Уразова Марина Батировнанинг

  докторлик диссертация ҳимояси  ҳақида эълон

    I. Умумий маълумотлар.

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /педагогика фанлари номзоди/.

Диссертация мавзуси рўйхатга олинган рақам: 30.09.2014/B2014.3/5Ped.04.01

Диссертация мавзуси, ихтисослик шифри: «Совершенствование технологии подготовки будущего педагога профессионального образования к проектировочной деятельности» («Бўлажак касбий таълим педагогини лойиҳалаштириш фаолиятига тайёрлаш технологиясини такомиллаштириш») (13.00.05 –Касб таълими назарияси ва методикаси (педагогика фанлари).

Илмий маслаҳатчининг Ф.И.Ш., илмий даражаси ва унвони: Н.А. Муслимов,педагогика фанлари доктори, профессор.

Диссертация бажарилган муассаса номи: Тошкент давлат педагогика университети.

ИК фаолият кўрсатаётган муассаса (муассасалар) номи, ИК рақами: Тошкент давлат педагогика университети ҳузуридаги фан доктори илмий даражасини берувчи 16.07.2013-ped.04.01 рақамли илмий кенгаш асосида бир марталик илмий кенгаш.

Расмий оппонентлар: А.Р. Ходжабоев,  педагогика фанлари доктори; профессор; Л.Ю. Ломакина, педагогика фанлари доктори, профессор; Э.И. Рузиев,педагогика фанлари доктори, профессор.

Етакчи ташкилот: Бухоро давлат университети

Диссертация йўналиши: назарий аҳамиятга молик.

    II. Тадқиқотнинг мақсади: Бўлажак касбий таълим педагогини лойиҳалаштириш фаолиятига тайёрлаш технологиясини илмий жиҳатдан асослаш ва тажриба-синовдан ўтказиб, такомиллаштиришнинг педагогик йўлларини аниқлашдан иборат.

    III. Тадқиқотнинг илмий янгилиги:

Педагогнинг касбий компетентлиги тузилмасида лойиҳалаштириш фаолиятининг педагогни лойиҳа кўринишидаги янги билимларни ҳосил қилишга йўналтирадиган ўзига хос фикрлаш қобилиятининг ижодий даражада ривожланганлигини ҳамда рефлексияси ва мустақиллигини намоён қиладиган индивидуаллиги даражалари  аниқланган;

талабаларга педагогик туркум фанларни ўқитишда машғулотнинг ноанъанавий шаклларидан бўлган, инновацион технологияларни ишлаб чиқиш ва амалда қўллашда  муаммоли-модулли, топшириқли ёндашувларнинг самарадорлигини аниқлашга ёрдам берадиган концепт-машғулот шакли ишлаб чиқилган;

бўлажак касбий таълим педагогини лойиҳалаштириш фаолиятига ўргатишда олий таълим муассасасидаги таълим босқичларининг ўзига хос хусусиятларидан келиб чиқадиган педагогик туркум фанларнинг функционал имкониятлари аниқланган;

педагогик жараён тузилмасига асосланадиган психологик-педагогик шарт-шароитлар тўплами тавсифлаб берилган;

бўлажак касбий таълим педагогини лойиҳалаштириш фаолиятига тайёрлаш модели яратилган ва  босқичма-босқич  синовдан ўтказилган.

олий таълим муассасасида таълимнинг ҳар бир босқичида ўқитиладиган педагогик туркум фанларнинг мазмун-моҳиятини эътиборга олган ҳолда  бўлажак касбий таълим педагогининг лойиҳалаштириш компетентлигини босқичма-босқич шакллантириш модели ишлаб чиқилди.

    IV. Тадқиқот натижаларининг жорий қилиниши.

Бакалавриат йўналиши учун «Умумий педагогика назарияси ва амалиёти» дарслигига (№ 32-002 қайд этилган) муаммонинг ички тузилмасини ишлаб чиқиш ҳамда ўқув модулини, машғулотнинг технологик харитасини лойиҳалаштириш бўйича кўникма ва ҳаракатларни ривожлантиришга қаратилган ноанъанавий  шаклдаги концепт-машғулотнинг таърифи киритилди;

бакалавриат таълим йўналишлари ва магистратура мутахассисликлари Давлат таълим стандартлари («Узстандарт» агентлиги томонидан тасдиқланган 12.08.14 № 1 – 2570)  мазмунига педагогик вазиятларнинг динамикасини лойиҳалаштириш, таълим натижаларини ташхис қилиш, педагогик назорат ва таҳрирни ҳисобга олган ҳолда ўрганиладиган  ўқув фани бўйича материалларнинг ўзлаштирилиши зарур бўлган даражасини аниқлашга қаратилган педагогик масалаларни ҳал этиш алгоритми киритилди;

nkras.ru/books/monogr.html халқаро расмий сайтларида жойлаштирилган «Инновационные образовательные технологии: теория и практика» (Saint-Lousi, MO .USA Publishing House Science and Innovation Centor, 2013) халқаро илмий тадқиқотига жорий этилди, унда педагогнинг таълим олувчилар билан ҳамкорлиги ва биргаликда ижод қилишини лойиҳалаштириш қоидаларини амалга ошириш мумкинлигига асосланган конструктив-лойиҳалаштириш (метарефлексив ҳаракатлар) имкониятларининг аниқланганлиги тасдиқланган.