Karimov Nodirbek Madirimovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i):
“Ziddiyatli vaziyatlarda kuchlarni taqsimlash va boshqarishning matematik model, usul va algoritmlari”, 05.01.02 – “Tizimli tahlil, boshqaruv va axborotni qayta ishlash” (texnika fanlari).
Dissertatsiya mavzusi ro‘yxatga olingan raqam: B2026.1.PhD/T5621
Ilmiy rahbar: Akbaraliev Baxtiyorjon Bakirovich, texnika fanlari doktori, professor. 
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
Ilmiy kengash faoliyat ko‘rsatayotgan muassasa nomi, Ilmiy kengash raqami: Muhammad al-Xorazmiy nomidagi Toshkent axborot texnologiyalari universiteti, DSc.09/2025.27.12.T.01.03.
Rasmiy opponentlar: Nurmuhamedov Tolaniddin Ramziddinovich, texnika fanlari doktori, professor; Seytov Aybek Jumabaevich, texnika fanlari doktori, professor.
Yetakchi tashkilot: Farg‘ona davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi ziddiyatli vaziyatlarda kuchlarni taqsimlash va boshqarishning matematik modellari, usul va algoritmlarini ishlab chiqishdan iborat.
III. Tadqiqotning ilmiy yangiligi:
ziddiyatli tomonlarning boshlang‘ich kuchlari va jangovar imkoniyatlaridan kelib chiqqan holda jangda taktik ustun kelish jarayonlarini sintez qilish hamda nisbiy jangovar kuchlarni baholash asosida jang davomiyligini aniqlashning matematik modeli ishlab chiqilgan;
ziddiyatli vaziyatlarda kuchlarni ijtimoiy obekt sifatida boshqargan holda Pontryaginning maksimum tamoyili asosida qo‘shimcha kuchlarni optimal taqsimlash va boshqarish algoritmi ishlab chiqilgan;
ziddiyatli vaziyatlarda qo‘shimcha kuchlarni kelish sur’atlarini bo‘lakli-o‘zgarmas funksiyalar asosida samarali taqsimlash va boshqarish jarayonlarining matematik modeli va algoritmi ishlab chiqilgan;
ziddiyatli tomonlarning qo‘shimcha kuchlarini dirak delta-funksiyasi asosida boshqargan holda qarama-qarshi kuchlarning o‘zaro ta’siri muayyan vaqtga kechikuvchi jangovar harakatlarning matematik modeli va algoritmi ishlab chiqilgan.
IV. Tadqiqot natijalarining joriy qilinishi. Ishlab chiqilgan matematik model, usul va algoritmlar hamda dasturiy ta’minotlar asosida:
qo‘shimcha kuchlarni taqsimlash va boshqarishning matematik modeli va hisoblash algoritmidan 2024–2025-yillarda Rossiya Federatsiyasi Fan va oliy ta’lim vazirligining davlat buyurtmasi asosida bajarilgan FEWS-2024-009-loyihasini amalga oshirishda Udmurt davlat universitetining Matematika, axborot texnologiyalari va fizika institutida muvaffaqiyatli foydalanilgan (Udmurt davlat universitetining 2025-yil 5-maydagi 7873-3485/32-sonli ma’lumotnomasi);
ziddiyat davomiyligini aniqlash hamda qo‘shimcha kuchlarni optimal taqsimlash va boshqarish algoritmi, dasturiy ta’minoti “Maxsus avariya-tiklash boshqarmasi”da joriy qilingan (O‘zbekiston Respublikasi Mudofaa vazirligining 2025-yil 19-maydagi 10/1030-sonli ma’lumotnomasi). Natijada ziddiyatli vaziyatlarda qaror qabul qilish jarayonidagi ish unumdorligini 1.3 martagacha va tahliliy hisob-kitoblar aniqligini 24% gacha oshirish hamda umumiy natijani hisoblash vaqtini 22% gacha qisqartirish imkonini bergan;
qo‘shimcha kuchlarni samarali taqsimlash va boshqarishning matematik modeli, hisoblash algoritmi hamda kechikuvchan jangovar harakatlar jarayonini echish algoritmi va dasturiy ta’minoti “41564-harbiy qism”da joriy qilingan (O‘zbekiston Respublikasi Mudofaa vazirligining 2025-yil 19-maydagi 
10/1030-sonli ma’lumotnomasi). Natijada, ziddiyatli vaziyatlarda qaror qabul qilish vaqtini 19–21% ga qisqartirish hamda kechikuvchan harbiy harakatlar natijalarining aniqligini 16% gacha oshirish imkonini bergan.