Каипбеков Парахат Конисбаевич 
фалсафа доктори (PhD) диссертацияси ҳимояси ҳақидаги эълон  

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Cовершенствование организационно экономического механизма управления транспортными услугами (на примере Республики Каракалпакстан)”, 08.00.05 – “Хизмат кўрсатиш тармоқлари иқтисодиёти” ва 08.00.13 – “Менежмент” (иқтисодиёт фанлари).
Диссертация мавзуси рўйхатга олинган рақам: B2025.4.PhD/Iqt6001. 
Илмий раҳбар: Нуримбетов Равшан Ибрагимович, иқтисодиёт фанлари  доктори, профессор.
Диссертация бажарилган муассаса номи: Бердақ номидаги Қорақалпоқ давлат университети.
ИК фаолият кўрсатаётган муассаса номи, ИК рақами: Бердақ номидаги Қорақалпоқ давлат университети, PhD.03/2025.27.12.I.04.12.
Расмий оппонентлар: Джурабаев Отабек Джурабаевич, иқтисодиёт фанлари доктори, профессор; Олланазаров Бекмурод Давлатмуродович, иқтисодиёт фанлари бўйича фалсафа доктори, доцент. 
Етакчи ташкилот: Самарқанд иқтисодиёт ва сервис институти.
Диссертация йўналиши: назарий ва амалий аҳамиятга молик.
II.Тадқиқотнинг мақсади: транспорт хизматларини бошқаришнинг ташкилий-иқтисодий механизмини такомиллаштириш бўйича илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
умумлаштирилган молиявий-иқтисодий, экологик, техник, инновацион ва кадрлар кўрсаткичлари асосида транспорт хизматларини бошқариш даражасини интеграл баҳолаш услубиётини “паст даража” (Oint < 0,2), “ўртачадан паст даража” (0,2 < Oint < 0,39), “ўртача” (0,4 < Oint < 0,59), “ўртачадан юқори” (0,6 < Oint < 0,79), “юқори даража” (0,8 < Oint < 1) миқдорий чегараларида баҳолаш орқали такомиллаштириш асосланган;
автомобилда юкларни халқаро ташишга хорижий/кўп томонлама рухсатномаларни маҳаллий автоташувчилар ўртасида тақсимлаш, бериш ва улардан фойдаланиш тизимини мазкур рухсатномаларни босқичма-босқич чегарада ёки ҳудудларда бериш амалиётини йўлга қўйиш орқали такомиллаштириш таклифи ишлаб чиқилган;
транспорт хизматларини бошқаришнинг ташкилий-иқтисодий механизмини Транспорт назорати инспекцияси ташкилий тузилмасида соҳада ягона услубий ёндашувни шакллантириш, назорат жараёнларини меъёрий-услубий жиҳатдан таъминлаш, таркибий ва ҳудудий бўлинмалар амалиётини бир хиллаштириш имконини берувчи методология бўлимини ташкил этиш орқали такомиллаштириш асосланган;
транспорт хизматлари асосий фаолият кўрсаткичларини ҳисобга олувчи панель маълумотлар модели асосида Ўзбекистон ва Қорақалпоғистон транспорт тармоғини ривожлантиришнинг 2030 йилгача прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Транспорт хизматларини бошқаришнинг ташкилий-иқтисодий механизмини такомиллаштириш бўйича ишлаб чиқилган илмий таклифлар ва амалий тавсиялар асосида:
умумлаштирилган молиявий-иқтисодий, экологик, техник, инновацион ва кадрлар кўрсаткичлари асосида транспорт хизматларини бошқариш даражасини интеграл баҳолаш услубиётини “паст даража” (Oint < 0,2), “ўртачадан паст даража” (0,2 < Oint < 0,39), “ўртача” (0,4 < Oint < 0,59), “ўртачадан юқори” (0,6 < Oint < 0,79), “юқори даража” (0,8 < Oint < 1) миқдорий чегараларида баҳолаш орқали такомиллаштириш таклифи Қорақалпоғистон Республикаси Транспорт вазирлиги фаолиятида қўлланилган (Қорақалпоғистон Республикаси Транспорт вазирлигининг 2025 йил 24 ноябрдаги 3012-сон маълумотномаси). Ушбу методикадан фойдаланиш транспорт хизматларини бошқариш даражасини тизимли баҳолаш имконини берган ва шу асосда кўрсатилаётган транспорт хизматлари сифати ҳамда бошқарув қарорлари самарадорлигини оширишга хизмат қилган;
автомобилда юкларни халқаро ташишга хорижий/кўп томонлама рухсатномаларни маҳаллий автоташувчилар ўртасида тақсимлаш, бериш ва улардан фойдаланиш тизимини мазкур рухсатномаларни босқичма-босқич чегарада ёки ҳудудларда бериш амалиётини йўлга қўйиш орқали такомиллаштириш таклифи Ўзбекистон Республикаси Президентининг 2025 йил 27 январдаги ПҚ-28-сон қарорига 2-илова — Ўзбекистон Республикасининг транспорт-логистика тизимини 2030 йилгача ривожлантириш концепциясида белгиланган вазифаларни 2025 йилда амалга ошириш бўйича “Йўл харитаси”да инобатга олинган (Қорақалпоғистон Республикаси Транспорт вазирлигининг 2025 йил 24 ноябрдаги 3012-сон маълумотномаси). Ушбу таклифнинг амалиётга жорий этилиши автомобилда юкларни халқаро ташишда хорижий ва кўп томонлама рухсатномаларни тақсимлаш, бериш ва улардан фойдаланиш тизимини такомиллаштириш имконини берган;
транспорт хизматларини бошқаришнинг ташкилий-иқтисодий механизмини Транспорт назорати инспекцияси ташкилий тузилмасида соҳада ягона услубий ёндашувни шакллантириш, назорат жараёнларини меъёрий-услубий жиҳатдан таъминлаш, таркибий ва ҳудудий бўлинмалар амалиётини бир хиллаштириш имконини берувчи методология бўлимини ташкил этиш орқали такомиллаштириш таклифи Ўзбекистон Республикаси Президентининг 2025 йил 27 январдаги ПҚ-28-сон қарорига 2-илова — Ўзбекистон Республикасининг транспорт-логистика тизимини 2030 йилгача ривожлантириш концепциясида белгиланган вазифаларни 2025 йилда амалга ошириш бўйича “Йўл харитаси”да инобатга олинган (Қорақалпоғистон Республикаси Транспорт вазирлигининг 2025 йил 24 ноябрдаги 3012-сон маълумотномаси). Ушбу таклифнинг амалиётга жорий этилиши соҳада ягона услубий ёндашувни шакллантириш, назорат жараёнларини меъёрий-услубий жиҳатдан таъминлаш ҳамда таркибий ва ҳудудий бўлинмалар фаолиятини бир хиллаштириш имконини берган;
транспорт хизматлари асосий фаолият кўрсаткичларини ҳисобга олувчи панель маълумотлар модели асосида Ўзбекистон ва Қорақалпоғистон транспорт тармоғини ривожлантиришнинг 2030 йилгача ишлаб чиқилган прогноз кўрсаткичлари Қорақалпоғистон Республикаси Транспорт вазирлиги фаолиятида қўлланилган (Қорақалпоғистон Республикаси Транспорт вазирлигининг 2025 йил 24 ноябрдаги 3012-сон маълумотномаси). Ушбу таклифнинг амалиётга жорий этилиши мамлакат транспорт-логистика мажмуасини узоқ муддатли ривожлантиришнинг стратегик йўналишларини асослаш, прогнозлаш аниқлигини ошириш ҳамда инвестиция ва инфратузилма сиёсатининг устувор йўналишларини белгилаш имконини берган.