Ҳасанов Зоҳид Ёқуб ўғлининг
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Турбина конденсаторларини совитиш тизими сув кимёвий режимларини самарадорлигини ошириш” (Тошкент ИЕМ мисолида), 05.05.04 – “Саноат иссиқлик энергетикаси” (техника фанлари). 
Диссертация мавзуси рўйхатга олинган рақам: Б2022.3.PhD/Т3157.
Илмий раҳбар: Исаходжаев Хайрулла Сунатуллаевич, техника фанлари бўйича фалсафа доктори, доцент.
Диссертация бажарилган муассаса номи: Тошкент давлат техника университети. 
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/2025.28.11.Т.02.01.
Расмий оппонентлар: Узоқов Ғуломжон Норбоевич, техника фанлари доктори, профессор; Матчанов Эркин Казакбаевич техника фанлари бўйича фалсафа доктори, доцент. 
Етакчи ташкилот: “Иссиқлик электр лойиҳа” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади турбина конденсаторининг совитиш тизимида катионит филтрларини регенерациялаш жараёнида автоматик бошқариш тизимини жорий этиш орқали кимёвий сув тозалаш унумдорлигини оширишдан иборат.
III. Тадқиқотнинг илмий янгилиги:
иссиқлик электр марказида электролит эритмалари назариясига асосланиб, турбина конденсаторини совитиш суви таркибидаги туз миқдорини камайтришга имкон берувчи математик модел қиздириш сиртларини тозалаш ҳамда уларни коррозиядан ҳимоя қилишни ҳисобга олган ҳолда ишлаб чиқилган;
иссиқлик электр маркази филтрларида сув таркибидаги туз миқдорини ўлчаш асосида реагентлар сарфини камайтришга имкон берувчи сув таркибидаги туз миқдорини назорат қилиш усули ишлаб чиқилган;
сув тозалаш филтрлари тўйинганлигини сувнинг электр ўтказувчанлиги асосида насосларда ортиқча юклама натижасидаги энергия истеъмолини камайтириш имконини берувчи кимёвий режим параметрларини бошқариш усули такомиллаштрилган;
сув-кимёвий режимларда Ҳ-катионланган намуна сувининг электр ўтказувчанлигини ўлчаш натижаларига асосланиб, сулфат кислота консентрациясини автоматик назорат қилиш усули электр ўтказувчанликни ҳисобга олиб ишлаб чиқилган.
IV. Тадқиқот натижаларининг жорий қилиниши. Технологик жараён интенсивлигини таъминлашда сув кимёвий режимларини мониторинг қилишда Ҳ-катионит филтрлари жараёнининг энергия самарадорлигини ошириш бўйича олинган илмий натижалар асосида:
иссиқлик электр марказида Ҳ- катионит филтрларини автоматик бошқариш тизими “Тошкент иссиқлик электр маркази филиали” АЖда жорий қилинган (“Тошкент иссиқлик электр маркази филиали” АЖнинг 2024-йил, 7-август 04-10-6139-сонли маълумотномаси). Натижада кимёвий сув тозалш сеҳида регенерация жараёни учун сув истеъмолини 168,5 тоннага камайтириш ва жараённи амалга ошириш вақти 3 соатдан 1 соат 20 минутга қисқартириш қилиш имконияти яратилган;
кимёвий сув тозалаш сеҳида Ҳ-катионит филтрларни қайта тиклашда сув-кимёвий режимларини автоматик бошқариш усули “Тошкент иссиқлик электр маркази филиали” АЖда жорий қилинган (“Тошкент иссиқлик электр маркази филиали” АЖнинг 2024-йил, 7-август 04-10-6139-сонли маълумотномаси). Натижада Ҳ-катионит фултрларини автоматик бошқариш асосида йилига кимёвий реагентлар миқдорини 294 тоннага ва электр энергия истемолини 9909,3 кВт⸱соатга қисқартириш имконияти яратилган.