Эргашев Мирсаид Бахтиёр ўғлининг фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Инглиз ва ўзбек тилларида муҳаббат изҳорининг консептуал ва прагматик мазмуни”, 10.00.06 – Қиёсий адабиётшунослик, чоғиштирма тилшунослик ва таржимашунослик.
Диссертация мавзуси роʻйхатга олинган рақам: В2024.3.PhD/Fil5165
Илмий раҳбар: Мирсанов Ғайбулло Қулмуродович, филология фанлари доктори, профессор. 
Диссертация бажарилган муассаса номи: Самарқанд давлат чет тиллар институти.
ИК фаолият коʻрсатаётган муассаса номи, ИК рақами: Самарқанд давлат чет тиллар институти, PhD.03/2025.27.12.Fil.37.02 
Расмий оппонентлар: Хайруллаев Хуршид Зайниевич, филология фанлари доктори, профессор; Тешабаева Дилфуза Мўминовна, филология фанлари доктори, профессор.
Етакчи ташкилот: Жиззах давлат педагогика университети
Диссертация йўналиши: назарий ва амалий аҳамиятга молик.
II. Тадқиқотнинг мақсади Инглиз ва ўзбек тилларида муҳаббат изҳори ифодасининг коммуникатив, консептуал ва прагматик моҳиятини очиб беришдан иборат.
III. Тадқиқотнинг илмий янгилиги:
инглиз ва ўзбек тилларида эмотив ва экспрессив воситаларнинг когнитив асослари (лексик консепт, экспрессивлик) ҳамда консептуаллашиш жараёни (экспрессив нутқий актлар) аниқланган;
инглиз ва ўзбек тилларида муҳаббат изҳорини ифодаловчи лисоний воситалар  (лексик бирликлар, фразеологик бирликлар, идиомалар, паремиологик бирликлар) тавсифланган ҳамда муҳаббат консептининг бадиий матнларда ва нутқда воқеланиши чоғиштирма аспектда очиб берилган;
турли тизимли тилларда муҳаббат изҳорини шакллантирувчи вербал (ҳис-ҳаяжон гаплар, туйғуга асосланган ифодалар, сифатловчи ифодалар, рамзий ифодалар) ва новербал (имо-ишора, масофа сақлаш, юз ифодаси, нигоҳ, совға, турли рамзий хатти-ҳаракатлар) воситаларнинг прагматик мазмунга алоқадорлиги исботланган;
қиёсланаётган тиллардаги муҳаббат изҳорини ифодаловчи лисоний воситаларнинг лингвомаданий омилларга (лексик ва фразеологик бирликлар, экспрессив нутқий актлар, эмоционал-баҳоловчи бирликлар, рамзий предметлар ва маданий стереотиплар, коммуникатив қоидалар ва контекстуал меъёрлар) боғлиқлиги ва коммуникатив контекстда  прагматик вазифаларга (муҳаббат изҳорини режалаштириш, изҳор стратегиялари, нутқий актлар, эмоционал ва экспрессив воситалар) боғлиқлиги  далилланган.
IV. Тадқиқот натижаларининг жорий қилиниши. Илмий ишда инглиз ва ўзбек тилларига хос бўлган муҳаббат изҳори билан боғлиқ лисоний бирликлар ва уларнинг ҳар икки тилда ифодаланиши мисоллар ёрдамида солиштирилган натижалар асосида:
инглиз ва ўзбек тилларида эмотив ва экспрессив воситаларнинг когнитив асослари (лексик консепт, экспрессивлик) ҳамда консептуаллашиш жараёни (экспрессив нутқий актлар) аниқланганлиги борасидаги илмий хулосалардан Самарқанд давлат чет тиллар институтида Олий ва ўрта махсус таълим вазирлигининг 2022-йил 12-декабрдаги 2/24-4/7-690-сонли хатига асосан 2022–2024-йилларда амалга оширилган ва Тошкент шаҳридаги АҚШ элчихонаси ҳамда АҚШ давлат департаменти томонидан молиялаштирилган СУЗ80020ГР0039-рақамли “Энглиш Аccесс Миcросчоларшип Програм” лойиҳаси доирасида фойдаланилган (Самарқанд давлат чет тиллар институтининг 2026–йил 5-январдаги 6/02-сон маълумотномаси). Натижада, лойиҳа иштирокчилари тилнинг эмотив ва экспрессив хусусиятлари тўғрисида маълумотларга эга бўлишган;
инглиз ва ўзбек тилларида муҳаббат изҳорини ифодаловчи лисоний бирликлар  (лексик бирликлар, фразеологик бирликлар, идиомалар, паремиологик бирликлар) тавсифланган ҳамда муҳаббат консепти бадиий матнларда воқеланиши чоғиштирма аспектда очиб берилган илмий хулосалардан Ўзбекистон давлат жаҳон тиллари университетида 2020–2022-йилларга мўлжалланган Британия Кенгаши (Бритиш Cоунcил) ҳамкорлигида амалга оширилган 1683580-рақамли “Энглиш ас а счоол субжеcт” номли халқаро лойиҳа доирасида фойдаланилган (Ўзбекистон давлат жаҳон тиллари университетининг 2026–йил 6-январдаги 11-25/2-сон маълумотномаси). Натижада, муҳаббат консептининг бадиий матнларда ифодаланиш усуллари ҳамда уни юзага чиқарувчи лисоний воситаларнинг миллий-маданий хусусиятларини очиб бериш юзасидан амалий машғулотлар ташкил этишда фойдаланилган;
турли тизимли тилларда муҳаббат изҳорини шакллантирувчи вербал (ҳис-ҳаяжон гаплар, туйғуга асосланган ифодалар, сифатловчи ифодалар, рамзий ифодалар) ва новербал (имо-ишора, масофа сақлаш, юз ифодаси, нигоҳ, совға, турли рамзий хатти-ҳаракатлар) воситаларнинг прагматик мазмун билан узвий боғлиқлиги ҳақидаги илмий хулосалардан Ўзбекистон Республикаси Фанлар Академияси Қорақалпоғистон бўлими Қорақалпоқ гуманитар фанлар илмий-тадқиқот институтида бажарилган ФА-Ф1-005 “Қорақалпоқ фолклоршунослиги ва адабиётшунослиги тарихини тадқиқ этиш” мавзусидаги фундаментал лойиҳада фойдаланилган (Ўзбекистон Республикаси Фанлар Академияси Қорақалпоғистон бўлими Қорақалпоқ гуманитар фанлар илмий-тадқиқот институтининг 2026–йил 5-январдаги 03/2-сон маълумотномаси). Натижада, илмий лойиҳа доирасида олиб борилган тадқиқотлар янги назарий хулосалар ва қўшимча лингвомаданий материаллар билан бойитилган.
қиёсланаётган тиллардаги муҳаббат изҳорини ифодаловчи лисоний воситаларнинг лингвомаданий омилларга (лексик ва фразеологик бирликлар, экспрессив нутқий актлар, эмоционал-баҳоловчи бирликлар, рамзий предметлар ва маданий стереотиплар, коммуникатив қоидалар ва контекстуал меъёрлар) боғлиқлиги ва коммуникатив контекстда  прагматик вазифаларга (муҳаббат изҳорини режалаштириш, изҳор стратегиялари, нутқий актлар, эмоционал ва экспрессив воситалар) боғлиқлиги  далилланганлигига доир илмий хулосалардан “Ўзбекистон Миллий Ахборот агентлиги”да 2025-йил 1-январ куни эфирга чиққан “Акмал Нур: санъатда ҳам рақобат керак” номли кўрсатувининг навбатдаги сони ссенариясини тайёрлашда фойдаланилган (Ўзбекистон Миллий Ахборот агентлигининг 2026-йил 6-январдаги 01-23/12 сонли маълумотномаси). Натижада, томошабинларнинг бадиий таржима планидаги замонавий йўналишлар тўғрисида билимлар фондини оширишга эришилган.