Ахмаджанов Иброхим Акром ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Маҳаллий ва иккиламчи хом-ашёлар асосида литий сақлаган бирикмалар олиш технологиясини ишлаб чиқиш», 11.00.05 – Атроф-муҳитни муҳофаза қилиш ва табиий ресурслардан оқилона фойдаланиш (кимё фанлари).
Диссертация мавзуси рўйхатга олинган рақам: B2026.1.PhD/К1177.
Илмий раҳбар: Бердиев Санжар Алланазарович, техника фанлари доктори, ката илмий ходим.
Диссертация бажарилган муассасалар номи: Тошкент кимё-технология илмий тадқиқот институти.
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.30/2025.27.12.К/Т.01.01.
Расмий оппонентлар: Мухамедов Қобилжон Гафурович, техника фанлари доктори, профессор; Ҳакимов Фаррух Шокиржонович, техника фанлари бўйича фалсафа доктори (PhD).
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: атроф-муҳит учун зарарли бўлган ишдан чиққан литий-ион аккумуляторларини қайта ишлаш ҳамда улар асосида литий сақлаган бирикмалар олиш технологиясини ишлаб чиқишдан иборат. 
III. Тадқиқотнинг илмий янгилиги:
атроф-муҳит учун зарарли бўлган ишдан чиққан литий-ион аккумуляторлар оксалат кислота ва унинг ҳосилалари ёрдамида  қайта ишланганда литий 91% унум билан, кобалт, никел, марганец ва бошқа металлар 99% дан юқори унум билан бир босқичда чўктириш усули ёрдамида ажратиб олинган ва жараённинг оптимал шароитлари аниқланган;
литий карбонат ва пахта ёғ-мой заводи қолдиқ маҳсулоти асосида сурков мойлари учун литийли қуюлтиргичлар (литийли совун) олинган ҳамда унинг физик-механик, термик барқарорлик ва эксплуатацион хоссалари аниқланган;
литий карбонат ва поливинилспирт асосида элементорганик сорбент олиш усули ишлаб чиқилган ва олинган сорбентнинг шўр сув таркибидаги литий (Ли+) концентрациясини 350,44 мг/л дан 149,7 мг/л гача камайтириши ҳамда сиғими - 8,2 гр/л ни ташкил этиши аниқланган;
ишдан чиққан литий-ион аккумуляторларини қайта ишлаб таркибидаги қимматбаҳо металларни ажратиб олиш ҳамда литий карбонат асосида литий сақлаган маҳсулотлар олишнинг иқтисодий ва экологик самарадор технологиялари ишлаб чиқилган.
IV. Тадқиқот натижаларининг жорий қилиниши. Ишдан чиққан литий-ион аккумуляторларни қайта ишлаш технологиясини ишлаб чиқишни тадқиқ қилишдан олинган илмий натижалар асосида:
ишдан чиққан литий-ион аккумуляторларни органик реагентлар билан қайта ишлаб зарарсизлантириш технологияси “Ўзиккиламчиранглиметалл” хорижий инвестициялар ишторокидаги акциядорлик жамияти корхонасида амалиётга жорий қилинган (“Ўзиккиламчиранглиметалл” акциядорлик жамиятининг 2024 йил 23 июлдаги 877-01/07-сон маълумотномаси)). Натижада, кобалт, никел, марганец ва мис каби оғир металларни 99% дан юқори унум билан чўктириб тозалаш орқали литий-ион аккумуляторларнинг атроф-муҳитга салбий таъсирини камайтириш имконини берган;
ишдан чиққан литий-ион аккумуляторларни қайта ишлаб қимматбаҳо металларни ажратиб олиш технологияси “Ўзиккиламчиранглиметалл” хорижий инвестициялар ишторокидаги акциядорлик жамияти корхонасида амалиётга жорий қилинган (“Ўзиккиламчиранглиметалл” акциядорлик жамиятининг 2024-йил 23-июлдаги 877-01/07-сон маълумотномаси). Натижада, ишдан чиққан литий-ион аккумуляторлари таркибидан 97% тозаликдаги  литий карбонатини 91% унум билан ажратиб олиш имконини берган.