;
бўлажак муҳандисларга техник механика фанини ўқитиш асосида технологик компетентлигини ривожлантириш методикасини такомиллаштириш, талабаларнинг технологик компетентлигини ривожланганлик даражаларини баҳолашнинг мотивацион, когнитив, фаолиятли, рефлексив мезонларини такомиллаштиришга доир таклифлар “Материаллар қаршилиги” номли ўқув қўлланма мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2025 йил 9 июлдаги 258-сонли буйруғи). Натижада такомиллаштирилган методика ва баҳолаш мезонлари “Техник механика” фаинини ўқитиш сифатини ва педагогик тажриба-синов ишларининг самарадорлигини ошишига хизмат қилган. 
Тадқиқотимиз натижасида барча педагогик тажриба-синов майдончалари сифатида танлаб олинган ОТМларда тажриба-синов ишлари ниҳоясида тажриба гуруҳидаги
талабаларнинг ўзлаштириш кўрсаткичи назорат гуруҳига нисбатан 13% юқори кўрсаткичга эга бўлди