Сайфуллаев Сайёр Солих ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пахта момиғини ҳаво оқимидан ажратиш технологиясини такомиллаштириш” мавзусида 05.06.02–“Тўқимачилик материаллари технологияси ва хомашёга дастлабки ишлов бериш”  ихтисослиги бўйича, техника фанлари. 
Диссертация мавзуси рўйхатга олинган рақам: В2025.3.PhD/Т1660
Илмий раҳбар: Хакимов Шерқул Шерғозиевич, техника фанлари доктори профессор.
Диссертация бажарилган муассаса номи: Бухоро давлат техника университети.
Илмий кенгаш фаолият кўрсатаётган муассаса номи, Илмий кенгаш рақами: Бухоро давлат техника университети ҳузуридаги илмий даражалар берувчи PhD.03/2025.27.12.Т.16.03 рақамли Илмий кенгаш.
Расмий оппонентлар: техника фанлари доктори, профессор Баҳодиров Ғайрат Атахонович); техника фанлари бўйича фалсафа доктори (PhD), Орипов Жасурбек Икромжон ўғли.
Етакчи ташкилот: Жиззах политехника институти
Диссертация йўналиши: назарий ва амалий аҳамиятга молик.
II.Тадқиқотнинг мақсади пахтани дастлабки ишлаш технологиясидаги линтерлаш жараёнидан кейин, момиқ хомашёсини ҳаводан ажратишнинг ресуртежамкор, такомиллашган самарали технологиясини яратишдан иборат.
III. Тадқиқотнинг илмий янгилиги: 
тўрли барабаннинг ички қисмида момиқ тола чиқиндиларини камайтириш мақсадида ҳаво босими сарфини ростловчи рационал жойлашув бурчаги 450 бўлган такомиллашган конструксиясиядаги жалюза ишлаб чиқилган; 
момиқ толаларнинг тўрли барабан сиртидаги ҳаракат қонуниятлари ишлаб чиқилган ва барабаннинг айланиш тезлиги 14 айл/мин бўлганда момиқни ҳаводан ажратиш жараёни самарали бўлиши асосланган; 
конденсорда пахта момигʻини ҳаводан ажратувчи тўрли юза тешиги диаметрининг мақбул қиймати 1.3 мм эканлиги математик моделлаштириш усули ёрдамида аниқланган ва момиқ ёʻқотилиши 2-3% га камайиши асослаб берилган;
ишлаб чиқарилган момиқнинг табиий хусусиятларини сақлаб қолиш учун конденсорнинг такомиллаштирилган конструкцияси таклиф этилган ва момиқ тола бўйича иш унумдорлиги 15-20% ошишига эришилган. 
IV. Тадқиқот натижаларининг жорий қилиниши. Пахта тозалаш корхонасида момиқни ҳаводан ажратиш технологияси параметрлари ва иш режимларини асослаш бўйича олинган натижалар асосида:
пахта момиғини ҳаводан  ажратиш конденсорининг такомиллашган қурилмаси  “Ўзпахтасаноат” АЖ тизимидаги корхоналарида, хусусан “Когон пахта тозалаш” АЖ ҳамда “Шофиркон пахта тозалаш” АЖ корхоналарида жорий қилинган, (“Ўзтўқимачиликсаноат” уюшмасининг 2024 йил 13-сентябрдаги №03/25-2484 сонли маълумотномаси). Натижада, момиқ толаларни ҳаводан ажратишда 2 мартагача ҳаво сарфини камайтириш натижасида электроенергия сарфи 15% га камайишига эришилган.