Мирзанова Нозима Маратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Рақамли иқтисодиёт шароитида интеграциялашган логистика тизимини такомиллаштириш (“Ўзбекистон темир йўллари” АЖ мисолида)”, 08.00.16 - “Рақамли иқтисодиёт ва халқаро рақамли интеграция”.
Диссертация мавзуси рўйхатга олинган рақам: В2026.1.PhD/Iqt1771
Илмий раҳбар: Гулямов Саидахрор Саидахмедович, иқтисодиёт фанлари доктори, профессор, академик.
Диссертация бажарилган муассаса номи: Тошкент давлат иқтисодиёт университети:
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/2025.27.12.I.23.03
Расмий оппонентлар: Мўминов Баходир Болтаевич, техника фанлари доктори, профессор; Шермуҳаммедов Аббос Тоирович, иқтисодиёт фанлари доктори,профессор. 
Етакчи ташкилот: Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби.
Диссертация йўналиши: назарий ва амалий аҳамиятга молик.
II. Тадқиқотнинг мақсади рақамли иқтисодиёт шароитида интеграциялашган логистика тизимини такомиллаштириш бўйича илмий таклифлар ва амалий тавсиялар ишлаб чиқишдан иборат.
III. Тадқиқотнинг илмий янгилиги:
услубий ёндашувга кўра, “интеграциялашган логистика тизими” тушунчасининг иқтисодий мазмуни корхона, тармоқ ёки бутун иқтисодиёт миқёсида моддий, молиявий, ахборот ва хизмат оқимларини ягона бошқарув механизми доирасида оптималлаштиришга қаратилган логистика функсияларининг узвий боғлиқлигини таъминлаш нуқтайи назаридан такомиллаштирилган;
темир йўл транспорти тизимида интеграциялашган логистика хизматлари иқтисодий самарадорлигини баҳолашнинг интеграл самарадорлик индекси моделини қўллашда “юқори” (0,75-1,00), “ўрта” (0,50-0,75), “қониқарли” (0,30-0,50), “қониқарсиз” (0-0,30) баҳолаш мезонларидан таъминот, ишлаб чиқариш, сақлаш, ташиш, тақсимлаш ва истеъмол қилиш каби логистика функсияларини бажарувчи интеграциялашган логистика ташкилотларида фойдаланиш таклифи асосланган;
замонавий рақамли технологиялар асосида интеграциялашган темир йўл логистикаси тизимларида оптимал ташиш жараёнларини бажаришнинг ВРПCД асосидаги консептуал модели ва алгоритмининг дастурий амалга оширилиши натижасида “Ўзбекистон темир йўллари” акциядорлик жамиятида юк ташиш жараёнлари аниқлиги ва хавфсизлик даражасини ошириш ҳамда транспорт операцияларини режалаштиришга кетадиган вақт, эксплуатация харажатларини қисқартириш таклифи асосланган;
Ўзбекистон темир йўллари ва логистика хизматларини кўрсатувчи ташкилотлар маълумотлари асосида ВРПCД асосидаги интеграциялашган логистика дастурий воситасини қўллаш шароитида темир йўл тизимлари харажатларига таъсир этувчи омилларнинг кўп ўзгарувчили эконометрик модели асосида темир йўл логистикаси соҳасининг иқтисодий самарадорлиги бўйича 2030-йилга қадар прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
Рақамли иқтисодиёт шароитида интеграциялашган логистика тизимини такомиллаштириш бўйича ишлаб чиқилган илмий таклифлар ва амалий тавсиялар асосида:
услубий ёндашувга кўра, “интеграциялашган логистика тизими” тушунчасининг иқтисодий мазмунини корхона, тармоқ ёки бутун иқтисодиёт миқёсида моддий, молиявий, ахборот ва хизмат оқимларини ягона бошқарув механизми доирасида оптималлаштиришга қаратилган логистика функсияларининг узвий боғлиқлигини таъминлаш нуқтайи назаридан такомиллаштиришга доир илмий таклифи Олий ўқув юртлари талабалари учун тавсия этилган “Блокчейн технологияси” дарслигини тайёрлашда фойдаланилган (Тошкент давлат иқтисодиёт университети ректорининг 2025-йил 23-сентябрдаги 369-сон буйруғи). Ушбу таклифнинг амалиётга жорий этилиши натижасида логистика жараёнларини бошқаришда тизимли ёндашув, транспорт, таъминот, омборхона ва ахборот алмашинуви жараёнлари ўртасидаги мувофиқлаштириш даражаси, ресурслардан фойдаланиш самарадорлиги ҳамда логистика операцияларини амалга ошириш бўйича назарий билимларни кенгайтириш имкони яратилган;
темир йўл транспорти тизимида интеграциялашган логистика хизматлари иқтисодий самарадорлигини баҳолашнинг интеграл самарадорлик индекси моделини қўллашда “юқори” (0,75-1,00), “ўрта” (0,50-0,75), “қониқарли” (0,30-0,50), “қониқарсиз” (0-0,30) баҳолаш мезонларидан таъминот, ишлаб чиқариш, сақлаш, ташиш, тақсимлаш ва истеъмол қилиш каби логистика функсияларини бажарувчи интеграциялашган логистика ташкилотларида фойдаланиш таклифи “Ўзбекистон темир йўллари” АЖ томонидан амалиётга жорий этилди (2025-йил 4-ноябрдаги 07/4370-25-сонли маълумотнома). Мазкур моделни амалиётга жорий этиш натижасида логистика хизматлари самарадорлигини баҳолаш аниқлиги ўртача 19–23 фоизга, логистика жараёнларини бошқаришнинг тизимлилик даражаси 16–18 фоизга, транспорт-логистика операцияларини режалаштириш ва мувофиқлаштириш самарадорлиги эса 14–17 фоизга оширилган;
замонавий рақамли технологиялар асосида интеграциялашган темир йўл логистикаси тизимларида оптимал ташиш жараёнларини бажаришнинг ВРПCД асосидаги консептуал модели ва алгоритмининг дастурий амалга оширилиши натижасида “Ўзбекистон темир йўллари” акциядорлик жамиятида юк ташиш жараёнлари аниқлиги ва хавфсизлик даражасини ошириш ҳамда транспорт операцияларини режалаштиришга кетадиган вақт, эксплуатация харажатларини қисқартириш таклифи Ўзбекистон темир йўллари томонидан амалиётга жорий этилган (Ўзбекистон темир йўлларининг 2025-йил 4-ноябрдаги 07/4370-25-сонли маълумотномаси). Мазкур моделни амалиётга жорий этилиши натижасида Ўзбекистон темир йўллари корхонасида юк ташиш жараёнларининг аниқлиги ва хавфсизлик даражаси 9 фоизга ошган, транспорт операцияларини режалаштиришга сарфланадиган вақт ҳамда эксплуатация харажатлари 7–12 фоизга қисқартирилган;
Ўзбекистон темир йўллари ва ва логистика хизматларини кўрсатувчи ташкилотлар маълумотлари асосида 2030-йилга қадар ВРПCД асосидаги интеграциялашган логистика дастурий воситасини қўллашда темир йўл тизимлари харажатларига таъсир этувчи омилларнинг кўп ўзгарувчили эконометрик модели асосида темир йўл логистикаси соҳасининг иқтисодий самарадорлиги бўйича прогноз кўрсаткичлари бўйича таклифлари “Ўзбекистон темир йўллари” АЖ томонидан амалиётга жорий этилган “Ўзбекистон темир йўллари” АЖнинг 2025-йил 4-ноябрдаги 07/4370-25-сонли маълумотномаси). Мазкур ёндашувни амалиётга татбиқ этиш натижасида логистика харажатларини режалаштириш аниқлиги 15–18 фоизга ошиши, транспорт-логистика операцияларини бошқариш самарадорлиги 12–16 фоизга яхшиланиши, инвестицион фаоллик даражаси ортиши, бошқарув қарорларини қабул қилиш сифати такомиллашиши ҳамда рақамли логистика инфратузилмасини стратегик ривожлантириш имкониятларининг изчил ошишига хизмат қилиши илмий жиҳатдан асосланган.