Бутаев Азамат Хасанджановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Миастениянинг клиник морфологияси ва уни комплекс даволашда лазер технологиялари қўлланилишини асослаш», 14.00.15–Патологик анатомия (тиббиёт фанлари).
Диссертация мавзуси рўйхатга олинган рақам: B2017.3.PhD/Tib280.
Илмий раҳбар: Байбеков Искандер Мухаммедович, тиббиёт фанлари доктори, профессор Диссертация бажарилган муассаса номи: Республика ихтисослаштирилган хирургия илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.03.
Расмий оппонентлар: Турсунов Хасан Зияевич тиббиёт фанлари доктори, профессор; Магрупов Баходир Асатуллаевич тиббиёт фанлари доктори, профессор.
Етакчи ташкилот: ҳалқаро қозоқ-турк университети (Қозоғистон Республикаси).
Диссертация йўналиши: амалий аҳамиятга молик.
II. Тадқиқотнинг мақсади: миастенияни жарроҳлик даволашда детоксикациянинг эфферент усуллари ва қонни лазер нурлантиришдан комплекс фойдаланиш самарадорлигини баҳолашдан иборат.
III. Тадқиқотнинг илмий янгилиги:
тимэктомиядан кейин турли муддатларда ва унгача миастения мавжуд беморлардаги периферик қон эритроцитларининг таркиби ва ўзгаришнинг патоморфологик кўрсткичлари баҳоланган;
эритроцитлар ва периферик микроциркуляция ҳолатига турли узунликдаги паст интенсив лазерли нурлантириш билан тери ва вена томир ичи орқали қонни лазер нурланишининг таъсири таққослама баҳолаш тартиби асосланган;
вена томир ичи ҳамда тери орқали қоннинг лазерли нурланишининг эритроцитларга таъсирининг таққослама хусусиятлари асосида миастениядаги қонни лазерли нурлантиришнинг оптимал тартиблари белгиланган;
периферик қон эритроцитлари шаклидаги темэктомиягача ва ундан кейин плазмаферезга таъсир тизими баҳоланган;
миастенияни даволашда плазмаферез ва қонни эфферент лазерли нурлантириш усуллардан биргаликда фойдаланишнинг мақсадга мувофиқлиги исботланган.
IV.Тадқиқот натижаларининг жорий қилиниши.
Миастениянинг клиник морфологияси ва уни комплекс даволашда лазер технологиялари қўлланилишини асослаш бўйича олинган натижалар асосида:
«Жарроҳлик ва дерматологияда ташхис қўйиш ва комплекс даволашда лазерли технологиялардан фойдаланиш» услубий тавсияномаси ишлаб чиқилган (Соғлиқни сақлаш вазирлигининг 2019 йил 21 октябрдаги 8н-д/227-сон маълумотномаси). Мазкур услубий тавсиянома жарроҳлик ва дерматологияда ташхис қўйиш ва комплекс даволашда лазерли технологиялардан фойдаланиш орқали касалликларни камайтириш имконини берган;
миастениянинг клиник морфологияси ва уни комплекс даволашда лазер технологиялари қўлланилишини асослаш бўйича олинган илмий натижалар соғлиқни сақлаш амалиётига, жумладан, Самарқанд шаҳар клиник шифохонасининг юз-жағ жарроҳлик бўлими ҳамда Самарқанд вилояти тери-таносил касалликлари диспансери клиник амалиётига татбиқ этилган (Соғлиқни сақлаш вазирлигининг 2020 йил 6 январдаги 8н-з/2-сон маълумотномаси). Олинган илмий натижаларнинг амалиётга жорий қилиниши миастениянинг клиник морфологияси ва уни комплекс даволашда лазер технологиялари қўлланилишини асослаш жарроҳлик ва тери касалликларини даволаш самарадорлигини ошириш имконини берган.