Жамолдинова  Одинахон Расуловнанинг

  докторлик диссертация ҳимояси  ҳақида эълон

      I.Умумий маълумотлар.

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /педагогика фанлари номзоди/.

Диссертация мавзуси рўйхатга олинган рақам: 30.09.2014/В2014.5.Ped95

Диссертация мавзуси, ихтисослик шифри: «Ёшлар соғлом турмуш маданиятини ривожлантиришда узвийлик ва узлуксизлик тамойиллари амал қилишининг  педагогик механизмларини такомиллаштириш», 13.00.01 – Педагогика назарияси ва тарихи. Таълимда менежмент (педагогика фанлари).

Илмий маслаҳатчининг Ф.И.Ш., илмий даражаси ва унвони: О.М.Мусурманова, педагогика фанлари доктори, профессор.

Диссертация бажарилган муассаса номи: Жиззах давлат педагогика институти.

ИК фаолият кўрсатаётган муассаса (муассасалар) номи, ИК рақами: Тошкент давлат педагогика университети ҳузуридаги фан доктори илмий даражасини берувчи 16.07.2013.Рed.04.01 рақамли илмий кенгаш

Расмий оппонентлар: М.Қуронов, педагогика фанлари доктори, профессор, Г.В.Новикова, педагогика фанлари доктори, психология фанлари доктори, профессор, С.Т.Турсунов, педагогика фанлари доктори.

Етакчи ташкилот: Қарши давлат университети

Диссертация йўналиши: назарий аҳамиятга молик.

    II. Тадқиқотнинг мақсади: ёшлар соғлом турмуш маданиятини ривожлантиришда узвийлик ва узлуксизлик тамойиллари амал қилишининг педагогик механизмларини такомиллаштиришдан иборат.

    III. Тадқиқотнингилмий янгилиги қуйидагилардан иборат: ёшлар соғлом турмуш маданиятини ривожлантиришда узвийлик ва узлуксизлик тамойиллари амал қилишининг педагогик механизмларини фалсафий, психологик, ҳуқуқий, ижтимоий ёндашувлар асосида такомиллаштириш модели ишлаб чиқилган;

ёшларда соғлом турмуш тарзини ривожлантириш, соғлом турмуш кечириш заруратини тушуниш ва англаш, ўзи ва ён-атрофидагиларнинг соғлом турмуш маданиятига риоя қилишларини инобатга олган ҳолда унинг ривожланганлик кўрсаткичлари аниқланган;

илк бор ёшлар соғлом турмуш маданиятини ривожлантиришга йўналтирилган  ижтимоий лойиҳалар мазмуни ва самарадорлиги баҳоланган;

баркамол авлодни тарбиялашнинг «оила, маҳалла, мактаб ҳамкорлиги» концепцияси мазкур жараёнда таълим муассасалари ва фуқаролик жамияти институтларининг роли ва аҳамиятини эътиборга олган ҳолда оила, маҳалла, таълим муассасалари ва фуқаролик жамияти институтлари ҳамкорлиги тарзида такомиллаштирилган.

    IV. Тадқиқот натижаларининг жорий қилиниши: соғлом турмуш маданиятини ривожлантиришда узвийлик ва узлуксизлик тамойиллари амал қилишининг такомиллаштирилган педагогик механизми  «Камолот» ёшлар ижтимоий ҳаракати фаолиятига татбиқ этилган («Камолот» ЁИҲ МК ИҚ 2012 йил 10 январдаги 01-04/10-сонли қарори). Мазкур механизм асосида ёшларнинг соғлом ҳаёт кечириши, жисмоний ва маънавий саломатлигини таъминлашда иштирок этувчи 20 га яқин тузилмалар фаолиятида узвий ҳамкорликка ҳамкорликка эришилган, ижтимоий шериклик таъминланган;

ижтимоий-педагогик жиҳатдан асослаб берилган ёшлар соғлом турмуш маданиятининг ривожланганлик даражасини аниқлаш кўрсаткичлари  «Камолот» ЁИҲ МК ИҚ 2012 йил 10 январдаги 01-04/10-сонли қарори  билан тасдиқланган ва амалиётга жорий қилинган. Мазкур кўрсаткичлар асосида  мониторинг ишларини амалга ошириш ва мақсадли ташкил этиш натижасида ёшлар ўртасида соғлом турмуш тарзини тарғиб қилишга қаратилган маънавий-маърифий тадбирлар самарадорлиги 1,5 баробарга ортган ва ёшлар орасида аниқланган салбий ҳолатлар 0,5 мартага камайган;

ёшлар соғлом турмуш маданиятини ривожлантиришда таълим муассасалари ва фуқаролик жамияти институтлари ҳамкорлигини таъминлашга доир илмий-назарий хулосалардан «Баркамол авлодни тарбиялашда оила, маҳалла ва таълим муассасалари ҳамкорлиги механизми» концепциясини ишлаб чиқишда фойдаланилган (Ўзбекистон Республикаси Халқ таълими вазирлиги ҳузуридаги «Оила, маҳалла ва таълим муассасаси» Жамоат кенгашининг 2012 йил 19 июлдаги 1-сонли қарори). Баркамол авлодни тарбиялашда оила, маҳалла, таълим муассасалари ва фуқаролик жамияти институтлари ҳамкорлигини мақсадли, яхлит педагогик технология асосида ташкил этиш имкони яратилган;

тадқиқотнинг илмий тавсиялари асосида «Камолот» ЁИҲ МК 2010 йил 22 апрелдаги 01-03/51-сонли қарори билан Ҳаракатнинг марказий ва ҳудудий тузилмаларида «Ёшларда соғлом турмуш тарзини шакллантириш» бўлими ташкил этилган ва ёшлар соғлом турмуш маданиятини ривожлантиришга эришилган.