Кенджаев якуб Юсуповичнинг
 фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Фашизм устидан қозонилган ғалабага Ўзбекистон саноатчиларининг қўшган ҳиссаси”, “07.00.01 – Ўзбекистон тарихи”.
Диссертация мавзуси рўйхатга олинган рақам: В2023.4.PhD/Tar1664
Илмий раҳбар: Ражабова Нилуфар Насриллаевна, тарих фанлари номзоди, доцент.
Диссертация бажарилган муассаса номи: Қарши давлат университети
ИК фаолият кўрсатаётган муассаса (муассасалар) номи, ИК рақами: Қарши давлат университети, DSc.03/2025.27.12.Tar.11.01 
Расмий оппонентлар: тарих фанлари доктори, профессор Холмуминов Хусан Эшмуминович,  тарих фанлари бўйича фалсафа доктори (PhD) Бабаджанов Ҳасан Бахтиёрович. 
Етакчи ташкилот: Қарши давлат техника университети    
Диссертация йўналиши: назарий ва амалий аҳамиятга молик.
II. Тадқиқотнинг мақсади Уруш йилларида фашизм устидан эришилган ғалабада Ўзбекистон саноат соҳасида меҳнат қилганларнинг ҳиссаси тарихини очиб беришдан иборат.
III. Тадқиқотнинг илмий янгилиги қуйидагилардан иборат:
Ўзбекистон аҳолисининг Иккинчи жаҳон урушидаги иштироки, фашизм устидан қозонилган ғалабага барча соҳа вакиллари сингари саноатчиларнинг ҳам қўшган ҳиссаси алоҳида аҳамиятга эга эканлиги, республикада уруш йилларида фронт учун маҳсулот ишлаб чиқарган корхоналар ва улар тайёрлаган маҳсулотларни корхоналар кесимида янги тарихий манбалар, нашр этилган ҳужжатлар тўпламлари, вақтли матбуот нашрлари бўлмиш Иккинчи жаҳон уруши фронтларида ўзбек тилида нашр этилган фронт газеталари саҳифаларида эълон қилинган материаллар асосида далилланган;
Ўзбекистонда саноатнинг ҳарбий изга кўчирилиши ва унинг натижалари, саноатда ишловчи ишчилар ҳамда уларнинг оилаларининг оғир яшаш шароитлари, меҳнатдаги қийинчиликлар, уруш давридаги саноатнинг иқтисодиётдаги улуши ҳамда аҳолининг саноатдаги меҳнат билан бандлиги масалалари асосланган;
Совет Иттифоқининг ғарбий вилоятларидан кўчирилган 104 та саноат корхоналарининг Ўзбекистон ҳудудига жойлаштирилиши, республикада уруш йилларида саноатнинг янги тармоқларининг вужудга келиши, янги завод фабрикаларининг қурилиши, саноатнинг ҳарбий изга кўчирилиши оқибатида халқ хўжалиги ҳамда аҳоли учун зарур истеъмол моллари ишлаб чиқаришнинг камайиб кетиши оқибатида юзага келган муаммоларга аниқлик киритилди;
Иккинчи жаҳон уруши йилларида Ўзбекистонда саноат ишчилар хомашё билан таъминлаш соҳаларида пайдо бўлган муаммоларни бартараф этишда раҳбарият томонидан кўрилган чора тадбирлар, саноатни ишчи кучи билан таъминлашда фабрика ва заводлар қошида ташкил қилинган мактабларнинг ўрни ва роли, архив ҳужжатлари ва наратив манбаларга таянган ҳолда далилланган.
 IV. Тадқиқот натижаларининг жорий қилиниши. Ўзбекистонликларнинг Иккинчи жаҳон урушидаги ғалабага қўшган ҳиссасини ташкилий асосларни шакллантириш ва ривожлантириш бўйича ишлаб чиқилган амалий таклифлар ва тадқиқотлар натижалари негизида: 
Ўзбекистон аҳолисининг Иккинчи жаҳон урушидаги иштироки, фашизм устидан қозонилган ғалабага барча соҳа вакиллари сингари саноатчиларнинг ҳам қўшган ҳиссаси алоҳида аҳамиятга эга эканлиги, республикада уруш йилларида фронт учун маҳсулот ишлаб чиқарган корхоналар ва улар тайёрлаган маҳсулотларни корхоналар кесимида янги тарихий манбалар, нашр этилган ҳужжатлар тўпламлари, вақтли матбуот нашрлари бўлмиш Иккинчи жаҳон уруши фронтларида ўзбек тилида нашр этилган фронт газеталари саҳифаларида эълон қилинган материаллар асосида  “Ўзбекистон тарихи” телеканалида эфирга узатилган “Тарихий савол” кўрсатуви ссенарияларини тайёрлашда фойдаланилди (“Ўзбекистон Миллий телерадиокомпанияси “Ўзбекистон тарихи” телерадиоканали давлат муассасасининг 2024-йил 9-сентябрдаги 06-28-844-сон маълумотномаси). Ушбу аниқланган материаллар уруш даври тарихига оид кам ўрганилган архив ҳужжатлари ҳақидаги маълумотларни тўлдиришга ёрдам берди;
Ўзбекистонда саноатнинг ҳарбий изга кўчирилиши ва унинг натижалари, саноатда ишловчи ишчилар ҳамда уларнинг оилаларининг оғир яшаш шароитлари, меҳнатдаги қийинчиликлар, уруш давридаги саноатнинг иқтисодиётдаги улуши ҳамда аҳолининг саноатдаги меҳнат билан бандлиги масалалари ҳақидаги маълумотлардан “Тарихий савол” кўрсатуви ссенарийсини тайёрлашда фойдаланилди (“Ўзбекистон Миллий телерадиокомпанияси “Ўзбекистон тарихи” телерадиоканали давлат муассасасининг 2024-йил 9-сентябрдаги 06-28-844-сон маълумотномаси). Натижада телетомошабинлар янги  маълумотларга эга бўлишган.
Совет Иттифоқининг ғарбий вилоятларидан кўчирилган 104 та саноат корхоналарининг Ўзбекистон ҳудудига жойлаштирилиши, республикада уруш йилларида саноатнинг янги тармоқларининг вужудга келиши, янги завод фабрикаларининг қурилиши, саноатнинг ҳарбий изга кўчирилиши оқибатида халқ хўжалиги ҳамда аҳоли учун зарур истеъмол моллари ишлаб чиқаришнинг камайиб кетиши оқибатида юзага келган муаммоларга оид материаллардан Ўзбекистон Республикаси Мудофаа вазирлиги ҳузуридаги “Ғалаба боғи” ёдгорлик мажмуаси таркибидаги “Шон-шараф” давлат ходимлари экскурсияларда фойдаланилмоқда (Мудофаа вазирлиги ҳузуридаги “Ғалаба боғи” ёдгорлик мажмуаси 2024-йил 9-июн №42/692-сон маълумотномаси). Натижада уруш даври тарихига доир кам тадқиқ этилган архив ҳужжатлари асосидаги маълумотларни бойитишда муҳим аҳамият касб этди.
Иккинчи жаҳон уруши йилларида Ўзбекистонда саноат ишчилар хомашё билан таъминлаш соҳаларида пайдо бўлган муаммоларни бартараф этишда раҳбарият томонидан кўрилган чора-тадбирлар, саноатни ишчи кучи билан таъминлашда фабрика ва заводлар қошида ташкил қилинган мактабларнинг ўрни ва роли, архив ҳужжатлари ва наратив манбаларга таянган ҳолда олинган янги маълумолардан Ўзбекистон Республикаси Мудофаа вазирлиги ҳузуридаги “Ғалаба боғи” ёдгорлик мажмуаси таркибидаги “Шон-шараф” давлат ходимлари экскурсияларда фойдаланилмоқда (Мудофаа вазирлиги ҳузуридаги “Ғалаба боғи” ёдгорлик мажмуаси 2024-йил 9-июн №42/692-сон маълумотномаси). Натижада музейга ташриф буюрувчилар уруш даври тарихига доир муҳим маълумотларга эга бўлишади.