Жураев Жасурбек Бегматовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Толани ифлосликлардан аеромеханик усулда тозалашни такомиллаштириш” мавзусидаги диссертация ишини 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: B2025.4 PhD/Т6226
Илмий раҳбар: Хакимов Шерқул Шергозиевич, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/2025.27.12.Т.21.01.
Расмий оппонентлар: Матисмаилов Сайпилла Лолашбаевич, техника фанлари доктори, профессор; Элмонов Сирожиддин Мамадиярович, техника фанлари бўйича фалсафа доктори (PhD).
Етакчи ташкилот: Жиззах политехника институти. 
Диссертация йўналиши: амалий аҳамиятга молик.
II. Тадқиқотнинг мақсади пахтани жинлашдан сўнг толани узлюксиз аеромеханик тозалаш технологиясини такомиллаштиришдан иборат.
III. Тадқиқотнинг илмий янгилиги: 
пахтадан тола ажратилгандан сўнг унинг колосниклар билан таъсирини таҳлил қилиш асосида тозаловчи колосникларни тароқсимон шаклда ўзгартирилиб такомиллашган тозалаш технологияси ишлаб чиқилган;
толани аррадан ҳаво ёрдамида ажратгунга қадар унинг такомиллашган колосниклар билан таъсир кучлари ўртасидаги боғланишлари қурилган ҳаракат дифференциал тенгламаларини ечиш асосида олинган;
жин ва тозалагич ўртасидаги қувурда толанинг сирт юзаси билан таъсирлашиш кучлари ва толалар оқимини тўсиқларга урилиши натижасидаги ҳаракати траекторияси ундан ажралиб чиқаётган ифлосликлар массасини ўзгаришини таҳлил қилиш асосида аниқланган;
толани тозалаш самарадорлигини арра ва колосник орасидаги масофа, ён томондаги масофа ҳамда колосникларни аррали цилиндр ўқига жойлашиш бурчагига боғланишининг регрессион тенгламалари қурилган, уларнинг рационал қийматлари- масофалари 3 мм, жойлашиш бурчаги 450  бўлишлиги аниқланган.
IV. Тадқиқот натижаларининг жорий қилиниши:  Аррали жинлашда аеромеханик усулда тозалашнинг ресурстежамкор технологиясини ишлаб чиқиш бўйича олинган натижалар асосида:
такомиллаштирилган аррали жин ускунаси “Ўзтўқимачиликсаноат” уюшмаси тизимидаги “Реал Агро Cоттон” пахта тозалаш корхонасида жорий қилинган (“Ўзтўқимачиликсаноат” уюшмасининг 2026-йил 15-январдаги 02/06-69-сон маълумотномаси). Натижада таклиф этилган такомиллаштирилган аррали жин ва қувур қўлланилганда толанинг табиий сифат ва миқдор кўрсаткичлари сақланиб, ишлаб чиқарилаётган тола таркибида нуқсон ва ифлос аралашмаларини тозалаш самарадорлиги 6.4 % гача оширишга эришилган.