Нурутдинова Зуҳра Алишеровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Иссиқхона хўжаликларини ривожлантиришда инновацион бошқарув механизмини такомиллаштириш”, 08.00.13 – “Менежмент”.
Диссертация мавзуси рўйхатга олинган рақам: B2022.4.PhD/Iqt2646.
Илмий раҳбар: Тошбоев Абдураим Абдужабборович, иқтисодиёт фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти ҳузуридаги илмий даражалар берувчи PhD.08/2025.27.12.I.03.03.
Расмий оппонентлар: и.ф.д., профессор Абдиев Мурат Журатович ва и.ф.д., доцент Юлдашева Нилуфар Абдувоҳидовна
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади:
иссиқхона хўжаликларини ривожлантиришда инновацион бошқарув механизмини такомиллаштириш бўйича илмий тавсия ва амалий таклифлар ишлаб чиқиш.
III. Тадқиқотнинг илмий янгилиги:
иссиқхона хўжаликларида инновацион бошқарувни жорий этиш даражасини аниқлаш учун комплекс индикаторлар тизими ишлаб чиқилган ҳамда ҳудудларнинг рақамли-технологик тайёргарлигини баҳолаш бўйича услубий ёндашув таклиф этилган;
иссиқхона секторида инсон капиталини ривожлантириш ва бошқарув самарадорлигини ошириш мақсадида агрономларни сертификатлаш ва узлюксиз малака оширишнинг ташкилий-бошқарув механизми илмий жиҳатдан асосланган;
иссиқхона хўжаликларида фермер–харидор–экспортчи ўртасидаги ахборот оқимларини интеграциялаш, бозор талаби ва ишлаб чиқариш параметрларини реал вақт режимида таҳлил қилиш ҳамда оптимал бошқарув қарорларини шакллантиришга хизмат қилувчи маълумотларга асосланган рақамли бошқарув модели ишлаб чиқилган;
инновацион бошқарув механизмини такомиллаштириш ҳамда рақамли ва инновацион технологияларни жорий этиш асосида иссиқхона хўжаликларини 2030 йилгача ривожлантиришнинг прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Иссиқхона хўжаликларини инновацион бошқарув асосида такомиллаштириш бўйича олинган илмий таклиф ва амалий тавсиялар асосида:
иссиқхона хўжаликларида инновацион бошқарувни жорий этиш даражасини баҳолашнинг комплекс индикаторлар тизими ҳамда ҳудудларнинг рақамли-технологик тайёргарлигини аниқлаш бўйича услубий ёндашув Қорақалпоғистон Республикаси Қишлоқ хўжалиги вазирлиги тизим ташкилотларида амалиётга жорий қилинган (Ўзбекистон Республикаси Қишлоқ хўжалиги вазирлигининг 2025 йил 9-июл 05/06-04-369-сон маълумотномаси). Натижада иссиқхона хўжаликларида анъанавий бошқарув моделидаги заиф жиҳатларни аниқлаш, ишлаб чиқариш самарадорлиги ва ресурс тежамкорлик даражасини комплекс баҳолаш имконияти яратилди;
иссиқхона секторида инсон капиталини ривожлантиришга қаратилган агрономларни сертификатлаш ва узлюксиз малака оширишнинг ташкилий-бошқарув механизми Қорақалпоғистон Республикаси Қишлоқ хўжалиги вазирлиги тизим ташкилотларида амалиётга жорий қилинган (Ўзбекистон Республикаси Қишлоқ хўжалиги вазирлигининг 2025 йил 9-июл 05/06-04-369-сон маълумотномаси). Натижада агрономлар касбий компетенсиялари оширилиб, маҳсулот сифати яхшиланиши, ишлаб чиқариш харажатлари қисқариши ҳамда соҳани ички ресурслар асосида барқарор ривожлантириш имконияти кенгайди;
иссиқхона хўжаликларида фермерлар, харидорлар ва экспортчилар ўртасида ахборот алмашинувини ташкил этиш ва бозор шаффофлигини оширишга қаратилган рақамли коммуникация ёндашуви Қорақалпоғистон Республикаси Қишлоқ хўжалиги вазирлиги тизим ташкилотларида амалиётга жорий қилинган (Ўзбекистон Республикаси Қишлоқ хўжалиги вазирлигининг 2025 йил 9-июл 05/06-04-369-сон маълумотномаси). Натижада бозор талабини аниқлаш, ички бозор сиғимини баҳолаш, илмий асосланган экин жойлаштириш ва экспорт географиясини кенгайтириш бўйича асосланган бошқарув қарорларини қабул қилиш имкониятлари кенгайтирилди;
инновацион бошқарув механизмини такомиллаштириш ва рақамли технологияларни жорий этиш асосида иссиқхона хўжаликларини 2030 йилгача ривожлантиришнинг прогноз кўрсаткичлари Қорақалпоғистон Республикаси Қишлоқ хўжалиги вазирлиги тизим ташкилотларида амалиётга жорий қилинган (Ўзбекистон Республикаси Қишлоқ хўжалиги вазирлигининг 2025 йил 9-июл 05/06-04-369-сон маълумотномаси). Натижада анъанавий бошқарувга нисбатан маҳсулот етиштириш ҳажмини 5 фоизгача, ички бозор таъминотини 15,7 фоизга, экспорт ҳажмини 20,2 фоизга ошириш ҳамда 2030 йилга келиб сабзавот ва илдизли мевалар экспортини 138 фоизга, мевалар ва ёнғоқлар экспортини 137 фоизга, қайта ишланган маҳсулотлар экспортини 148 фоизга ошириш имкониятлари асосланди.