Inomiddinov Sardorbek Nizomiddinovich
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar: 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Maxsus shakldagi integral chegarali bir nechta quvuvchili va bitta qochuvchili differensial o‘yinlar”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: №B2025.2.PhD/FM219.
Ilmiy rahbar: Ibragimov G‘ofurjon Ismailovich, fizika-matematika fanlari doktori, professor.
Dissertatsiya bajarilgan muassasa nomi: Namangan davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/2025.27.12.FM.10.04.
Rasmiy opponentlar: M.B.Ro‘ziboev, fizika-matematika fanlari doktori, dotsent;  T.T.Ibaydullaev, fizika-matematika fanlari nomzodi, professor.
Yetakchi tashkilot: O‘zbekiston milliy universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi. boshqaruv funksiyalariga qo‘yilgan maxsus shakldagi integral chegarali bir nechta quvuvchili va bitta qochuvchili differensial o‘yinlar masalalarini hal qilishdan iborat.
III. Tadqiqotning ilmiy yangiligi quyidagilardan iborat:
boshqaruv funksiyalari eksponensial kamayuvchi integral cheklovlarga ega bo‘lgan differensial o‘yinlarda tutish masalasini echish uchun quvuvchi tomonidan qo‘llaniladigan parallel yaqinlashish usuli orqali tutishni kafolatlovchi etarli shartlar topilgan;
boshqaruv funksiyalari eksponensial kamayuvchi integral cheklovlarga ega bo‘lgan differensial o‘yinlarda qochish masalasini echish uchun qochuvchi tomonidan qo‘llaniladigan yo‘nalishli qochish usuli orqali qochishni kafolatlovchi strategiyasi qurilgan;
maxsus shakldagi integral cheklovlarga ega bo‘lgan bir nechta quvuvchilar va bitta qochuvchi ishtirokidagi differensial o‘yinda tutishni va qochishni kafolatlovchi shartlar qabariq qobiq xossalaridan foydalanib topilgan; 
maxsus shakldagi integral cheklovlarga ega bo‘lgan  bir nechta quvuvchili va bitta qochuvchili differensial o‘yinda qochuvchi uchun qurilgan strategiya yordamida quvuvchi va qochuvchi orasidagi masofa quyidan chegaralanganligi isbotlangan. 
IV. Tadqiqot natijalarining joriy qilinishi. Maxsus shakldagi integral chegarali bir nechta quvuvchili va bitta qochuvchili differensial o‘yinlar bo‘yicha olingan natijalar asosida: 
boshqaruv funksiyalari integral cheklovlar qo‘yilgan differensial o‘yinlarda quvlovchidan qochish masalalari echilishini kafolotlovchi shartlaridan 374874-2022 raqamli “Fazaviy o‘tishlar va tahliliy hodisalar masalalari. Ularning tez o‘tish tenglamalari va asimptotikalarining matematik xususiyatlari” mavzusidagi xorijiy  grant loyihasida chiziqli differensial tenglamalar uchun analogik masalalarni echishda foydalanilgan (O‘sh davlat universitetining 2025-yil 3-dekabrdagi 1663-sonli ma’lumotnomasi, Qirg‘iziston Respublikasi). Natijada chiziqli differensial tenglamalar bilan ifodalangan fazaviy o‘tishlar va tahliliy hodisalar masalalarining to‘liq echimlarini ko‘rsatish imkonini bergan;
boshqaruv funksiyalari o‘zgaruvchan energiyali integral cheklovlarga ega oddiy differensial o‘yinlarda ko‘p quvlovchidan qochish masalalari bo‘yicha olingan natijalardan Reggio Kalabriya O‘rta er dengizi universitetining “Qarorlar laboratoriyasi tadqiqot dasturi” mavzusidagi loyihasida differensial o‘yinlar masalalarini echishda foydalanilgan (Reggio Kalabriya O‘rta er dengizi universitetining 2025-yil 22-dekabrdagi ma’lumotnomasi, Italiya). Natijada Evklid fazosida berilgan differensial o‘yinlarda chekli sondagi quvlovchiga ega qochish masalasida agar qochuvchi qochish strategiyasini qo‘llasa quvlovchilarning ixtiyoriy joiz boshqaruvlariga qarshi muvaffaqiyatli qochish imkonini bergan.